Ephesians 5

Baoule Bible 1996 (Kuo :Dele')

← Chapter 4 Jump to: Chapter 6 →

1:Yee': ka a 'dhu-a Nyorsoa-a': dhih: kma-nynuu,: yee' deh⧾ or no-a, me-: a 'ye no: ke.

2'De mor 'nyi: ybeh-dih-eh: na-dih: a-a' 'kmo: ne-eh,: ka 'Klae no-a: a-a': ybeh-eh, 'de or: za-a or-a': febeh' 'kwla 'do: a-a' dhih bo,: eh no-a gban 'i 'dhu-dih-deh:: eh 'pehn-dih:-a Nyorsoa-a': porluh dih.

3:Yee': ka a no-a Nyorsoa-a' nyor⧾,: yee' eh se 'i 'sleh nyor 'ye 'tmeor:⧾: korn-eh-: se: vlehehn'-': gweh-: deh⧾-a' klehkpeh-a' 'klan: korn-eh-: a 'ye en-' deh-beh no. A-a': no-ih', 'de nyor⧾ 'plo: ne-' a 'nyne-' 'si, 'do en-' deh 'bhun.

4'De mor eh se 'yi dih: nmor a 'ye 'de 'za⧾ po, 'de a 'ye: bobo-dhih-': za, a 'ye: goba'-dhih-zon⧾ 'wluh: en kor-a 'nynor-: yibeor-: deh 'i. Jorwor: deh a 'ye-a' no, eh-: 'dhu, a po Nyorsoa-a' 'zio.

5:Yee' a yubo-eh', nyor⧾: an korn-a 'tmeor⧾-:: yuh se-a: vlehehn'-': gweh 'do Nyorsoa ybei'-: 'dekorn: nyor⧾: on: korn-a deh⧾-a' klehkpeh 'klan-: on se 'for 'ble 'de 'Klae-: 'dekorn: Nyorsoa-: an-a' nyor⧾ wlu 'ken: korn-eh 'di. Deh: korn-a dhih 'klan: korn-nyor⧾: se-a' 'de: ne i: ke, eh-: 'dhu, deh⧾-a' klehkpeh-a' 'klan: korn-eh no deh⧾: nee'-a': weheh': za-eh-a' 'for.

6A-a' 'worn-:-' nyor⧾-a': no-' wlu⧾: en se-a deh 'di: ne, 'de an-a': bo-dih:-' a dih, deh⧾: daa, en-' dhih. Deh no-eh, deh⧾: daa en-' dhih: oo' Nyorsoa-a' 'chehn-yuba-a mu 'noror nyor⧾: on se-a 'o or-a' 'tele' dih dhe bo 'bili:.

7:Yee' 'do eh-a' dha, a mor-: 'dekorn: nyor⧾-a' 'jeh: dao'-: a-a' nena:-' bo.

8A-a' 'jeh 'yor-eh:: ne 'de: kule-': dee'. Jorwor:: ka a no-a: Gwlor: baa'-a' nyor⧾: naa,: yee' a: ne 'de zorn-pli-'.: Yee' eh-a' dhih, 'nyi a: ne 'kmo: eh gweh-a: ka nyor⧾: ne-a 'de zorn-pli-'.

9Deh no-eh, zorn-pli: 'o, me-:: an ya 'de 'bi 'jeh ne-a' po-a',: en no-eh, 'de nyor⧾-a no-a deh⧾ 'jeh-:: yih: en 'sleh-a 'i-: 'dekorn: dhih-a' 'yor-eh-:.

10A vorn a 'ye deh: eh 'pehn-dih-a: Gwlor: baa'-a': porluh dih yubo:.

11'De mor a-a': po-' deh⧾: en se-a deh 'di: ne son 'di,: yih nyor⧾: noo'-a no-a: en no-a deh⧾: en: korn-a 'de: kule-' bo. Jorwor: a no-eh, 'de nyor⧾ 'ye deh⧾: dao' yubo:: ka en no-a deh⧾-zon⧾.

12Deh⧾ an 'zile-a 'de an no-a, en no dhen-deh:⧾ nyor⧾ 'ye en-' dhih-': za-a' 'jeh: sloror'.

13:Yee': mor eh 'dhu deh⧾-a' klehkpeh: daa, en yi 'o zorn-pli-',: yee': gwlor-nyor⧾ yubo-eh' deh en 'dhu-eh:-'.

14Deh no-eh, zorn-pli: 'o, me-:: to-dih:: a deh⧾-a' klehkpeh 'i: ka en: ne-a. Eh-:: korn dhih 'de nyor⧾: noo' 'da,: Sorn-', 'moo'-nyor:. 'Wluh 'de nma-dih-deh 'di.: Yee' 'Klae-a' zorn-pli-a mu: fan 'do: on ken.

15:Yee' 'do eh-a' dha, a 'wla: gwluhuh' dih: ka a no-a 'kmo-': ne-eh. A-a': ne-' 'kmo: ka nyor: or se-a deh 'i yubo:. Jorwor: a gweh: toror': korn-nyor.

16Ti-a' klehkpeh a 'ble-a: naa, 'nyi a: no-dih-ih: koan, nyor-a': zi-dih:-' ti, deh no-eh, ti-zon:⧾ 'o,: a: ne ken: naa.

17:Yee' eh-a' dhih, a-a': no-': bobo-nyor⧾. Jorwor: a vorn a 'ye deh: Gwlor: baa'-a 'bhorn-a a 'ye-a' no, a 'ye-eh' yubo:.

18A-a': no-' nomor 'na-nyor⧾,: eh mu-a a nyor⧾-gba-': po. Jorwor: Nyorsoa-a': Zulu-a' dih 'yi-dih-eh:, eh-: a 'ye 'dlu bo kpa.

19:Mor a: taa 'de a 'bei' bo wlu,: yee' a no Nyorsoa-a' 'chlee-deh-a' 'duh⧾-: 'dekorn: or-a' 'zio: po-duh⧾-:.: Yee' a ble 'duh⧾ Nyorsoa-a': Zulu 'nyi a-uh. A ble 'duh⧾, a 'ye: Gwlor: baa'-a' 'nyne ya po 'do a: porluh⧾ ken.

20:Yee' 'de: a-a': Gwlor: baa': Yusu' 'Klae-a' 'nyne 'di, a po: a: Baa' Nyorsoa-a' 'zio 'do ti-a' klehkpeh bo, 'do deh⧾-a' klehkpeh bo.

21A: ya a-a' 'jeh ya 'do a 'bei' 'zorn: due': due'. Deh no-eh, 'Klae-a': fano-a' ple-a',: dhih 'o, a no-eh.

22:Yee' a: mor 'nynor⧾-kpao'⧾-a:, a: ya a-a' 'jeh ya 'do a-a'a: yibeor-boi' 'zorn,: ka a no-a a-a' 'jeh ya: ya-eh 'do: Gwlor: baa' 'zorn.

23Deh no-eh, nyor-kpalu 'ble 'kpih 'do or-a'a: 'nynor 'dlu: ka 'Klae no-a, 'de or 'ble-a 'kpih 'do 'chore 'dlu: ke. 'De mor, 'Klae-a' 'jeh 'yor-eh:, or-: no 'puh-dih-nyor 'do 'chore bo,: eh 'dhu-a or-a' yau-'.

24:Yee' 'do eh-a' dha, 'nynor⧾-kpao'⧾: korn on 'ye an-a' 'jeh ya: ya 'do an-a'a: yibeor-boi' 'zorn 'do deh⧾-a' klehkpeh 'di,: ka 'chore-a no-a eh-a' no-a': ke 'do 'Klae bo.

25:Yee' a: mor yibeor-boi'-a:, a: ybeh a-a'a: 'nynor⧾-': ke,: ka 'Klae no-a or-a'a: 'chore-a': ybeh-a', 'de or: za-a or-a': febeh' 'kwla, or 'ye-a' 'meh, 'do eh-a' dhih bo.

26Or no deh: daa 'weh, 'de 'chore 'ye 'for 'i: dhe-dih-eh: 'do Nyorsoa bo, 'do or-a' tubo-wlu⧾-a' 'kpih bo. 'Ni, eh-: or no, 'de or worlor-eh, eh: gweh: vlehehn'-'.

27Or no-eh', 'de 'chore 'ye 'o or ybei' dih: nyna, 'de eh-a' 'yi dih: nmor-eh 'di,: eh se-a fan 'bhun: ne, 'de: eh se-a 'pona:, deh-beh-deh-beh se-a 'o 'bhun: ne, 'de: eh 'sleh-a 'i 'do Nyorsoa ybei',: eh se-a dhih 'bhun: ne.

28:Yee' nyor⧾-kpalu⧾: korn on 'ye an-a'a: 'nynor⧾-': ybeh: ka an no-a an-a' 'jeh 'yor-eh-a' yau-a': ybeh-a': ke. Nyor-kpalu:: or: ybeh-a or-a'a: 'nynor-',: yee' or: ybeh or-a' 'jeh-' 'weh: ke.

29Eh se nyor: korn: or 'ye-a or-a' 'jeh 'yor-eh-a' yau 'nyeh. Nyor⧾-a' klehkpeh, an 'nyi an-a' yau dii-deh:, 'de an pobo 'o on bo dih: ka 'Klae-a no-a,: a: mor: or 'dhu-a or-a'a: 'chore,: a-a' dhih: ke,

30deh no-eh,: a no or-a' yau:: daa, an-a' 'for: ke.

31:Ka Nyorsoa-a' 'chlee-deh no-a eh-a': za-a', eh no-a, Eh-:: korn dhih, 'de 'nynor-: 'dekorn: nyor-kpalu-: an mu an-a' 'cheh dih 'tali:, 'de on 'ye: dha: due' 'ti.: Yee' mo-:: on: ne-a 'sororn', an mu nyor: due': no.

32:Yee' wlu⧾: daa, me-: 'dhu 'slan: or 'kpa-a deh ken,: or 'wluh-a 'de Nyorsoa-a' 'chlee-deh:: dao' 'di, me-: 'on 'worn-' dih: ka en za-a 'Klae-: 'dekorn: or-a'a: 'chore-: an-a' dhih-'.

33'De mor wlu⧾: daa, en wlu-' 'de a bo: ke.: Yee' a: mor yibeor-boi'-a' klehkpeh, a: korn a 'ye a-a'a: 'nynor⧾-kpao'⧾: ybeh,: ka a no-a a-a' 'jeh 'yor-eh-a': ybeh-a'. 'De mor 'nynor⧾-kpao'⧾-a' klehkpeh, on: korn on 'ye an-a'a: yibeor-boi' deh-' 'ye: ke.

← Chapter 4 Jump to: Chapter 6 →