bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbaijan 2013
/
2 Chronicles 31
2 Chronicles 31
Azerbaijan 2013
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
بوتون بو ائش قورتاراندا، اورادا اولان بوتون ائسرایئللیلر یهودا شهرلرئنه چیخیب، موقدّس سوتونلاری تئکه-تئکه اتدئلر، اَشِرا بوتلرئنی کَسدئلر. بوتون یهودا، بِنیامئن، اِفرایئم و مِنَسّه تورپاقلاریندا اولان پرستئشگاهلاری و قوربانگاهلاری آخیرا قدر داغیتدیلار. سونرا بوتون ائسرایئل اؤولادلاری اؤز شهرلرئنه، هر کس اؤز مولکونه قاییتدی.
2
خئزقئیا کاهئنلری و لاوئلیلری بؤلمهلره آییردی و کاهئنلر و لاوئلیلردن هر کسی اؤز ائشئنه موناسئب اولان بؤلمهیه تعیئن اتدی. او، ربّئن دروازالارلا حاصارلانمیش یرلرئنده، یاندیرما و باریش قوربانلارینی گتئرمک، خئدمت اتمک، شوکور و حمد اوخوماق اوچون تعیئن اتدی.
3
ربّئن قانونوندا یازیلدیغینا گؤره یاندیرما قوربانلاری یعنی سحر و آخشامین یاندیرما قوربانلاری اوچون، سَبّت گونلرئنئن، تزه آی مراسئملرئنئن و بایراملارین یاندیرما قوربانلاری اوچون پادشاه اؤز مالیندان پای آییردی.
4
اورشلئمده یاشایان خالقا امر اتدی کی، کاهئنلرئن و لاوئلیلرئن پایلارینی اونلارا ورسئنلر، اِله کی، اونلار اؤزلرئنی ربّئن قانونونا وقف اتسئنلر.
5
بو امر هر یانا یاییلاندا ائسرایئل اؤولادلاری تاخیلین، تزه شرابین، زیتون یاغینین، بالین و بوتون زمی محصوللارینین نوباریندان بول-بول وردئلر. هر شیئن اوندا بئرئنی بول-بول گتئردئلر.
6
یهودا شهرلرئنده یاشایان ائسرایئللیلر و یهودالیلار اؤکوزلرئن و قویون-کچئلرئن اوندا بئرئنی گتئردئلر، هم ده او موقدّس شیلرئن اوندا بئرئنی کی، اؤزلرئنئن تاریلاری ربّه تقدئس اولونموشدو. و قالاق-قالاق وردئلر.
7
اوچونجو آیدا بونلاری قالاقلارلا اوست-اوسته ییغماغا باشلادیلار و یدّئنجی آیدا قورتاردیلار.
8
خئزقئیا و ریئسلر گلئب قالاقلاری گؤرنده، ربّی موبارک چاغیریب اونون خالقی ائسرایئله برکت وردئلر.
9
خئزقئیا بو قالاقلار بارهده کاهئنلردن و لاوئلیلردن سوروشدو.
10
صادوقون نسلئندن اولان باش کاهئن عَزَریا اونا بله جاواب وردی: «ربّئن معبدئنه نذئرلر گتئرئلَن واختدان بَری بئز یِیئب دویوروق، حله آرتیق دا قالیر. چونکی رب اؤز خالقینا برکت ورئب و بو بول شیلر ده آرتیق قالیب.»
11
خئزقئیا امر اتدی کی، ربّئن معبدئندهکی اوتاقلاری حاضیرلاسینلار. اونلار حاضیرلادیلار.
12
نذئرلری، اوندا بئرلری و تقدئس اولونان شیلری صداقتله اورایا گتئردئلر. بو شیلرئن ساخلاماسینا لاوئلی کونَنیا مأمور ائدی و موعاوئنی ده قارداشی شئمعی ائدی.
13
یِخیاِل، عَزَزیا، نَخَت، عَساهِل، یِرئموت، یوزاباد، اِلیاِل، یئسمَکیا، مَخَت و بِنایا دا پادشاه خئزقئیانین و تاری معبدئنده ریئس اولان عَزَریانین امرئنه گؤره، کونَنیانین و قارداشی شئمعئنئن اَلی آلتیندا مأمور ائدئلر.
14
شرق دروازاسیندا قاپیچی اولان لاوئلی یئمناع اوغلو قورِه ربّه ورئلَن نذئرلره و لاپ موقدّس شیلری پایلاماقدان اؤتری اؤز گؤیلو ائله تاری اوچون ورئلَن تقدئملره نظارت ادئردی.
15
عِدن، مئنیامئن، یِشوع، شَمَعیا، اَمَریا و شِکَنیا، بؤلمهلرئنه گؤره، کاهئن شهرلرئنده بؤیوکدن کئچئیه قدر، قورِهنئن نظارتی آلتیندا بو قارداشلارینا پایلارینی بؤلمک ائشی تاپشیریلمیشدی:
16
نسئل شجرهلرئنه باخمایاراق، اوچ یاشیندا و اوندان یوخاری یاشدا اولان، وظئفهلرئنه و بؤلمهلرئنه گؤره گوندهلئک خئدمت ائشی اوچون ربّئن معبدئنه گئرَن کئشئلرئن هامیسی؛
17
نسئل شجرهلرئنده یازیلدیغی کئمی نسئللرئنه گؤره کاهئنلر، وظئفهلرئنه، هم ده بؤلمهلرئنه گؤره ائیئرمی یاشیندا و اوندان یوخاری یاشدا اولان لاوئلیلر؛
18
نسئل شجرهلرئنه گؤره بوتون جاماعاتین اوشاقلاری، آروادلاری، اوغول و قیزلاری-چونکی اونلار اؤزلرئنی صداقتله موقدّس خئدمت اوچون تقدئس اتمئشدئلر -
19
اؤز شهرلرئنئن اطراف چؤللرئنده یاشایان هارون نسلئندن کاهئنلر. هر شهرده آدلاری چکئلَن آداملار قویولموشدو کی، کاهئنلر آراسینداکی بوتون کئشئلره و لاوئلیلر آراسیندا نسئل شجرهلرئنده یازیلانلارین هامیسینا پای ورسئنلر.
20
خئزقئیا بوتون یهودادا بله اتدی، تاریسی ربّئن قاباغیندا یاخشی، دوغرو و صداقتلی ائشلر گؤردو.
21
او اؤز تاریسینی آختاراراق تاری معبدئنئن خئدمتئنه، قانونا و امره عمل اتمکده باشلادیغی هر ائشی بوتون قلبی ائله یرئنه یتئردی و اوغور قازاندی.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36