bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbaijan 2013
/
Deuteronomy 31
Deuteronomy 31
Azerbaijan 2013
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
1
موسا چیخیب بو سؤزلری بوتون ائسرایئللیلرله دانیشدی.
2
و اونلارا بله ددی: «آرتیق من یوز ائیئرمی یاشیندایام، داها سئزه باشچیلیق اتمهیه طاقَتئم یوخدور. رب منه دیئب کی؛ ”بو اوردون چایینین او تایینا کچمیهجکسن.“
3
تارینیز ربدئر کی، سئزدن قاباق او تایا کچهجک؛ او، بو مئلّتلری قاباغینیزدان محو ادهجک، سئز ده اورانی آلاجاقسینیز. یوشَعدئر کی، سئزئن قاباغینیزدا گدئب کچهجک، نجه کی، رب دیئبدئر.
4
نجه رب اِمورلو پادشاهلاری سئخونو و عوگو هلاک ادئب اؤلکهلرئنئن باشینا نه گتئردی، بو مئلّتلرئن ده باشینا اله گتئرهجک.
5
رب اونلاری سئزه تسلئم ادهجک و سئز اونلارلا بوتون امر اتدئیئم کئمی رفتار اتمهلیسئنئز.
6
گوجلو و اورَکلی اولون! اونلاردان قورخوب تئترهمهیئن! چونکی تارینیز رب سئزئنله گدئر. او سئزی آتماز، ترک اتمَز!»
7
سونرا موسا یوشَعی چاغیریب بوتون ائسرایئللیلرئن گؤزلری قاباغیندا اونا بله ددی: «گوجلو و اورَکلی اول، چونکی ربّئن آتالارینا ورمهیه آند ائچدئیی اؤلکهیه بو خالقلا بئرلئکده سن گدهجکسن. اؤلکهنی ائرث اولاراق اونلارا سن ورهجکسن.
8
سندن قاباق گدن ربدئر؛ او سنئنله اولاجاق، سنی آتمایاجاق، ترک اتمیهجک. قورخوب چکئنمه!»
9
موسا بو قانونو یازیب سونرا ربّئن عهد ساندیغینی آپاران لاوئلی کاهئنلره و بوتون ائسرایئل آغساقّاللارینا وردی.
10
سونرا اونلارا بله بویوردو: «هر یدّی ائلئن آخیریندا، بورجلارین باغیشلانما زامانیندا، چارداقلار بایرامیندا،
11
بوتون ائسرایئل تارینیز ربّئن حوضوروندا اولماق اوچون اونون سچهجیی یره گلنده، بو قانونو بوتون ائسرایئله اوخویوب اشئتدئرئن.
12
خالقین کئشی، آرواد و اوشاقلارینی، همچئنئن شهرئنئزده یاشایان یاد اِللیلری ییغین. قوی هامی اِشئدئب اؤیرَنسئن و تارینیز ربدن قورخوب بو قانونون بوتون سؤزلرئنه دئقّتله عمل اتسئن.
13
قوی قانونو بئلمهیَن اوشاقلاری دا اشئتسئنلر و مولک آلماق اوچون اوردون چاییندان کچئب گدهجیئنئز اؤلکهده عؤمور بویو تارینیز ربدن قورخماغی اؤیرَنسئنلر.»
14
سونرا رب موسایا ددی: «اؤلومونه آز قالیب. یوشَعی چاغیر. حوضور چادیریندا حاضیر دایانین کی، اونا امرلرئمی بئلدئرئم.» بلهجه، موسا ائله یوشَع گدئب حوضور چادیریندا گؤزلهدئلر.
15
رب چادیردا بئر بولود دئرهیی ائچئنده گؤروندو. بولود سوتونو چادیرین قاپیسی اوستونده دایاندی.
16
رب موسایا بله ددی: «عنقرئب اؤلوب آتالارینا قوشولاجاقسان؛ بو خالق دا قالخیب گدهجیی اؤلکهنئن آللاهلارینا باغلانیب، منه خیانت ادهجک. منی آتیب، اونلارلا باغلادیغیم عهدی پوزاجاقلار.
17
او واخت اونلارا قضبلَنهجیم، اونلاری آتیب اونلاردان اوز دؤندَرهجیم. اونلار آیریلارینا یِم اولاجاقلار، باشلارینا چوخ بلالار و موصئبتلر گلهجک. اله کی، همئن گون دئیهجکلر: ”مگر بو پئسلئکلر تاریمیزین بئزئمله اولمادیغی اوچون باشیمیزا گلمئر؟“
18
آمّا من، اونلارین ادهجیی پئسلئکلر اوچون، آیری آللاهلارا طرف دؤنمک اوچون، اوزومو اونلاردان گئزلَدهجیم.
19
ائندی اؤزونوز اوچون بو نغمهنی یازین و اونو ائسرایئل اؤولادلارینا اؤیرَدئن. اونو دوداقلارینین اوستونه قویون. بله کی بو نغمه ائسرایئل اؤولادلارینین ضئدّئنه منئم شاهئدئم اولسون.
20
چونکی اونلاری آتالارینا آند ائچدئیئم سود و بال آخان تورپاغا گتئرنده، یِیئب دویوب کؤکهلَنده باشقا آللاهلارا طرف دؤنوب اونلارا قوللوق ادهجکلر، منی ردّ ادئب عهدئمی پوزاجاقلار.
21
اونلارا چوخ پئسلئکلر و بلالار یتئشنده، بو نغمه اونلارین ضئدّئنه شاهئد کئمی سَسلَنهجک، چونکی بو نغمه نسئللرئن دئلئندن دوشمهیهجک؛ اونا گؤره کی، من اونلارا آند ائچدئیئم تورپاغا گتئرمَزدن اوّل، بو گون بِله، فئکئرلرئندن کچنلری بئلئرم.»
22
همئن گون موسا بو نغمهنی یازیب ائسرایئل اؤولادلارینا اؤیرَتدی.
23
رب او گون نون اوغلو یوشَعی ائش باشینا قویوب ددی: «گوجلو و اورَکلی اول، چونکی ائسرایئل اؤولادلارینی اونلارا آند ائچدئیئم اؤلکهیه سن آپاراجاقسان و من سنئنله اولاجاغام.»
24
موسا بو شرئعتئن سؤزلرئنی اوّلدن آخیرا کئمی کئتابا یازیب قورتاراندا،
25
ربّئن عهد ساندیغینی داشییان لاوئلیلره بو امری وردی:
26
«بو شرئعت کئتابینی گؤتوروب تارینیز ربّئن عهد ساندیغینین یانینا قویون. قوی سئزئن ضئدّئنئزه بئر شاهئد کئمی اورادا قالسین.
27
چونکی سئزئن عاصی و دئکباش اولدوغونوزو بئلئرم. بو گون من صاغ اولاراق آرانیزدا ائکَن بِله، ربّه عاصی اولدونوز، گؤر من اؤلَندن سونرا نجه اولاجاقسینیز؟
28
قبئلهلرئنئزئن بوتون آغساقّاللارینی و سرکردهلرئنی یانیما ییغین کی، بو سؤزلری اونلارا اشئتدئرئم، گؤیو و یِری اونلارین ضئدّئنه شاهئد توتوم.
29
اؤلومومدن سونرا بوسبوتون فاسئد اولدوغونوزو، سئزه امر اتدئیئم یولدان آزاجاغینیزی بئلئرم. آخیر گونلرده موصئبتلرله راست گلهجکسئنئز. چونکی ربّئن گؤزونده پئس اولان ائشلری یرئنه یتئرئب، اَللرئنئزئن عمللری ائله اونو قضبلَندئرهجکسئنئز.»
30
موسا بو نغمهنئن سؤزلرئنی آخیراجاق اوخودو کی، بوتون ائسرایئل جاماعاتی بو نغمهنئن سؤزلرئنی اشئتسئن.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34