3 John 1

Amharic Gofa GFBLVF (Geeshsha Maxaafa)

Jump to:

1Taani cimay, tumaa dosiya Gaayoosas kiitida kiita.

2Ta siiquwaw, neeni ne shempuwan lo77o de7eysa ta ereysada new payyatethi daana melanne ne oothiyabay suurana mela new Xoossaa woossayis.

3Guutha ammaniya asati yidi, ubba wode neeni tuman de7eysanne ne tumatethaba markatida wode taani daro ufaytas.

4Ta nayti tumatethan de7eysa si7eysafe aadhidi, tana ufaysiyabay baawa.

5Ta siiquwaw, enti new imathe gidikoka, neeni ammaniya asatas ammanthiya ooso oothaasa.

6Enti ne siiquwaba woosa keethan markatoosona. Ha77ika enti biya ogiyan Xoossay doseysada oothada enta maaddiko lo77o oothaasa.

7Enti Kiristoosa sunthaa gisho keyishe, ammanonna asatape aykoka ekibookona.

8Nuuni tuma oosuwa entara issife oothanaw haysa mela asata maaddanaw bessees.

9Taani woosa keethatas dabdaabe xaafas, shin enta halaqaa gidanaw koyiya Diyotrafisi nuuni geysa ekenna.

10Hessa gisho, taani yaa biya wode I nu bolla odetiya iita odanne I oothida oosuwa odana. I hessi guuxis gidi, nu ishati yaa wode mokenna. Hari attoshin, enta mokanaw koyeysataka diggidi woosa keethafe kessees.

11Ta siiquwaw, lo77oba daanape attishin, iitabaa daanopa. Lo77oba oothiya oonika Xoossaa asi, shin iitabaa oothiya oonika Xoossaa be7ibeenna.

12Dimexroosi lo77o asi gideysa asa ubbay markatees. Tumay ba huuphen iyabaa markatees; nuka iyabaa markatoos; nu markatethay tuma gideysa hinte ereeta.

13Taani new xaafanaw koyida darobay de7ees, shin qalameninne worqaten xaafanaw koyke.

14Shin taani matara neera gahetanaw qopayis; he wode nuuni odetana.

15Saroy new gido. Ne dabboti nena saro yaagosona. Nu dabbota ubbaa enta sunthaa sunthaa xeegada tana “Saro gis” yaaga.

Jump to: