2 John 1

Amharic Gofa GFBEVF (ጌሻ ማፃፋ)

Jump to:

1ታ ጭማይ ዶረትዳ ጎዳተስነ እ ናይታስ ኪትዳ ኪታ። ታ ፃላላ ግዶናሽን፥ ቱማ ኤርያ ኡባይ ህንተና ዶሶሶና።

2ሀ ቱማይ ኑናን ደእያ ግሾነ መርናዉ ኑራ ዳና ግሾ ታኒ ህንተና ቱማ ዶሳይስ።

3ፆሳ ኑ አዋነ እያ ናኣ የሱስ ክርስቶሳ አ ኬሀተይ፥ ማሮተይነ ሳሮተይ ቱማንነ ሲቆን እስፈ ኑራ ግዶ።

4አዋይ ኑና ኪትዳይሳዳ፥ ነ ናይታፐ ባጋት፥ ቱማስ ኪተተይሳ በአዳ ታኒ ዳሮ ኡፋይታስ።

5ጎዳተ፥ ሀእካ ኑኒ ኡባይ እሶይ እሱዋ ሲቃና መላ ታኒ ነና ዎሳይስ። ሀ ኪታይ ኮይሮፐ ኑራ ደእያ ኪታፐ አትሽን፥ ታኒ ነዉ ኦራ ኪታ ፃፍከ።

6ቱማ ሲቆይ ኑኒ ፆሳ ኪታ ናግድ ዳናይሳ። ቃስ ኮይሮፐ ህንተ ስእዳይሳዳ እያ ኪታይ፥ ህንተ ኡባይ ሲቆን ዳና መላሳ።

7የሱስ ክርስቶሲ አሰ ግድድ ይዳይሳ አማኖና፥ ዳሮ ባለያ አሳት፥ አላመን ደንድዶሶና። ሄሳ መላ አስ ኦንካ ባለይሳነ ክርስቶሳ ሞርከ።

8ህንተ ኦዳ ኩመ ዎይቱዋ ኤካናዉ ምንተ። ህንተ ኦዳይስ ዮና መላ ናገትተ።

9ክርስቶሳ ትምርትያን ዶናይሳስነ እያፐ ሃክያ ኡራስ ፆሳይ ባዋ። ክርስቶሳ ትምርትያን ደእያ ኡራስ አዋይነ ናአይ ደኦሶና።

10ኦንካ ህንተኮ ይሸ ሀ ትምርትያ ኤሆና እፅኮ፥ ህንተ ሶ ገልሶፍተ፤ ሳሮካ ጎፕተ።

11እያ ሳሮ ግያ ኦንካ እያ ኢታ ኦሱዋን እያራ ሻከቴስ።

12ታኒ ህንተዉ ፃፋናዉ ኮይዳ ዳሮባይ ደኤስ፥ ሽን ዎርቃተንነ ቃላመን ፃፋናዉ ኮይከ። ኑ ኡፋይሳይ ፖለታና መላ ህንተራ ሶምኦን ጋሄታዳ ኦደታናዉ ህንተኮ ባና ጋዳ ቆፓይስ።

13ፆሳይ ዶርዳ ነ ምቸ ናይት ነና ሳሮ ያጎሶና።

Jump to: