bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Aymara
/
Aymara 1997
/
Genesis 36
Genesis 36
Aymara 1997
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 37 →
1
Esaú chachana, kawkïritix Edom satäk ukan wawanakapax akanakawa.
2
Esaú chachax Canaán uraqinkir warminakampiw jaqichasïna: Elón sata hitita jaqin Adá phuchhapampi; ukatsti Aná warmin Oholibamá phuchhapampi, Sibón sat heveo jaqin allchhiparaki;
3
ukxarusti Ismaelan Basemat phuchhapampi, Nebaiot jaqin kullakapa.
4
Adá warmisti Esaú chachatakix mä yuqall wawa wawachasïna, uka wawasti Elifaz satänwa; Basemat warmisti Reuel sata wawa wawachasirakïna;
5
Oholibamá warmisti: Jeús, Jaalam, Coré sutin wawanak wawachasirakïna. Jupanakaw Esaú chachan wawanakapaxa, jupax Canaán uraqin jakkäna ukapachaw yuripxäna.
6
Esaú chachasti warminakapa, wawanakapa, taqi khitinakatix jupamp jakkäna ukanak irpxarusiwayasin yaqha chiqaruw sarxäna, Jacob jilapat jayankañataki. Jupasti taqi uywanakap anakisxäna, ukhamarak kunanaktix Canaán uraqin jikxatkatayna ukanaksa apasxänwa.
7
Esaumpi, Jacobumpix walja uywanakanïpxänwa, janiw panpachanix jakirjamäkxapxänti, uraqis janirakiw ukataq uywa awatiñatakix utjkänti.
8
Ukat Esaú chachax, kawkïritix Edom satäkaraki ukax, Seír qullu tuqinakar jakiriw sarxäna.
9
Esaú chachan wawanakapax akanakawa, Esaú chachasti edomita jaqinakan nayra awkiparakïnwa, jupanakasti uka Seír qullu tuqinakan jakapxäna.
10
Esaú chachan wawanakapan sutinakapax akanakänwa: Elifaz, jupasti Adampina, Esaumpin wawapänwa; ukxarusti Reuel, jupasti Basemat warmimpina, Esaumpin wawapänwa.
11
Elifaz chachan wawanakapasti: Temán, Omar, Sefó, Gatam, Quenaz, Coré ukanakänwa.
12
Elifaz jaqin mä uñt'atapaw utjäna, jupasti Timná sutinïnwa; jupasti mä yuqall wawa wawacharapïna, Amalec sutimpiw ucharakïna. Jupanakänwa Adá warmin wawanakapaxa, Esaú chachan mayni warmipäkän ukana.
13
Reuel chachan wawanakapasti akanakänwa: Náhat, Zérah, Samá, Mizá ukanaka. Jupanakasti Basemat warmimpina Esaú chachampin wawanakapänwa.
14
Oholibamá warmix Esaú chachan yaqha warmiparakïnwa, jupasti Esaú chachatakix Jeús, Jaalam, Coré sat wawanak wawachasïna. Jupax Aná warmin phuchhapänwa, Sibón sat chachan allchhiparaki.
15
Esaú chachan wawanakap taypin jilïr irpirinakax akanakänwa: Elifaz jilïr yuqapan wawanakapa: Temán, Omar, Sefó, Quenaz,
16
Coré, Gatam, Amalec ukanaka. Edom uraqinxa, jupanakänwa Elifazat saraqir wawanakat jilïr irpirinakaxa, jupanakasti Adá warmin allchhinakaparakïnwa.
17
Reuel yuqapan wawanakapata, Basematan allchhinakapatsti: Náhat, Zérah, Samá, Mizá ukanakänwa.
18
Oholibaman wawanakap taypin jilïr irpirinakasti: Jeús, Jaalam, Coré ukanakänwa; jupasti Aná warmin phuchhapänwa, Esaú chachan warmiparakïnwa.
19
Taqi jupanakaw Esaú chachan wawanakapaxa, khititix Edom satäkaraki ukana. Jupanakaw ayllunakapan jilïr irpirinakänxa.
20
Esaú chachat saraqir horeos sata jaqinakan ayllunakapankiri, Edom chiqan jakapkäna ukan jilïr irpirinakapax akanakänwa: Lotán, Sobal, Sibón, Aná,
21
Disón, Éser, Disán ukanaka.
22
Lotán sat jaqin wawanakapatsti: Horí, Hemam ukanaka. Lotán jaqin Timná kullakapa.
23
Sobal jaqin wawanakapatsti: Alván, Manáhat, Ebal, Sefó, Onam ukanaka.
24
Sibón jaqin wawanakapatsti: Aiá, Aná ukanaka. Aná sataw wasaran uma phuch'unak jikxatäna, Sibón awkipan asnonakap uñjaskän ukkha.
25
Aná warmin wawanakapatsti: Disón, Oholibamá ukanaka.
26
Disón jaqin wawanakapatsti: Hemdán, Esbán, Itrán, Querán ukanaka.
27
Éser jaqin wawanakapatsti: Bilhán, Zaaván, Acán ukanaka.
28
Disán jaqin wawanakapatsti: Us, Arán ukanaka.
29
Seír tuqinakan jakapkän uka horeos sat jaqinakan jilïrinakapasti Lotán, Sobal, Sibón, Aná,
30
Disón, Éser, Disán ukanakänwa. Jupanakasti horeos sat jaqinakan wila masinakapan jilïrinakapäpxänwa.
31
Israelitanakax janïra reyinïpkän ukapachaxa, Edom uraqi apnaqir reyinakax akanakänwa:
32
Beor jaqin Bela yuqapax Edom uraqin reyipänwa, markapax Dinhaba satänwa.
33
Belan jiwxatapatsti, Zérah jaqin Jobab yuqapaw reyïxäna, markapax Bosrá satänwa.
34
Jobab reyin jiwxatapatsti, Temán chiqankir Husam jaqiw jupa lanti apnaqxäna.
35
Husam reyin jiwxatapatsti, Bedad jaqin Hadad yuqapaw jupa lanti apnaqxäna, markapasti Avit satänwa, jupasti Madianarux Moab pampan atipjarakïna.
36
Hadad chachan jiwxatapatsti, Samlá jaqiw jupa lanti apnaqxäna, jupasti Masrecá chiqankirïnwa.
37
Samlan jiwxatapatsti, Saúl jaqiw jupa lanti apnaqxäna, jupasti Éufrates jawir thiyankir Rehobot sat markankirïnwa.
38
Saúl reyin jiwxatapatsti, Acbor jaqin Baal-hanán yuqapaw jupa lanti apnaqxäna.
39
Baal-hanán jaqin jiwxatapatsti, Hadad jaqiw jupa lanti apnaqxarakïna, markapasti Pau satänwa. Hadad chachan warmipax Mehetabel satänwa, jupasti Matred jaqin phuchhapänwa, Mezaab chachan allchhiparaki.
40
Esaú chachat saraqir edomitanakan jilïr irpirinakapasti akanakänwa, sutinakapata, wila masinakata, utjäwi uraqipat utt'ayatkama: Timná, Alvá, Jetet,
41
Oholibamá, Elá, Pinón,
42
Quenaz, Temán, Mibsar,
43
Magdiel, Iram ukanaka. Esaú chachax Edom satarakïnwa, jupanakaw Edom markan jilïr irpirinakapänxa, kawkhantix jupanakax jakapkäna, jupanakan uraqipäkäna ukhamarjama.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50