Jonah 3

Azerbajani Bible (South) Used in Both Iran and Azerbaijan 2008

← Chapter 2 Jump to: Chapter 4 →

1ربّئن سؤزو يونوسا ائکئنجي دفه نازئل اولدو:

2"قالخ، نِينَوايا، او بؤيوک شهره گت و سنه دئيه‌جيئم سؤزلري اونلارا جار چک."

3يونوس ربّئن سؤزونه موطابئق قالخيب نِينَوايا گتدي. نِينَوا تارينين نظرئنده بؤيوک شهر ائدي. اوراني اوچ گونه گَزئب دولاشماق اولاردي.

4يونوس شهري گَزمه‌يه باشلاييب بئر گونلوک يول گتدي و جار چکه‌رک ددي: "قيرخ گوندن سونرا نِينَوا آلت-اوست اولاجاق!"

5نِينَوالي‌لار تارييا ائنانديلار، اوروج اعلان ادئب بؤيوکدن کئچئيه قدر هامي چول گِيئندي.

6بو خبر نِينَوا پادشاهينا چاتاندا، او، تختئندن قالخيب شاهليق شئنِلئني اَينئندن چيخارتدي و چول گِيئنئب کولون اوستونده اوتوردو.

7پادشاه نِينَوادا بئر اعلان صادئر اتدي کي، ديئردي: "پادشاهين و اونون اصئلزاده‌لرئنئن حؤکمونه موطابئق: نه ائنسانلار، نه حيوانلار، نه ناخيرلار، نه ده سورولر هچ نه يِمه‌سئنلر. اوتلاغا گتمه‌سئنلر و سو ائچمه‌سئنلر.

8هم ائنسانلار، هم ده حيوانلار چول گِيئنسئنلر و قووّتله تارييا فرياد اتسئنلر. هر کس اؤز پئس يولوندان و اَللرئنئن قدّارليغيندان دؤنسون.

9کئم بئلئر، بلکه تاري فئکئرئني دَيئشدئرئب رحمه گلر، آلوولانان قضبئني بئزدن دؤنده‌رَر و بئز محو اولماريق."

10او زامان کي، تاري اونلارين پئس يولدان دؤندوکلري عمل‌لري گؤردو، اونلارا رحمي گلدي و گؤنده‌ره‌جيئني ددئيي بلاني اونلارين اوستونه گؤنده‌رمه‌دي. تاري بلاني گؤنده‌رمه‌دي.

← Chapter 2 Jump to: Chapter 4 →