bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbaijan 2013
/
Ezra 7
Ezra 7
Azerbaijan 2013
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 8 →
1
بو ائشلردن سونرا فارس پادشاهی اَرتَخشَستانین پادشاهلیغیندا باش کاهئن هارون اوغلو اِلعازار اوغلو پئنِخاس اوغلو اَبئشوعَع اوغلو
2
بوقّی اوغلو عوزّی اوغلو
3
زِرَخیا اوغلو مِرایوت اوغلو عَزَریا اوغلو اَمَریا اوغلو
4
اَخئطوب اوغلو صادوق اوغلو شَلّوم اوغلو
5
خئلقئیا اوغلو عَزَریا اوغلو سِرایا اوغلو عِزرا بابئلدن چیخدی.
6
بو عِزرا شَرئعتشوناس ائدی و ائسرایئلئن تاریسی ربّئن موسایا وردئیی قانونو یاخشی بئلئردی. تاریسی ربّئن اَلی اونون اوستونده اولدوغونا گؤره، پادشاه عِزرانین ائستهدئیی هر شیی ورمئشدی.
7
پادشاه اَرتَخشَستانین حاکئمئیّتئنئن یدّئنجی ائلئنده ائسرایئل اؤولادلاریندان، کاهئنلردن، لاوئلیلردن، نغمهچئلردن، معبددهکی قاپیچیلاردان و قوللوقچولاردان بعضئلری اورشلئمه قاییتدیلار.
8
عِزرا اورشلئمه چاتاندا اَرتخشَستانین پادشاهلیغینین یدّئنجی ائلئنئن بشئنجی آیی ائدی.
9
او، بئرئنجی آیین بئرئنجی گونونده بابئلدن یولا دوشوب، بشئنجی آیین بئرئنده اورشلئمه چاتدی، چونکی تارینین یاخشی اَلی اونون اوستونده ائدی.
10
عِزرا اورهیئنی بونا باغلامیشدی کی، ربّئن قانونونو اوخویوب ائجرایا قویسون و اونون قانون و حؤکملرئنی ائسرایئلده اؤیرَتسئن.
11
بودور او مکتوبون صورتی کی، پادشاه اَرتَخشَستا اونو شرئعت شوناس، کاهئن و ربّئن امرلرئنی و ائسرایئله بویوردوغو قایدالاری اؤیرَدن عِزرایا وردی:
12
«پادشاهلار پادشاهی اَرتَخشَستادان گؤیلرئن تاریسینین قانونونو اؤیرَدن کاهئن عِزرایا. سالاملار:
13
من فرمان صادئر اتمئشم کی، سلطنتئمده اولان ائسرایئل خالقیندان، کاهئنلردن، لاوئلیلردن اؤز گؤیلو ائله اولاراق اورشلئمه گتمک ائستهین هر کس سنئنله گتسئن.
14
ائندی سن پادشاهلا یدّی مصلحتچئسی طرفئندن گؤندَرئلئرسن کی، اَلئنده اولان تاری قانونلارینا اَساسن یهودا و اورشلئمدهکی وضعئیّتی اؤیرَنهسن.
15
و پادشاهین و مصلحتچئلرئنئن اؤز گؤیلو ائله تقدئم اتدئکلری قیزیل-گوموشو ائسرایئلئن تاریسینا کی، اورشلئمی اؤزونه مسکن ادئب، آپاراسان.
16
بونلارلا برابر خالقین و کاهئنلرئن اؤز گؤیلو ائله صورتده وردئکلری هدئیّهلری ده کی، ائسرایئلئن تاریسینین اورشلئمدهکی معبدئنه ورئبلر، گؤتور. بابئل وئلایتئنئن هر طرفئندن تاپاجاغین قیزیل-گوموشون هامیسینی دا گؤتور.
17
بو پوللا تِز گامیشلار، قوچلار، قوزولار، تاخیل و مایع تقدئملرئنی آلارسان. اونلاری تارینیزین اورشلئمدهکی معبدئنئن قوربانگاهیندا تقدئم اِدَرسئنئز.
18
سن و قارداشلارین قیزیل-گوموشون قالان حئصّهسئنی تارینین ائرادهسئنه موناسئب، ائستهدئیئن کئمی ائستئفاده اده بئلرسئنئز.
19
تارینین معبدئنده عئبادت زامانی ائشلَتمَک اوچون سنه قایتاریلان قابلاری دا اورشلئم تاریسینین حوضوروندا تحوئل ور.
20
تارینین معبدئنه باشقا نه لازیم اولسا، سن اونو پادشاه خزئنهسئندن ور.
21
من، پادشاه اَرتَخشَستا، فَرات چایینین قرب تورپاقلارینین بوتون خزئنهدارلارینا امر ادئرم کی، گؤیلرئن تاریسینین قانونونون شرئعت شوناسی کاهئن عِزرانین هر ائستهیی دئقّتله یرئنه یتئرئلسئن.
22
حتّا یوز تالانتا قدر گوموش، یوز کورا قدر بوغدا ، یوز باتا قدر شراب ، یوز باتا قدر زیتون یاغی و ائستهدئیی قدر دوز ورئن.
23
گؤیلرئن تاریسینین معبدی اوچون، گؤیلرئن تاریسی طرفئندن هر نه امر اولونارسا، قیرتله اونا عمل ادئلسئن، اله کی، اؤلکه، پادشاه، و اونون اؤولادلاری قضب آلتیندا قالماسین.
24
سئزه بئلدئرئرئک کی، کاهئنلردن، لاوئلیلردن، نغمهچئلردن، بو تارینین معبدئنئن قاپیچیلاریندان، قوللوقچولاریندان، و آیری خئدمتچئلرئندن خراج، جزیه و باج ائستمهیه ائجازه یوخدور.
25
سن، عِزرا، تارینین سنه وردئیی حئکمته گؤره داورلر و قاضیلار تعیئن ات. قوی اونلار فَرات چایینین قربئنده اولان بوتون خالقا، یعنی سنئن تارینین قانونلارینی بئلَنلرئن هامیسینا حؤکم اتسئنلر. بئلمهینلری ده سن اؤیرَتمهلیسن.
26
سنئن تارینین قانونونا و پادشاهین قانونونا عمل اتمهین آدام گرک اؤلوم، تبعئد، اَملاک موصادئرهسی و یا حبس جزالاری ائله جزالانسین.»
27
آتالاریمیزین تاریسی رب موبارک اولسون کی، پادشاهین قلبئنده ربّئن اورشلئمده اولان معبدئنه بله حؤرمت گؤرسدمک ائستهیئنی قویوب
28
و پادشاهین، اونون مصلحتچئلرئنئن و بوتون گوجلو ریئسلرئنئن حوضوروندا منه مهرئبانلیق یارادیب. بلهجه تاریم ربّئن اوستومده اولان اَلئنه گؤره قووّتلَندئم و ائسرایئلئن باشچیلاریندان بعضئلرئنی یانیما ییغدیم کی، منئمله گتسئنلر.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 8 →
All chapters:
1
2
3
4
5
6
7
8
9
10