2 John 1

Amharic Dawro (Ooratha Caaquwaa)

Jump to:

1ታኒ ኣማኒያዋንታ ካሌꬂያ ጪማይ፥ ሂንቴንቶ፥ ዶሬቴዳ ጌኒዉኔ ኢዚ ናናው ሃ ዳቢዳቢያ ፃፋይ፤ ኑ ጊዶን ዴዒያ ቃሲ ኑናና ሜꬊናው ዴዓና ቱማቴꬃ ዲራው፥ ታኒ ሂንቴና ቱሙ ሲቃይ። ቃሲ ታ ፃላላ ጊዴናን፥ ቱማቴꬃ ኤሪያ ኡባቱ ሂንቴና ሲቂኖ።

3ፆሳ ኑ ኣዉዋኔ ኣ ናዓ ዬሱሲ ኪሪስቶሳ ኣꬎ ኬካቴꬃይ፥ ማሮቴꬃይኔ ሳሮቴꬃይ ቱማቴꬃኒኔ ሲቁዋን ኑናና ኢቲፔ ጊዶ።

4ፆሳ ኣዉ ኑና ኣዛዜዳዋዳን፥ ኔ ናናቱዋፔ ኣማሬዳዋንቱ፥ ቱማቴꬃን ዴዒያዋ ቤዓዴ ታኒ ዳሮ ናሼታዲ።

5ሲቆ ጌኔ፥ ሃዒካ ኑኒ ኡባይ ኢቱ ኢቱዋና ሲቄታና ማላ፥ ታኒ ኔና ዎሳይ፤ ሃ ኣዛዙ ካሴዴፔ ኑናና ዴዒያ ኣዛዙዋፔ ኣቲን፥ ታኒ ኔው ኦራꬃ ኣዛዙዋ ፃፊኬ።

6ሲቁዋ ጊያዌ ኑኒ ፆሳ ኣዛዙዋ ናጊዴ ዴዒያዋ ጊያዋ። ቃሲ ኮዪሩዋፔ ሂንቴ ሲሴዳዋዳንካ፥ ኣ ኣዛዙ ኣዬ ጎፔ፥ ሂንቴ ኡባይ ሲቁዋን ዴዓናዋ።

7ኣዪሲ ጎፔ፥ ዬሱሲ ኪሪስቶሲ ኣሳ ጊዲዴ ዬዳዋ ኣማኖኮ ጊያዋንቱ፥ ባሌꬂያ ዳሮ ኣሳቱ፥ ጋዴ ጊዶ ጌሌዲኖ። ሄዋ ማላ ኡራይ ኦኒኔ ኣሳ ባሌꬂያዋኔ ኪሪስቶሳ ኤቄቲያዋ።

8ሂንቴ ኦꬄዳዎ ኩሜንꬃ ዎይታ ኣካናፔ ኣቲን፥ ኑኒ ኦꬄዳዋ ባዪዜና ማላ፥ ሂንቴና ናጊቴ።

9ኪሪስቶሳ ቲሚርቲያፔ ሃኪያ ኡራዉኔ ቃሲ ኣ ቲሚርቲያን ዴዔና ኡራው ፆሳና ኢቲፔቴꬃይ ባዋ። ኪሪስቶሳ ቲሚርቲያን ዴዒያ ኡራው ፆሳ ኣዉዋናኔ ኣ ናዓና ኢቲፔቴꬃይ ዴዔ።

10ኦኒኔ ሂንቴኮ ዪዴ፥ ሃ ቲሚርቲያ ኣሄናን ኣጎፔ፥ ሂንቴ ጎሌ ኣ ጌሊሶፒቴ፤ ሳሮካ ጎፒቴ።

11ኣዪሲ ጎፔ፥ ኣ ሳሮ ጊያ ኡራይ ኣ ኢታ ኦሱዋ ኣናና ጊሼቴ።

12ታኒ ሂንቴንቶ ፃፋናው ኮዬዳ ዳሮባይ ዴዔ፤ ሺን ዋራቃታኒኔ ቃላሚያን ፃፋናው ኮያቤይኬ፤ ሺን ኑ ናሼቻይ ፖሌታና ማላ፥ ሂንቴናና ዶናን ሃሳያናው ሂንቴኮ ባና ጋዴ ቆፓይ።

13ሲቆ ጌኔ፥ ፆሳይ ዶሬዳ ኔ ሚቻቲ ናናይ ኔና ሳሮ ሳሮ ያጊኖ።

Jump to:

Recommended Reading

Commentary 2 John Commentaries → Devotional 2 John Devotional Guide → Get This Bible Amharic Dawro (Ooratha Caaquwaa) Study Bible →