1 John 1

Amharic Gamo (ጋሞ ማጻፋ)

Jump to: Chapter 2 →

1ዴኦ ቃላ ጊሻስ ኮይሮፔ ዲዛይሳ ኑኒ ኑ ሃይን ሲዪዳይሳኔ ኑ ኣይፌራ ቤኢዳይሳ ሎኤ ጼሊዳይሳ፥ ኑ ኩሼራ ኦይኪ ቤኢዳይሳ ጊሻስ ሃሳዮስ።

2ዴኦይካ ቆንጪዴስ፤ ኑኒካ ኑ ኣይፌራ ቤኢዲ ማርካቶስ። ኢዛስ ኢዛ ኣዋ ኣቻን ዲዛይሳኔ ኑስካ ቆንጪዳ ሜርና ዴኦ ጊሻስ ኑ ኢንቴስ ዮቶስ።

3ኢንቴስካ ኑናራ ኢሲፌቴ ዳና ማላ ኑኒ ቤኢዳይሳኔ ሲዪዳይሳ ኢንቴስ ዮቶስ፤ ኑ ኢሲፌቴይካ ኣዋራኔ ኢዛ ና ዬሱስ ኪርስቶሳራ።

4ኑ ኡፋይሳይ ኩሜ ጊዳና ማላ ኑ ሃይሳ ኢንቴስ ጻፎስ።

5ኑ ኢዛፔ ሲዪዲ ኢንቴስ ዮቲዛ ኪታይ፥ «ጾሲ ፖኦ፤ ኢዛ ኣቻን ሙሌካ ማይ ዴና» ጊዛይሳ።

6«ኑ ማን ሲሜሬቲሼ ኢዛራ ኑስ ኢሲፌቴ ዴስ» ጊኮ ዎርዶቶስ ኣቲን ቱማን ዶኮ።

7ጊዶ ኣቲን ኢዚ ፖኦን ዲዛ ማላ ኑኒካ ፖኦን ሲሜሬቲኮ ኑ ጋርሳን ኑስ ኢሲፌቴ ዴስ፤ ኢዛ ና ዬሱስ ኪርስቶሳ ሱ ኑና ናጋራ ኡባፌ ጌሼስ።

8ኑኒ ኑናን ናጋራይ ባ ጊኮ ኑርካ ኑና ባሌስ፤ ቱማይካ ኑናን ዴና።

9ኑኒ ኑ ናጋራ ፓጺኮ ኢዚ ኑ ናጋራ ኣቶ ጋናሲኔ ኑ ቆሆፔ ኑና ዉርሲ ጌሻናስ ኢዚ ኣማኔቲዳዴኔ ጺሎ።

10ኑኒ ናጋራ ኦቤኮ ጊኮ ኢዛ ኑ ዎርዳንቻ ኬሶሲኔ ኢዛ ቃላይካ ኑናን ዴና።

Jump to: Chapter 2 →