Philemon 1

Amharic Gofa GFBEVF (ጌሻ ማፃፋ)

Jump to:

1ታኒ ጳዉሎስ፥ የሱስ ክርስቶሳ ግሾ ቃሾን ደኤይስነ ኑ እሻ ፅሞትዮስ፥ ኑራ ኦያ ኑኒ ዶስያ ፍልሞናስ፥

2ነ ሶን ሺቅያ ዎሳ ኬታስ፥ ኑ ምቸ አፍብያስነ ኑራ እስፈ ደእያ ዎታዳረ አርክጳሳስ ፃፍዳ ኪታ።

3ፆሳ ኑ አዋፐነ ኑ ጎዳ የሱስ ክርስቶሳፐ አ ኬሀተይነ ሳሮተይ ህንተዉ ግዶ።

4ኔኒ ጌሻታ ዶሰይሳነ ጎዳ የሱሳ አማነይሳ ታኒ ስእያ ግሾ፥ ፆሳ ዎሳሸ ነና ቆፕያ ዎደ ኡባን ታ ፆሳ ጋላታይስ።

6ኔኒ ነ አማኑዋ ሀራታስ ሻከይስ ኑስ ክርስቶስ የሱሳ ባጋራ ያ ሎኦባ ኡባ ኤርሳና መላ ታኒ ፆሳ ዎሳይስ።

7ጌሻታ ዎዛናይ ነ ኦሱዋን ምንዳ ግሾ፥ ታ እሻዉ፥ ታኒ ነ ሲቁዋን ዳሮ ኡፋይስነ ምን ደማስ።

8ሄሳ ግሾ፥ ኔኒ ኦናዉ በሲያባ ኦና መላ ነና ኪታናዉ ክርስቶሳ ባጋራ ታዉ ምኖተይ ደኤስ።

9ታኒ፥ ጭማይ ጳዉሎስ፥ ክርስቶስ የሱሳስ ሀእካ ቃሾን ደኤይስ፥ ሲቆን ነና ዎሳይስ።

10ታኒ ቃሾን ደአሸ እያዉ ዞርያ አዋ ግዳዳ ታ ናኣ አናስሞሳ ግሾ ነና ዎሳይስ።

11እ ካሰ ነና ማደና፥ ሽን ሀእ ነናካ ታናካ ቱማ ማድያ አስ።

12ታኒ ዎዛናፐ ዶስያ አናስሞሳ ኔኮ የዳይስ። ታኒ ዎንገላ ግሾ ቃሸትዳሽን፥ ነ ግሾ ታዉ ኦድ ታና ማዳና መላ ታ ማታን እያ አሻናዉ ኮያስ።

14ሽን ነ ሸነዳ ኦናዉ ኮያስፐ አትሽን፥ ኔራ ዞረቶና ዎልቃን አይኮካ ኦናዉ ኮይከ።

15አናስሞስ ጉ ዎደ ኔፐ ሻከትዳይስ፥ ኦን ኤር ስሚድ ኡባ ዎደ ኔራ ደኦና አገና።

16ህዛ፥ ሀይሳፈ ጉየ አናስሞስ አይለ ግዶናሽን፥ አይለፈ እ ዳሮ አስ። እ ታዉ አይ መላ ሲቆ እሸ! ቃስ እ ነዉ አሳ ባጋራካ ጎዳ ባጋራካ አዳ እሻ።

17ህዛ፥ ኔኒ ታና ነ ላገ ግያባ ግድኮ ታና ሞከይሳዳ እያ ሞካ።

18እ ነና ቆህዳባይ ዎይኮ እ አጮትዳባይ ደእኮ ታፐ ኤካ።

19ሄ አጩዋ ታ ቃንፃና ጋዳ ታኒ ጳዉሎስ፥ ታ ኩሸን ፃፋይስ። ኔኒ ታዉ ነ ሸምፑዋ አጮታ ኡትዳይሳ ታኒ ነና አኬክሳናዉ ኮሸና።

20ታ እሻዉ፥ ጎዳ ባጋራ ኔፐ ማደ ደማናዉ ኮያይስ። ክርስቶሳ ባጋራ ታና ምን።

21ታኒ ግዳይሳፈ ዳሮ ኔኒ ኦናይሳ ኤራዳ ቃስ ነ ታዉ ኪተታናይሳ አማናዳ ሀይሳ ፃፋይስ።

22ፆሳይ ህንተ ዎሳ ስእድ ታና ህንተኮ ጉየ ዛራና ጋዳ ቆፕያ ግሾ፥ ታዉ እማ ሸምፕያ ኬ ጊግሳ።

23ክርስቶስ የሱሳ ግሾ ታራ ቃሾን ደእያ ኤጳፍር ነና ሳሮ ሳሮ ጌስ።

24ቃስ ታራ እስፈ ኦያ ማርቆስ፥ አርስፅሮኮስ፥ ዴማስነ ሉቃስ ነና ሳሮ ጎሶና።

25ጎዳ የሱስ ክርስቶሳ አ ኬሀተይ ህንተ አያናራ ግዶ።

Jump to: