Colossians 1

Azerbaijan 2013

Jump to: Chapter 2 →

1تارینین ائراده‌‌سی ائله عئسا مسئحئن حوارئسی پولوس و تئموتاعوس قارداشدان،

2مسئحده کولوسئده اولان موقدّسلر و ائمانلی قارداشلارا. آتامیز تاریدان سئزه فیض و باریش اولسون.

3سئزئن اوچون دائم دوعا ادئب، ربّئمئز عئسا مسئحئن آتاسی تارییا شوکور ادئرئک.

4چونکی سئزئن مسئح عئسادا اولان ائمانینیزدان و بوتون موقدّسلره اولان محبّتئنئزدن خبردار اولدوق.

5سئزئن اوچون گؤیلرده ساخلانمیش اومئددن اؤتری کی، اونو اوّلدن حقئقتئن کلامیندا، یعنی ائنجئلده اشئتدئنئز.

6نجه کی، بوتون دونیادا اولدوغو کئمی، سئزئن ده آرانیزدا اشئتدئیئنئز و تارینین فیضئنی حقئقتن درک اتدئیئنئز گوندن بری ثمره ورئب آرتیر.

7نجه کی، اونو خئدمتده اولان سوگئلی اِپِفراسدان اؤیرندئنئز کی، بئزئم آدیمیزدا اؤزونو مسئحه قول اتمئش امئن خئدمتکاردیر.

8و سئزئن موقدّس روحدا اولان محبّتئنئزدن ده اِله او بئزی خبردار اتدی.

9بو سببدن ده، بونو اشئتدئیئمئز گوندن سئزئن اوچون دوعا ادئب یالوارماقدان ال چکمئرئک، اِله کی، بوتون روحانی حئکمت و ائدراکدا اونون ائراده‌سئنئن معرئفتی ائله دولاسینیز.

10اِله کی، ربّه لایئق بئر شکئلده رفتار ادئب، اونو هر جهتدن راضی اده‌سئنئز و هر یاخشی ائشده ثمره گتئرئب، تارینی تانیماقدا ترقّی اده‌سئنئز.

11و بوتون تحمّول و صبری اله گتئرمک اوچون اونون شؤوکتلی قووّتئنه موطابئق، بوتون قودرتله قووّتلنه‌سئنئز و شادلیقلا

12آتایا شوکور اده‌سئنئز کی، نوردا بئزه ائقتئدار ورئب، اِله کی، موقدّسلرئن مئراثیندا شرئک اولاق.

13او بئزی ظولمتئن حاکئمئیّتئندن خئلاص ادئب، اؤز سوگئلی اوغلونون پادشاهلیغینا کؤچورتدو کی،

14اوندا خئلاصیمیز وار، یعنی گوناهلارین باغیشلانماسی.

15و او، گؤزه گؤرونمه‌ین تارینین صورتی‌دئر، بوتون خئلقتئن ائلک دوغولانی.

16چونکی گؤیلرده و یرده هر شی، گؤزه گؤرونن و گؤرونمه‌ین اونون واسئطه‌سی‌ائله یاراندی، ائستر تختلر اولسون، ائستر حاکئمئیّتلر، ائستر ریاستلر اولسون ائستر ائقتئدارلار، هر شی اونون واسئطه‌سی‌ائله و اونون اوچون یارانیب.

17او، هر شیدن ائره‌لی‌دئر و هر شی اوندا قائمدئر.

18بدنئن یعنی کئلئسانین دا باشی اِله او اؤزودور. او، باشلانیشدیر، اؤلولر آراسیندان ائلک دئرئلن. اِله کی، او اؤزو هر شیده بئرئنجی اولسون.

19چونکی آتانین کفی بو ائدی کی، بوتون دولولوق اوندا ساکئن اولسون

20و اونون واسئطه‌سی‌ائله هر شیی اؤزو ائله باریشدیرسین و اونون چارمیخینین قانی ائله باریش حاکئم اتسئن، ائستر یرده اولان شیلری، ائستر گؤیلرده اولان شیلری.

21و سئزی ده، گرچی بئر زامانلار فئکئرده تاری ائله یاد و دوشمن و پئس عمللرده ائدئنئز،

22ائندی اؤز جئسمانی بدنئنده اؤلوم واسئطه‌سی‌ائله باریشدیریب کی، سئزی تارییا موقدّس، لکه‌سئز و مذمّتسئز تقدئم اتسئن.

23اگر سئز دوغرودان ائمان اساسیندا مؤحکم و ثابئت دوراسینیز و اشئتدئیئنئز ائنجئلئن اومئدئندن جایمایاسینیز کی، گؤی آلتیندا اولان بوتون خئلقته وعظ اولوندو و من پولوس اونون خئدمتکاری اولدوم.

24ائندی من سئزئن خاطئرئنئز اوچون چکدئیئم عذابلارا سوئنئرم و مسئحئن ذئلّتلرئندن آرتیق قالانی اونون بدنی یعنی کئلئسا اوچون اؤز جئسمئمده تاماملاییرام.

25من ده، تارینین سئزئن اوچون منه عطا اتدئیی وظئفه‌یه گؤره، کئلئسانین خئدمتچئسی اولدوم کی، تارینین کلامینی کامئل بئر شکئلده یرئنه یتئرئم.

26یعنی، او سئرّی کی، عصرلردن و نسئللردن گئزلی ائدی، لاکئن ائندی اونون موقدّسلرئنه ظاهئر اولوب.

27اونلارا کی، تاری ائراده اتدی کی، قیری‌یهودئلر آراسیندا اولان بو خئدمتئنئن شؤوکتئنئن دؤولتلئیئنی بئلدئرسئن. یعنی سئزده اولان مسئحی کی، شؤوکتئن اومئدی‌دئر.

28بئز ده مسئحی اعلان ادئب، بوتون حئکمتله هر کسه نصئحت ورئب، تعلئم ورئرئک کی، هر کسی مسئحده کامئل تقدئم ادک.

29اونون اوچون من ده زحمت چکئرم و ائچئمده قووّتله ائشله‌ین قودرتئنه موطابئق جهد ادئرم.

Jump to: Chapter 2 →