bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Azerbaijan
/
Azerbajani Bible (South) Used in Both Iran and Azerbaijan 2008
/
Amos 1
Amos 1
Azerbajani Bible (South) Used in Both Iran and Azerbaijan 2008
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 2 →
1
بو، سورو صاحئبي اولان تِقوعَعلي عاموسون سؤزلريدئر. او، يهودا پادشاهي عوزئيّانين و ائسرايئل پادشاهي يِهوآش اوغلو يَروبعامين دؤورونده، زلزلهدن ائکي ائل قاباق ائسرايئل بارهده بله رؤيا گؤرموشدو.
2
عاموس بله ددی: "رب صَحيوندان نعره چکئر، اورشَلئمدن گورولدايير. چوبانلارين اوتلاقلاري ياس توتور، کَرمِل داغينين باشي قورويور.
3
رب بله ديئر: «دَمَشقلیلري جزاسيز بوراخماياجاغام، چونکي گوناه اوستونه گوناه اتدئلر، دَمئردئشلي دؤيَنلرله گئلعاد خالقيني دؤيدولر.
4
بونا گؤره ده خَزاعِلئن سارايينا اود سالاجاغام کي، بِن-هَدادين قالالاريني يانديريب-ياخسين.
5
دَمَشقئن دروازالارينين سورگوسونو قيراجاغام، آوِن درهسئندن اَهالئني سئلئب-آتاجاغام، بِيتعِدِنده عصا گَزدئرهني کَسهجيم، اِله کي، اَرام خالقي قئره اسئرلئيه آپاريلسين.» رب بله ديئر.
6
رب بله ديئر: «غَزّهليلري جزاسيز بوراخماياجاغام، چونکي گوناه اوستونه گوناه اتدئلر. بوتون جاماعاتي اسئر ادئب اِدوما تسلئم اتدئلر.
7
بونا گؤره ده غَزّهنئن دووارلارينا اود ياغديراجاغام کي، اورانين قالالاريني يانديريب-ياخسين.
8
اَشدوددان اَهالئني سئلئب-آتاجاغام، اَشقِلوندان عصا گَزدئرهني کَسهجيم. عَقرونون ضئدّئنه اَلئمي قالديراجاغام، فئلئسطلیلرئن صاغ قالانلاري يوخ اولاجاقلار.» پروردئگار رب بله ديئر.
9
رب بله ديئر: «صورلولاري جزاسيز بوراخماياجاغام، چونکي گوناه اوستونه گوناه اتدئلر، بوتون جاماعاتي اِدوما اسئر ادئب قارداشليق عهدئني خاطيرلاماديلار.
10
بونا گؤره ده صورون دووارلارينا اود ياغديراجاغام کي، اورانين قالالاريني يانديريب-ياخسين.»
11
رب بله ديئر: «اِدوملولاري جزاسيز بوراخماياجاغام، چونکي گوناه اوستونه گوناه اتدئلر، مرحمت حئسّئني بوغدولار، اؤز قارداش خالقيني قيلينجلا قوودولار، قضبلري دائم ييرتيجي ائدي، حئرصلرئني آخيراجاق ساخلاديلار.
12
بونا گؤره ده تِيمانا اود ياغديراجاغام کي، بوصرانين قالالاريني يانديريب-ياخسين.»
13
رب بله ديئر: «عَمّونلولاري جزاسيز بوراخماياجاغام، چونکي گوناه اوستونه گوناه اتدئلر، اونلار اَراضيلرئني گِنئشلَندئرمک اوچون گئلعاددا بويلو آروادلارين قارينلاريني ييرتديلار.
14
بونا گؤره ده رَبّانين دوواريندا اود آلوولانديراجاغام کي، اورانين قالالاريني يانديريب-ياخسين. بو يِر دؤيوش زاماني قيشقيرتي ائله طوفان گونو طوفانلا داغيلاجاق.
15
اونلارين پادشاهلاري ائله باشچيلاري بئرلئکده اسئرلئيه آپاريلاجاقلار.» رب بله ديئر.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 2 →
All chapters:
1
2
3
4
5
6
7
8
9