Malachi 4

Amharic Gamo (ጋሞ ማጻፋ)

← Chapter 3 Jump to:

1«ሄኮ ጮጬ ታማ ማላ ኤጺዛ ጋላሲ ያና፤ ኦቶራንቻቲኔ ኢታ ኦዛይቲ ዉሪካ ሜላ ሃፓ ማላ ጊዳና፤ ሄ ያና ጋላሳይካ ኢስታ ጹጋና፤ ጼራካ ጻጶካ ኣሼና» ጌስ ኡባፌ ዎልቃማ ጎዳ ጾሳይ።

2«ታ ሱንስ ባቢዛ ኢንቴስ ቃሴ ጺሎቴ ኣርሼይ ባ ቄፌ ጋርሳን ፓዛዝ ኤካ ያና፤ ኢንቴካ ቢርሺ ዬዲዳ ጋሎ ማራ ማላ ጺኬቲሼ ኬዛና።

3ታኒ ኦዛ ጋላስ ኢንቴ ኢታታ ኢንቴ ቶሆ ጋርሳን ዬና፤ ኢስቲ ኢንቴ ቶሆ ጫማ ጋርሳን ቢዲን ጊዳና» ጌስ ኡባፌ ዎልቃማ ጎዳ ጾሳይ።

4«ኢስራኤሌ ናይቲ ኡባይ ኣዛዜታና ማላ ታኒ ታ ኦሳንቻ ሙሴ ባጋራ ኮሬቤ ዙማ ቦላ ታ ኢሚዳ ዎጋኔ ኣዛዞታ ቆፒቴ» ጌስ ኡባፌ ዎልቃማ ጎዳ ጾሳይ።

5«ሄኮ ኬሂ ጊታኔ ያሺሲዛ ኡባፌ ዎልቃማ ጎዳ ጋላሳይ ጋካናፔ ካሴ ታ ኢንቴስ ናቤ ኤላሳ ዬዳና» ጌስ ኡባፌ ዎልቃማ ጎዳይ።

6«ታ ያዳ ቢታ ቃንጌን ይሶንታ ማላ ኢዚ ኣዋታ ዎዚና ናይታኮ፥ ቃሴ ናይታ ዎዚና ኣዋታኮ ዛራና» ጌስ ኡባፌ ዎልቃማ ጎዳይ።

← Chapter 3 Jump to: