bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbaijan 2013
/
1 Kings 22
1 Kings 22
Azerbaijan 2013
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
اوچ ائل کچدی. بو مودّتده اَراملا ائسرایئل آراسیندا موحارئبه گتمئردی.
2
اوچونجو ائلده یهودا پادشاهی یِهوشافاط ائسرایئل پادشاهینین یانینا گلدی.
3
ائسرایئل پادشاهی اعیانلارینا ددی: «آیا بئلئرسئنئز کی، راموت گئلعاد بئزئمدئر و بئز هچ نه اتمئرئک کی، اونو اَرام پادشاهینین اَلئندن گری آلاق؟»
4
سونرا او، یِهوشافاطدان سوروشدو: «آیا سن منئمله بئرلئکده راموت گئلعادا گِدَرسن کی، اونلارلا ساواشاق؟» یِهوشافاط ائسرایئل پادشاهینا جاواب وردی: «منی اؤزون کئمی، خالقیمی خالقین کئمی، آتلاریمی آتلارین کئمی حساب ات.»
5
یِهوشافاط گئنه ائسرایئل پادشاهینا ددی: «اوّلجه گؤرَک ربّئن سؤزو نهدئر؟»
6
ائسرایئل پادشاهی دؤرد یوزه قدر پیغمبری ییغدی و اونلاردان سوروشدو: «ووروشماق اوچون راموت گئلعادا گدئم یا گتمهیئم؟» اونلار ددئلر: «گت، رب اونو پادشاها تسلئم ادهجک.»
7
یِهوشافاط سوروشدو: «بورادا اولانلاردان باشقا، ربّئن بئر پیغمبری یوخدور کی، اوندان سوروشاق؟»
8
ائسرایئل پادشاهی یِهوشافاطا ددی: «ربدن سوروشماق اوچون بئر نفر ده وار: یئملا اوغلو مئکایا. آنجاق منئم اوندان زَهلَم گدئر، چونکی یاخشیلیغیما یوخ، پئسلئیئمه پیغمبرلئک ادئر.» یِهوشافاط ددی: «قوی پادشاه بله دِمهسئن.»
9
ائسرایئل پادشاهی بئر سارای خئدمتچئسئنی چاغیریب ددی: «تِز یئملا اوغلو مئکایانی بورایا گتئر.»
10
ائسرایئل پادشاهی و یهودا پادشاهی یِهوشافاط سامئره دروازاسینین گئرهجیئندهکی خرمن یرئنده، شاهلیق لئباسی گِیمئش حالدا، هر بئری اؤز تختئنده اوتورموشدو و بوتون پیغمبرلر اونلارین قاباغیندا نبئلئک ادئردئلر.
11
کِنهعَنا اوغلو صئدقئیا اؤزونه دمئر بوینوزلار دوزَلدئب ددی: «رب بله دیئر: ”اَراملیلاری قیریب قورتارانا قدر، اونلاری بونلارلا بوینوزلایاجاقسان.“»
12
بوتون پیغمبرلر ده نبئلئک ادئب دیئردئلر: «راموت-گئلعادا گت، قالئب گلهجکسن، چونکی رب اونو پادشاها تسلئم ادهجک.»
13
او قاصئد کی، مئکایانی چاغیرماق اوچون گتمئشدی، اونونلا دانیشیب اونا ددی: «باخ، پیغمبرلر پادشاها بئرلئکده خوش سؤزلر دیئرلر. قوی سنئن سؤزون ده اونلاردان بئرئنئن سؤزو کئمی اولسون و خوش دانیش.»
14
مئکایا ددی: «وار اولان ربّه آند اولسون کی، رب منه نه دِسه، اونو دئیهجیم.»
15
او، پادشاهین یانینا گلدئکده پادشاه اونا ددی: «مئکایا، ووروشماق اوچون راموت گئلعادا گِدَک، یوخسا گتمهیک؟» مئکایا اونا ددی: «گت، قالئب گلهجکسن، رب اونو پادشاها تسلئم ادهجک.»
