Philemon 1

Azerbaijan 2013

Jump to:

1مسئح عئسانین بئر زئندانئسی پولوس و قارداش تئموتاعوسدان، سوگئلی و همکاریمیز فئلئمونا.

2آپفئیا باجییا و بئزئم کئمی عسگر اولان آرخئپوسا و سنئن اِوئنده اولان کئلئسایا:

3آتامیز تاریدان و رب عئسا مسئحدن سئزه فیض و باریش اولسون.

4تاریما همئشه شوکور ادئب دوعالاریمدا سنی ذئکر ادئرم،

5چونکی سنئن رب عئسایا و بوتون موقدّسلره اولان محبّت و ائمانینی اِشئدئرم.

6مسئحئن خاطئرئنه سنده اولان هر یاخشی شیئن معرئفتی ائمانینین رفاقتئنده ثمره‌لی اولسون.

7چونکی گلمئشم کی، سنئن محبّتئنده چوخ شادلیق و تسلّی آلیم. اونا گؤره کی، قارداش، سنئن ساینده بوتون موقدّسلرئن اوره‌یی تزه‌لنئب.

8بونا گؤره، گرچی مسئحده کئفایتجه جسارتئم وار کی، سنه صحئح اولانی اتمه‌یئنه امر ادئم،

9لاکئن بونو ترجئح ورئرم کی، محبّتئن خاطئرئنه، من پولوس کئمی بئر آدام، یاشلی و ائندی ده مسئح عئسانین بئر زئندانئسی، سندن خاهئش ادئم.

10اؤولادیم اونسئموس اوچون سندن خاهئش ادئرم کی، اونا زنجئرئمده آتا اولدوم.

11او، بئر زامان سنه فایداسیز ائدی، آمّا ائندی هم سنه، هم ده منه فایدالی‌دیر.

12من اونون اؤزونو سنئن یانینا گؤندَ‌رمئشم کی، منئم اوره‌یئمدئر.

13اونو یانیمدا ساخلاماغی ائستردئم کی، ائنجئله گؤره زنجئرلره دوشدویوم حالدا سنئن عوضئنه او منه خئدمت اتسئن.

14آمّا سنئن راضیلیغین اولمادان ائستمه‌دئم هچ بئر ائش گؤروم کی، سنئن یاخشیلیغین مجبوری یوخ، اؤز ائسته‌یئندن اولسون.

15بلکه ده بئر مودّت سندن آیریلماسی بونون اوچون اولدو کی، اونو همئشه‌لئک گری آلاسان،

16بئر قول کئمی یوخ، بئر قولدان داها دا آرتیق، بئر عزئز قارداش کئمی، خوصوصَن منه، لاکئن نه‌قدر چوخ سنه، هم جئسمده هم ده ربده.

17ائندی اگر منی اؤزونه بئر شرئک ساییرسان، اونو منئم کئمی قبول ات.

18آمّا اگر سنه بئر نحوله یامانلیق اتمئش اولسا، یا دا سنه بورجلو اولسا، اونو منئم حسابیما قوی.

19من پولوس، اؤز اَلئمله یازیرام کی، بو بورجو سنه وره‌رم. (بونو دمک ده ائسته‌مئرم کی، اؤز جانینی بله منه بورجلوسان).

20بلی، قارداش، قوی ربده سندن بئر فایدا گؤروم، اوره‌یئمی مسئحده تزه‌له.

21سنئن ائطاعتئندن یقئنئم اولان حالدا بونلاری سنه یازیرام و بئلئرم کی، حتّا ددئیئمدن آرتیغینی دا اِده‌جکسن.

22همن زاماندا منئم اوچون ده بئر یر حاضیرلا. چونکی اومئد ادئرم سئزئن دوعالارینیز سایه‌سئنده سئزئن یانینیزا گلئم.

23منئمله برابر مسئح عئسادا زئندانی اولان اِپافراس،

24همکارلاریم مرقوس، اَرئسترخوس، دئماس و لوقا دا سنه سالام گؤندَ‌رئرلر.

25رب عئسا مسئحئن فیضی سئزئن روحونوزلا اولسون.

Jump to: