1 Kings 4

Amharic Gofa GFBEVF (ጌሻ ማፃፋ)

← Chapter 3 Jump to: Chapter 5 →

1ካዎይ ሶሎሞነይ እስራኤለ ቢታ ኡባ ቦላ ካዎትስ።

2እ ሹምዳ አሳይ ሀይሳፈ ካልድ ፃፈትዳይሳታ፤ ሳዶቃ ናአይ አዛርያስ ካህነ፤

3ሺሻ ናይት ኤልሆረፍነ አክይ ዋና ፃፈታ፤ አህሉዳ ናአይ እዮሳፈፅ ታርከ ፃፈ፤

4ዮዳሄ ናአይ ባናይ ቶራ ሞጮና፤ ሳዶቅነ አብያታር ካህነታ።

5ናታና ናአይ አዛርያስ ደርያ አይሰይሳታ ሀላቃ፤ ናታና ናአይ ካህነይ፥ ዛቡድ ካዋ ዞረይሳ፤

6አህሳር ካዎ ጋ ሀላቃ፤ አብዳ ናአይ አዶንራም ማዳ ኦይሳታ ሀላቃ።

7ቃስ ሶሎሞነስ እስራኤለ ቢታን ታማነ ናምኡ ደረ አይስያ ሀላቃት ደኦሶና፤ ኤንቲ ካዋስነ ካዋ ሶን ደእያ አሳ ኡባስ ምያ ካ ኤሄይሳታ። ኤንታፈ እሶይ እሶይ ላይ ግዶን እስ እስ አጌና ካ ኤሄስ።

8ኤንታ ሱንይ ሀይሳፈ ካልድ ፃፈትስ። በንሁር ደረይ ዳርያ ኤፍሬማ ቢታ አይሰይሳ።

9ባንፀቃር ማቃፃ፥ ሻአልብማ፥ ቤት-ሳሜሳነ ኤሎን-ቤት-ሀና ካታማታ አይሰይሳታ።

10በንሄሰድ አሩቦታ ቢታ አይሰይሳ፤ ሶኮ ቢታይነ ሄፌራ ቢታይ ኡባይ እያባ።

11በን-አምናዳብ፥ በናፎታ ዶራ ቢታ አይሰይሳ፤ እ ሶሎሞነ ናእዉ ፃፋቶ ኤክስ።

12አህሉዳ ናአይ ባአና፥ ታናካነ ማግዶ ካታማታ፥ እዝራኤለፐ ጋርሳን ፃርታና ማታን ደእያ ቤት-ሳና ቢታ ኡባ፥ ቤት-ሳናፐ ብድ አቤል-ማሆላራ ካንድ፥ ዮቅማኣማ ፕን ጋካናዉ ደእያ ካታማታ አይሴስ።

13በንግቤር ጋላዳን ራሞታ ካታማ፥ ጋላዳን ምናሰ ናኣ ያእራ ካታማታ፥ ባሳነን አርጎባ ቢታነ ዩሾን ግምበይነ ግምበ ፐንገታስ ናሰ ብራታ ልዮት ደእያ ኡሱፑን ታሙ ካታማታ አይሴስ።

14እዶ ናአይ አህናዳብ ማሀናይማ ቢታ አይሴስ።

15አክማስ ንፍታለመ ቢታ አይሴስ፤ እ ሶሎሞነ ናእዉ ባስማቶ ኤክስ።

16ኩሳ ናአይ ባኣን አሴራ ቢታነ ባሎታ ካታማ አይሴስ።

17ፓሩሀ ናአይ እዮሳፈፅ ይሳኮራ ቢታ አይሴስ።

18ኤላ ናአይ ሳም ብንያመ ቢታ አይሴስ።

19ኡረ ናአይ ጋቤር፥ ጋላዳ ቢታን አሞረ ካዎይ ስሆንነ ባሳነ ካዎይ ኦገይ ካዎትዳ ቢታ አይሴስ፤ ሄ ቢታታ አይሰይ እያ ፃላላ።

20ይሁዳ አሳይነ እስራኤለ አሳይ አባ ጋፃን ደእያ ሻፈዳ ዳርዶሶና፤ ኤንቲ ምሸነ ኡይሸ ኡፋይትድ ደእዶሶና።

21ሶሎሞነይ ኤፍራፂሳ ሻፋፐ ዶምድ ፍልስፄመ ቢታ ጋካናዉ፥ ያፐ ካንድ ግብፀ ዛዋ ጋካናዉ ደእያ ካዎተታ ኡባ ሃርስ። ሄ ቢታ አሳት እያዉ ጊራ ጊርዶሶና፤ እያ ደኦ ላይ ኡባን እያዉ ሃረትዶሶና።