16
پادشاه اونا ددی: «سنه نچه دفه گرک آند ائچدئرئم کی، منه ربّئن آدیندا حقئقتدن باشقا بئر شی دِمَیهسن؟»
17
مئکایا ددی: «من گؤردوم کی، بوتون ائسرایئللیلر داغلار اوستونده، چوبانی اولمایان سورو کئمی سَپَلهنئبلر. رب ددی: ”اونلارین آغاسی یوخدور. قوی هر بئری سالامات اؤز اِوئنه قاییتسین.“»
18
ائسرایئل پادشاهی یِهوشافاطا ددی: «مگر سنه دِمهدئم کی، او منئم یاخشیلیغیما یوخ، پئسلئیئمه نبئلئک ادهجک؟»
19
مئکایا ددی: «او واخت ربّئن سؤزونو اشئت. من ربّی گؤردوم کی، اؤز تختئنده اوتوروب و بوتون گؤیلر قوشونو اونون ساغیندا و سولوندا دوروبلار.
20
رب سوروشدو: ”اَخابی کئم توولایاجاق کی، راموت-گئلعادا گدئب هلاک اولسون؟“ بئری اله ددی، او بئری بله.
21
او واخت بئر روح ائرهلی گلئب ربّئن قاباغیندا دایاندی و ددی: ”من اونو توولایارام.“ رب اونا ددی: ”نجه؟“
22
او جاواب وردی: ”من گدئب بوتون پیغمبرلرئن آغزیندا یالانچی بئر روح اولارام.“ رب ددی: ”سن اونو توولایاجاقسان و بونو باجاریرسان، گت و بله ات.“
23
بس ائندی، باخ، رب سنئن بوتون بو پیغمبرلرئنئن آغزینا یالانچی بئر روح قویوب. رب سنئن باشینا بلا گتئرمهیی اعلان ادئب.»
24
او واخت کِنهعَنا اوغلو صئدقئیا یاخینلاشدی و مئکایانین یاناغینا ووروب سوروشدو: «ربّئن روحو مندن سنه نجه کچدی کی، سنه دانیشسین؟»
25
مئکایا جاواب وردی: «باخ، سن بونو او گون گؤرهجکسن کی، گئزلَنمک اوچون ائچهری اوتاغا گئرئرسن.»
26
ائسرایئل پادشاهی امر اتدی: «مئکایانی گؤتورون، اونو شهر ریئسی آمونون و پادشاهین اوغلو یوآشین یانینا گؤندَرئن.
27
اونلارا دیئن کی، پادشاه بله دیئر: ”بو آدامی زئندانا آتین و من سالامات قاییدانا قدر اونا آنجاق او قدر چؤرک و سو ورئن کی، اؤلمهسئن.“»
28
مئکایا ددی: «اگر سن سالامات قاییداسان، رب منئم واسئطَمله دانیشماییبدیر.» سونرا ددی: «ای جاماعات، هامینیز اشئدئن!»
29
ائسرایئل پادشاهی و یهودا پادشاهی یِهوشافاط راموت-گئلعادین ضئدّئنه گتدئلر.
30
ائسرایئل پادشاهی یِهوشافاطا ددی: «من قئیافهمی دَیئشئب دؤیوشه گئرهجیم، لاکئن سن اؤز شاهلیق پالتارینی گِی.» بلهجه ائسرایئل پادشاهی قئیافهسئنی دَیئشئب دؤیوشه گئردی.
31
اَرام پادشاهی اؤز دؤیوش عارابالارینین اوتوز ائکی باشچیسینا امر ادئب دمئشدی: «نه کئچئکله، نه ده بؤیوکله ووروشون، فقط ائسرایئل پادشاهی ائله دؤیوشه گئرئن.»
32
دؤیوش عارابالارینین باشچیلاری یِهوشافاطی گؤرنده ددئلر: «یقئن ائسرایئل پادشاهی بودور.» دؤنوب اونونلا ووروشماغا گتدئلر. او واخت یِهوشافاط چیغیردی.
33
دؤیوش عارابالارینین باشچیلاری اونون ائسرایئل پادشاهی اولمادیغینی گؤرنده دالینجا گتمهیئب گری قاییتدیلار.
34
بئر آدام نئشان آلمادان کامان چکئب ائسرایئل پادشاهینی زئرِهئنئن بئرلَشدئیی یردن ووردو. پادشاه عاراباچیسینا ددی: «دؤندَر و منی دؤیوشدن چیخارت، چونکی آغیر یارالانمیشام.»
35
او گون دؤیوش قیزیشدی. پادشاه اؤز دؤیوش عاراباسیندا اَراملیلارین قاباغیندا دایاندی و آخشام او اؤلدو. دؤیوش عاراباسی اونون یاراسینین قانینا بولاشدی.
36
گونش باتماقدا ائکن اوردوگاهین ائچئنده جار چکئلدی: «هر کس اؤز شهرئنه! هر کس اؤز اؤلکهسئنه!»
37
بلهجه پادشاه اؤلدو و اونو سامئرهیه گتئرئب اورادا باسدیردیلار.
38
عارابانی سامئره حوووضونون سویوندا یودولار، و ربّئن ددئیی سؤزونه گؤره، ائتلر اونون قانینی یالادیلار. بو حوووضدا فاحئشهلر یویوناردی.
39
اَخابین قالان ائشلری و اونون اتدئیی هر شی، فئل دئشئندن بَزهدئیی سارای و تئکدئیی بوتون شهرلر بارهده مگر ائسرایئل پادشاهلارینین سالنامهلر کئتابیندا یازیلماییبدیر؟
40
بلهجه اَخاب اؤلوب آتالاری ائله یاتدی و یرئنه اوغلو اَخَزیا پادشاه اولدو.
41
ائسرایئل پادشاهی اَخابین پادشاهلیغینین دؤردونجو ائلئنده، آسا اوغلو یِهوشافاط یهودا اوستونده پادشاهلیق اتدی.
42
یِهوشافاط، پادشاه اولدوغو واخت، اوتوز بش یاشیندا ائدی. او، اورشلئمده ائیئرمی بش ائل پادشاهلیق اتدی. آناسینین آدی شئلخی قیزی عَزوبا ائدی.
43
او، آتاسی آسانین یولو ائله گتدی و اوندان آزماییب ربّئن گؤزونده دوز اولان ائشلر اتدی. آنجاق پرستئشگاهلار آرادان قالدیریلمادی و خالق حله ده بو پرستئشگاهلاردا قوربان گتئرئب بوخور یاندیریردی.
44
یِهوشافاط ائسرایئل پادشاهی ائله صولح ائچئنده یاشادی.
45
یِهوشافاطین قالان ائشلری، اونون گؤرستدئیی قووّت و نجه دؤیوشدویو بارهده مگر یهودا پادشاهلارینین سالنامهلر کئتابیندا یازیلماییبدیر؟
46
او، کئشی فاحئشهلری کی، آتاسی آسانین زامانیندان قالمیشدی، اؤلکهدن قوودو.
47
اِدومدا پادشاه یوخ ائدی، بئر جانئشئن اورادا حؤکمرانلیق ادئردی.
48
یِهوشافاط تَرشئش گَمئلری دوزَلتدی کی، قیزیل دالینجا اوفئره گتسئنلر. آمّا گده بئلمهدئلر، چونکی گَمئلر عِصیونگِبِرده سیندی.
49
او واخت اَخاب اوغلو اَخَزیا یِهوشافاطا ددی: «قوی گَمئلرده سنئن آداملارینلا بئرلئکده، منئم آداملاریم دا گتسئنلر.» لاکئن یِهوشافاط راضی اولمادی.
50
یِهوشافاط اؤلوب آتالاری ائله یاتدی و آتاسی داوودون شهرئنده، آتالارینین یانیندا باسدیریلدی. اونون یرئنه اوغلو یِهورام پادشاه اولدو.
51
یهودا پادشاهی یِهوشافاطین پادشاهلیغینین اون یدّئنجی ائلئنده، اَخاب اوغلو اَخَزیا سامئرهده ائسرایئل اوستونده پادشاه اولدو. او، ائکی ائل ائسرایئل اوستونده پادشاهلیق اتدی.
52
اَخَزیا ربّئن گؤزونده پئس اولان ائشلر اتدی، آتا-آناسینین و ائسرایئله گوناه اتدئرمئش نِباط اوغلو یَروبعامین یولو ائله گتدی.
53
اَخَزیا، آتاسینین اتدئیی کئمی، بَعَله قوللوق ادئب اونا پرستئش اتدی و ائسرایئلئن تاریسی ربّی قضبلَندئردی.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22