Jonah 2

Azerbaijan 2013

← Chapter 1 Jump to: Chapter 3 →

1یونوس بالیغین قارنیندان تاریسی ربّه دوعا ادئب ددی:

2«عذابیم ائچئنده ربّی چاغیردیم، او منه جاواب وردی. اؤلولر دئیارینین باغریندان فریاد اتدئم، سن منئم سَسئمی اشئتدئن.

3سن منی درئنه، دهنزئن قوینونا آتدین، سِللر منی آرایا آلدی، سنئن بوتون لَپه‌لرئن و شَپه‌لرئن اوستومدن کچدی.

4من ددئم: ”سنئن گؤزلرئنئن قاباغیندان قووولموشام.“ لاکئن گئنه سنئن موقدّس معبدئنئن طرفئنه نجه باخاجاغام؟

5نَفَسئم کَسئلَنه قدر منی سولار بورودو، درئن درئنلئکلر منی آرایا آلدی، دهنزئن بئتکی‌لری باشیما ساریلدی.

6داغلارین دئبئنه قدر اِندئم، یِر منی ابده‌جک اؤزونده حبس اتدی؛ لاکئن، یارب تاریم، سن جانیمی درئن چوخوردان چیخاردیبسان.

7ائچئمده جانیم اوزولَنده ربّی خاطیرلادیم، منئم دوعام سنه، سنئن موقدّس معبدئنه چاتدی.

8پوچ اولان بوتلره سجده ادنلر، او وفالی اولانی بوراخیب گِدئرلر.

9آمّا من سنه شوکور نغمه‌سی ائله قوربان گتئره‌جیم، نذرئمی یرئنه یتئره‌جیم. خئلاص ربدن گلئر!»

10او واخت رب بالیغا امر اتدی و بالیق یونوسو آغزیندان قورولوغا قوسدو.

← Chapter 1 Jump to: Chapter 3 →