3 John 1

Amharic Gofa GFBEVF (ጌሻ ማፃፋ)

Jump to:

1ታኒ ጭማይ፥ ቱማ ዶስያ ጋዮሳስ ኪትዳ ኪታ።

2ታ ሲቁዋዉ፥ ኔኒ ነ ሸምፑዋን ሎኦ ደኤይሳ ታ ኤረይሳዳ ነዉ ፓያተ ዳና መላነ ነ ኦያባይ ሱራና መላ ነዉ ፆሳ ዎሳይስ።

3ጉ አማንያ አሳት ይድ፥ ኡባ ዎደ ኔኒ ቱማን ደኤይሳነ ነ ቱማተባ ማርካትዳ ዎደ ታኒ ዳሮ ኡፋይታስ።

4ታ ናይት ቱማተን ደኤይሳ ስኤይሳፈ አድ፥ ታና ኡፋይስያባይ ባዋ።

5ታ ሲቁዋዉ፥ ኤንቲ ነዉ እማ ግድኮካ፥ ኔኒ አማንያ አሳታስ አማንያ ኦሶ ኦሳ።

6ኤንቲ ነ ሲቁዋባ ዎሳ ኬን ማርካቶሶና። ሀእካ ኤንቲ ብያ ኦግያን ፆሳይ ዶሰይሳዳ ኦዳ ኤንታ ማድኮ ሎኦ ኦሳ።

7ኤንቲ ክርስቶሳ ሱን ግሾ ከይሸ፥ አማኖና አሳታፐ አይኮካ ኤክቦኮና።

8ኑኒ ቱማ ኦሱዋ ኤንታራ እስፈ ኦናዉ ሀይሳ መላ አሳታ ማዳናዉ በሴስ።

9ታኒ ዎሳ ኬታስ ዳብዳበ ፃፋስ፥ ሽን ኤንታ ሀላቃ ግዳናዉ ኮይያ ድዮትራፍስ ኑኒ ገይሳ ኤከና።

10ሄሳ ግሾ፥ ታኒ ያ ብያ ዎደ እ ኑ ቦላ ኦደትያ ኢታ ኦዳነ እ ኦዳ ኦሱዋ ኦዳና። እ ሄስ ጉፅስ ግድ፥ ኑ እሻት ያ ዎደ ሞከና። ሀር አቶሽን፥ ኤንታ ሞካናዉ ኮየይሳታካ ድግድ ዎሳ ኬፈ ከሴስ።

11ታ ሲቁዋዉ፥ ሎኦባ ዳናፐ አትሽን፥ ኢታባ ዳኖፓ። ሎኦባ ኦያ ኦንካ ፆሳ አስ፥ ሽን ኢታባ ኦያ ኦንካ ፆሳ በእቤና።

12ድመፅሮስ ሎኦ አስ ግደይሳ አሳ ኡባይ ማርካቴስ። ቱማይ ባ ሁጰን እያባ ማርካቴስ፤ ኑካ እያባ ማርካቶስ፤ ኑ ማርካተይ ቱማ ግደይሳ ህንተ ኤሬታ።

13ታኒ ነዉ ፃፋናዉ ኮይዳ ዳሮባይ ደኤስ፥ ሽን ቃላመንነ ዎርቃተን ፃፋናዉ ኮይከ።

14ሽን ታኒ ማታራ ኔራ ጋሄታናዉ ቆፓይስ፤ ሄ ዎደ ኑኒ ኦደታና።

15ሳሮይ ነዉ ግዶ። ነ ዳቦት ነና ሳሮ ያጎሶና። ኑ ዳቦታ ኡባ ኤንታ ሱን ሱን ፄጋዳ ታና “ሳሮ ግስ” ያጋ።

Jump to: