2 Timothy 1

Azerbaijan 2013

Jump to: Chapter 2 →

1تارینین ائراده‌سی ائله مسئح عئسادا اولان حیاتین وعده‌سئنه گؤره، مسئح عئسانین حوارئسی پولوسدان،

2سوگئلی اوغلوم تئموتاعوسا: آتا تاری و ربّئمئز مسئح عئسادان فیض، رحمت، و باریش اولسون.

3گجه-گوندوز سنی دوعالاریمدا دائم خاطیرلادیقدا تارییا شوکور ادئرم کی، تمئز وئجدانلا، اجدادیمین خئدمت اتدئیی کئمی، اونا خئدمت ادئرم.

4و سنئن گؤزیاشلارینی خاطیرلادیقجا سنی گؤرمه‌یه حسرت چکئرم. اِله کی، شادلیقدان دولوم.

5سنده اولان خالئص ائمانی یادا سالیرام کی، اوّلجه سنئن بؤیوک آنان لویئس و آنان یونئسده ساکئن اولدو و اَمئنم کی، سنده ده ساکئندئر.

6بو سببدن سنه خاطیرلادیرام کی، منئم اَل قویماغیمین واسئطه‌سی‌ائله سنده اولان تارینین عطاسینی تزه‌دن آلوولاندیراسان.

7دوغرودان دا کی، تاری بئزه قورخو روحونو یوخ، قودرت، محبّت و ائنضئباط روحونو ورئب.

8بونا گؤره ربّئمئزئن شهادتئندن اوتانما، نه ده مندن کی، ربّئن زئندانئسی‌یَم. لاکئن ائنجئلئن عذابلاریندا تارینین قودرتئنه گؤره شرئک اول.

9او تاری کی، بئزه نئجات وردی و بئزی موقدّس بئر دعوتله چاغیردی، عمل‌لرئمئزه گؤره یوخ، اؤز مقصد و فیضئنه گؤره کی، ازلدن مسئح عئسادا بئزه عطا اولوندو.

10لاکئن ائندی قورتاریجیمیز مسئح عئسانین ظوهورو ائله آشکار اولوب کی، اؤلومو محو اتدی و ائنجئلئن واسئطه‌سی‌ائله حیات و بقانی ائشیقلاندیردی.

11کی، اونون اوچون من بئر واعئظ، بئر حواری و بئر موعلّئم تعیئن اولموشام.

12بو سببدن ده بو عذابلاری چکئرم، آمّا اوتانمیرام. چونکی کئمه ائناندیغیمی بئلئرم و یقئن گتئرمئشم ده کی، اونا امانت وردئیئمی او گونه کئمی حئفظ اتمه‌یه قادئردئر.

13مندن اشئتدئکلرئنی مسئح عئسادا اولان ائمان و محبّتده، صحئح تعلئمئن محکی کئمی ساخلا.

14بئزده ساکئن اولان موقدّس روحون وسئله‌سی‌ائله سنه امانت ورئلن خزئنه‌نی حئفظ ات.

15بو مطلبدن خبرئن وار کی، بوتون آسئیادا اولانلار مندن اوز دؤندَرئبلر و فئگِلوس و هِرموجِنِس ده اونلارین آراسیندادیر.

16رب رحمتئنی اونسئفوروسون اِو اهلئنه عطا اتسئن، چونکی دفه‌لرله جانیمی تزه‌لندئردی و منئم زنجئرلرئمدن ده اوتانمیردی.

17آمّا او، رومدا اولان واخت، جهدله منی آختاریب تاپدی.

18رب اونا عطا اتسئن کی، «او گونده» ربدن رحمت تاپسین. و سن چوخ یاخشی بئلئرسن کی، اِفِسوسدا نه خئدمتلر اتدی.

Jump to: Chapter 2 →