Joshua 16

Awadhi

← Chapter 15 Jump to: Chapter 17 →

1इ उ प्रदेस अहइ जेका यूसुफ क परिवार पाएस। इ प्रदेस यरीहो क लगे यरदन नदी स सुरु भवा अउ आगे पूरब मँ यरीहो पानी तलक रहा। तउ इ प्रदेस यरीहो स बेतेल क रेगिस्तानी पहाड़ी तलक चली गइ।

2सीमा लगातार बेतेल स लूज तलक अउर फुन अतारोत पइ एरेकी सीमा तलक चली गइ रही।

3तब इ चउहद्दी पच्छिम मँ यपलेती लोगन क चउहद्दी तलक चली गइ। इ चउहद्दी लगातार खाले बेथोरोन तलक चली गइ रही। इ चउहद्दी गेजेर तलक गइ अउर समुद्दर तलक चलतइ चलत गइ।

4इ तरह मनसे अउर एप्रैम आपन प्रदेस पाएस। (मनस्से अउ एप्रैम यूसुफ क पूत रहेन।)

5इ उ प्रदेस अहइ जेका एप्रैम क कबिलन क दीन्ह गवा: ओनकर पूरबी चउहद्दी ऊपरी बेथोरोन क निअरे अत्रोतदार पइ सुरु भइ।

6अउर इ हुआँ स सागर तलक जात रही। चउहद्दी उत्तर मँ मिकमतात क छोड़ कर तानतसीलो क मुड़ी अउ लगातार पूरब कइँती यानोह तलक चली गइ रही।

7तब चउहद्दी यानोह स अतारोथ अउ नारा तलक चली गइ। इ चउहद्दी लगातार चलत भइ यरीहो छुअत ह अउर यरदन नदी पइ खतम होइ जात ह।

8इ चउहद्दी तप्पूह स होत भइ पच्छिम कइँती कानाह नाला क जात ह अउर सागर पइ खतम होइ जात ह। इ उ प्रदेस अहइ जउन एप्रैम क लोगन क ओकरे परिवार समूह क अनुसार दीन्ह गवा रहा।

9एप्रैम क बहोत स चउहद्दी क सहर असल मँ मनस्से क चउहद्दी मँ रहेन मुला एप्रैम क लोगन ओन सहरन अउर आपन खेतन क पाएन।

10मुला एप्रैम लोग कनानी लोगन क गेजेर सहर छोड़इ क मजबूर करइ मँ समर्थ नाहीं होइ सकेन। ऍह बरे कनानी लोग अब तलक एप्रैमी लोगन क बीच रहत हीं। मुला कनानी लोग एप्रैमी लोगन क दास क रूप मँ रहत रहेन।

← Chapter 15 Jump to: Chapter 17 →