Jonah 2

Amharic Gamo (Geeshsha Maxaafa)

← Chapter 1 Jump to: Chapter 3 →

1Yoonaasi moleza ulon dishe ba GODAAKKO,

2«Tani tuggaa giddon dashe GODAA xeygiin izi taas koyides; tani hayqqidayti diza ciimma giddon dashe neekko waassadis; nekka ta waaso siyadasa.

3Ne tana ciimma abba giddo duge yeggadasa; haaththi tana dooddides; ne Dambalay ta bollara aadhdhides.

4Hessa gishshas tani, ‹Ta ne sinththafe wora olettadis; gidikkoka ta ne geeshsha keeththaa qasseka zaara be7ana› gadis.

5«Haaththay taas qoodhe gakkanaas mittides; ciimma abbay tana mittides; abbaa giddon diza maataykka ta hu7e bolla xaaxettides.

6Tani zumata gars duge wodhdhadis; heen biittaa garsan mernaas gordan uttadis; gidikkoka abeet ta GODAWU! Neni ta shemppo ciimma ollafe kessadasa.

7«Tani hayqqana matida wode nena GODAA qoppadis. Ta woosaykka neekko pude geeshsha keeth gakkides.

8Hada eeqata kaallizayti wuri nenan GODAAN ammanettanayssa aggida.

9Gido attiin ta galata nees yarshana; ta adinettidayssa ubbaaka gaththana; ays giikko atoteththi GODAAPPE yees» gi woossides.

10Hessafe guye GODAY moleza azaziin molezi Yoonaasa biitta bolla cooyides.

← Chapter 1 Jump to: Chapter 3 →