22ሶሎሞነስ ጋላስ ጋላስ ሺቅያ ካ፤ እሻታሙ ኩንታለ ሎኦ ለ፥ ፄቱ ኩንታለ ጮ ለ፥

23ከትዳ ታሙ ሳንጋታ፥ የዳን ምዳ ላታሙ መሄነ ፄቱ ዶርሳታ፤ ቃስ ጮፎሾታ፥ ጋራታ፥ ገንኤታነ ኦርደ ኩቶታ ኮሼስ።

24ሶሎሞነይ ኤፍራፂሳ ሻፋፐ ዶሎሀ ባጋራ ደእያ ካዎተታ ኡባ ትፍሳ ካታማፐ ዶምድ ጋዛ ካታማ ጋካናዉ ሃርስ፤ ባ ዩሹዋን ደእያ ቢታ ኡባራ ሳሮ ደእስ።

25እያ ደኦ ላይ ኡባን ይሁዳ አሳይነ እስራኤለ አሳይ ዳነፐ በርሳበ ጋካናዉ፥ ኡባይ ባ ዎይነ ጋርሳንነ ባላሰ ጋርሳን ሳሮ ደእዶሶና።

26ሶሎሞነስ ኦላ ፓራ ጋረታ ጎችያ ኦይታሙ ሙኩሉ ጋፃታ ፓራትነ ታማነ ናምኡ ሙኩሉ ፓራ አሳት ደኦሶና።

27ሄ ደርያ አይሰይሳት አጌናን አጌናን ካዎይ ሶሎሞነይነ እያ ግብራ ማናዉ ይዳ አሳ ኡባይ ምያባ ሺሾሶና። ኤንቲ እያፐ አይባካ ፓጭሶኮና።

28ኤንቲ ጋረ ፓራትነ ሀንኮ ፓራት ማናዉ ባንጋነ ፔን ኤንታ ጋክዳ ዳላ ኤህድ እያ ምንጃ ኬን ዎዶሶና።

29ፆሳይ ሶሎሞነስ ጭንጫተ፥ አኬካነ ዳልጋ ዎዛና እሚስ።

30ሶሎሞነ ጭንጫተይ ዶሎሀ ባጋራ ደእያ አሳ ጭንጫተፈነ ግብፀታ ጭንጫተፈ አስ።

31እ አሳ ኡባፈ አያ ጭንጫ፤ እያ ጭንጫተይ፥ ኤዝራሄ አድያ ኤታናፐ፥ ማሆላ ናይታ ሄማናፐ፥ ካልኮላፐነ ዳርዳአፐ አስ። እያ ሱንይ ዩሹዋን ደእያ ካዎተታ ኡባ ጋክስ።

32እ ሄ ሙኩሉ ሌምሶታ ኦድስ፤ እያ ማዝሙረት እስ ሙኩሉነ እቻሻ።

33ሶሎሞነይ ልባኖሰ ዝጋፐ ዶምድ፥ ግምበ ኬ ቦላ ዶልያ ህሶጰ ም ጋካናዉ ሌምስድ ኦድስ። ሄሳዳካ፥ መሄታባ፥ ዶአታባ፥ ካፎታባ፥ ሳአራ ጎሸትያ መተታባ ሞሎታባ ታማርስስ።

34እያ ጭንጫተ ስእዳ ሳአን ደእያ ካዎት ኡባይ ኪትን፥ ካዎተ ኡባፈ አሳይ ሶሎሞነ ጭንጫተ ስአናዉ ዮሶና።

← Chapter 3 Jump to: Chapter 5 →