bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gamo (Geeshsha Maxaafa)
/
Proverbs 1
Proverbs 1
Amharic Gamo (Geeshsha Maxaafa)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Hayti Isra7eele Kawo Dawite naa Solomoone leemisota.
2
Leemisoti asay aadho erateththa, seeranne erateththa haasaya akeekanaas maaddeettes.
3
Isttika de7ana de7on aadho erateth, xilloteth, suure pirdanne suure hano tamaarsizayta.
4
Erateththi paccidaytas akeeka, naateththatas erateththinne wozinamateth immizayta.
5
Aadho eranchchati ha leemisota siyidi erateth gujjeettes; akeekanchcha asatikka lo7o zoreta ekkeettes.
6
Hessa malan leemisotanne istta birsheththata, aadho eranchchata haasayanne istta maaleththo akeekanaas dandayeettes.
7
Aadho erateththas koyroy GODAAS yashshateththa; eeyati gidikko aadho erateththinne seera kadheettes.
8
Ta naazoo! Ne aawa zore ezga; ne aaya tamaarsizayssaka aggofa.
9
Hessi ne hu7es bonchcho kallachcha; nees qoodhen aaththiza alleqo mala gidana.
10
Ta naazoo! Nena nagaranchchati baleththiko eeno gooppa.
11
Istti nena, «Ane haa ya; issife biidi suuth gussanaas zuggoos; xillotakka wodhanaas qotetti uttoos.
12
Duufoy mittiza mala nunikka ane istta paxa dishin mittoos; nuni istta ciimma ollan olettiza asa mala ane ooththoos.
13
Nuni al7o miish ubbaa demmana; histtidi nu keeththa bonqqi ekkida miishshan kunththana.
14
Nunara zuppeta; demmidaaz issife go7ettana» gaana.
15
Ta naazoo! Isttara issife oge hemettofa; istti biza oge baana gaada ne toho denththofa.
16
Gaasoykka istti iita miish ooththanaas woxxeettes; asaa suuth gussanaaskka jaameettes.
17
Kafoy xeellishin iza oykkanaas yarde woththiko aykkoka maaddenna.
18
Hayti ha asati bantta suuth gussanaas zuggeettes; bantta shemppo wodhanaas qotetti utteettes.
19
Bessontta ogera go7a demmanaas woxxiza ubbata wurseththay hayssa mala; istti shiishshida aqotay istta shemppo ekki baana.
20
Aadho erateththaya oge bolla de7ashe xeygawus; dubbushan ba qaala dhoqqu histtada waassawus.
21
Aadho erateththaya cora asi shiiqizason waassawus; katama geliza pengen eqqada,
22
«Intteno wozina pacetoo! Intte awude gakkanaas eeyateththa oge kaallanee? Qilccizaytoo! Intte qilccizayssan awude gakkanaas ufayetteetii? Eeyatoo! Erateththa awude gakkanaas ixxanee?
23
Ta seeran intte simmidaakko, tani ta qofa inttes qonccisanakkoshin; ta qaalakka inttena tamaarsanakkoshin.
24
Tani xeygida wode intte koyontta ixxideta; tani ta kusheza micciin oonikka wudu gibeenna.
25
Ta zore ubbaa kadhideta; ta seerakka ekkibeekketa.
26
Hessa gishshas inttena metoy gakkiza wode tani intte bolla miiccana; bashshi intte bolla gakkiza wode tani intte bolla qilccana.
27
Bashshi abba dambala mala inttena qaaththiza wode, metoy gote carko mala inttena denththiza wode, tuggaynne waayey inttena mittiza wode tani inttena qilccana.
28
«He wode istti tana xeygana; ta gidikko isttas koykke; istti tana minththi koyana; gido attiin tana demmettenna.
29
Istti erateth ixxida; GODAAS yashshateth dooribeettenna.
30
Ta zore ekkanaas koyibeettenna; ta seera ubbaa kadhida.
31
Hessa gishshas istti bantti ooththida ooso ayfeza maana; bantti qoppida qofa ayfekka kallana.
32
Wozinay paccidayta aadho erateththafe haakoy istta wodhana; balata wuda dhayoy istta dhayssana.
33
Gido attiin tana siyizayti ubbay saron daana; aykko hirgay baynda woppan daana» gawus.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31