Philippians 1

Baoule Bible 1996 (Kuo :Dele')

1'Mor: Poror'-: 'dekorn:: Timehte'-:: a: mor no-a: Yusu' 'Klae-a' 'bhoi-nynuu,: a: mor 'ye a-a' klehkpeh: on 'dhu-a Nyorsoa-nyor:⧾: on: korn-a 'de: Yusu' 'Klae bo 'de: Fele'pa-gwlor-: 'dekorn: a-a'a: 'chore-a' nyor⧾: na-dih-nyor⧾-: 'dekorn: 'dikeh-boi'-:.

2Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae bo.

3:Yee' 'an po 'an Nyorsoa-a' 'zio, 'do ti-a' klehkpeh bo,: mor 'on: na-dih: a-a' dhih: gwluhuh' dih.

4'Do ti-a' klehkpeh bo,: mor 'on: taa 'de Nyorsoa bo wlu, 'do a-a' klehkpeh-a' dhih bo,: yee' 'an wlu-' 'de 'mona: ka 'di.

5Deh no-eh, a 'kpa 'on-: bo, 'do Nyorsoa-a' tubo-wlu:⧾ 'jeh-a': po-eh bo,: eh 'wluh-a 'de: zai'-we-eh bo, 'de: eh: yeh-dih:-a 'zean'-we-eh ken.

6Deh: due' 'on yubo:-a deh 'jeh, eh-:: dhe dih, Nyorsoa: or po-a 'o deh⧾ 'jeh ne 'do a: porluh⧾ ken, 'de: or 'dhu-eh glu, or mu-eh 'dlu bo: kpa, 'de or 'ye-eh' 'i gweh, 'de jorwor: 'we-eh:: Yusu' 'Klae-a mu-a 'de: ya, 'de eh 'ye 'o nyni.

7A-a' klehkpeh-a' dhih: ne 'o 'on: gwlii' 'weh. Eh-a' dhih, eh: nmor-: 'yi, 'on 'ye 'mona-' 'kpa, a-a' dhih. A-a' klehkpeh, a: za-dih: 'on-' 'weh 'do: koan: Nyorsoa 'nyi-a 'on, or-a' no-a' bo,: eh 'dhu-a, or-a' tubo-wlu:⧾ 'jeh-a' dhih ken dih zela-eh: en 'ye-a' dih ku, 'an: yeh: ne: kasue 'di, 'de mor 'an: yeh: se 'de: kasue 'di: ne.

8Nyorsoa yubo-eh': ka 'an 'bhorn-a 'on 'ye-a a 'ye 'gabaa, 'de: ka: Yusu' 'Klae no-a a-a': ybeh-a', 'ka-: 'o 'on no a-a': ybeh-a': ke.

9:Mor 'on: taa 'de Nyorsoa bo wlu, 'do a-a' dhih bo,: yee' 'an dhele-or-: dih, or 'ye-eh' no, a-a': ybeh-dih-eh 'ye ken dih 'kpuhba:, 'do ti-a' klehkpeh bo. 'De a 'ye deh 'i yubo-eh-: 'dekorn: deh-' dih 'worn-eh-: 'ble,

10'de a 'ye 'de dhih 'di pobo-eh 'beh-dih:, a 'ye 'de 'yi 'sleh ne: za.: Mor eh: ne: ao',: yee' a mu: vlehehn'-': gweh-nyor⧾: no, 'de 'Klae: ne-' a dhih 'bhun 'ye-dih:, 'do 'we-eh: or mu-a 'de: ya 'di.

11:Yusu' 'Klae, or-: mu-eh: no, a 'ye 'bi 'jeh ne: tlo 'do ti-a' klehkpeh bo, 'do Nyorsoa-a' dhih-a' 'i 'beh-a'-: 'dekorn: or-a' 'nyne-a' ya: po-eh-: bo.

12:Yee' 'an 'Klae: de-di'-boi'-a:, 'an 'bhorn a 'ye-eh' yubo:, deh⧾: en yi-dih-a 'on ya dih: naa, me-: no-eh, 'de nyor⧾: doru' po Nyorsoa-a' tubo-wlu:⧾ 'jeh dhih 'jeh-'.

13Deh⧾: daa, me-: no-eh, 'de sorye'-a' klehkpeh: an 'dhu-a 'keen-a'a: 'sla 'yli-eh bo-: 'dekorn: nyor⧾-a' klehkpeh: on: sie:-a 'o-: on yubo-eh', deh 'an na-a 'Klae de, eh-:: korn dhih: oo', on po 'de 'on: kasue 'di.

14Deh 'on: ne-a 'noror: kasue 'di, eh-: no-eh, 'de 'an 'Klae: de-di'-boi'-a': dha: dhulu' 'ble: gwluhuh': ku-eh 'gabaa, 'de: Gwlor: baa'-a' deh 'di. Eh-: no-eh, 'de on ku: gwluhuh' 'gabaa, 'de: fano:: gweh 'o on: gwlii' dih,: mor on: taa Nyorsoa-a' tubo-wlu⧾ po.

15Keen': mloror', nyor⧾: noo', mo-:: an za 'Klae-a' dhih-', 'de: gwlehehn'-: 'dekorn: dih dhobo-eh-: 'di. Jorwor: nyor⧾: noo', mo-:: an no-eh, 'de: ka 'jeh nor 'di.

16Nyor⧾: daa, an no-eh', 'de 'an: ybeh-dih: ka 'di. Deh no-eh, on yubo-eh',: ka 'on: po-eh: 'o, 'do Nyorsoa-a' tubo-wlu:⧾ 'jeh-a' ken dih zela-eh bo.

17Jorwor:: yuh: an za-a 'Klae-a' dhih-', 'de: gwlehehn' ka 'di, an po-ih', on 'ye-ih deh 'ken 'ye 'do an-a' 'jeh bo. En: se 'de on 'di dih tba. Jorwor: an 'bhorn eh 'ye 'on 'kle 'ye-dih: 'noror: kasue 'di 'on: ne-a.

18Eh: se deh 'do 'on bo. Deh: eh 'pehn-dih:-a 'an: porluh dih, eh-: 'dhu, an po tubo-wlu:⧾ 'jeh: en kor-a 'Klae 'i 'weh, an-a': yeh po-ih 'de: gwlehehn': ka 'di-:: eh beh 'de: ka 'jeh 'di-:. Keen', 'an: porluh-a' dih 'pehn-eh mu 'dlu bo: mu: chio'lo:.

19Deh no-eh, 'on yubo-eh': ka 'an mu-a: kasue 'di 'wluh-:.: Eh: korn dhih: oo': eh? A bale 'o 'an dha 'weh, 'de: Yusu' 'Klae-a': Zulu-a mu 'o 'on bo 'ma-:: ke.

20Deh: eh: korn-a: gwie 'i 'an pobo-a 'gabaa, 'de 'on dhe-a: gwlii', eh-: 'dhu, 'on: se-' deh: no i, eh: se-' 'on dhen-' dih: po i klehkpeh klehkpeh. Jorwor: 'on: korn 'on 'ye: gwluhuh': ku-eh:: doru' 'ble, 'on 'ye-eh' no, 'de 'an yau-a' klehkpeh 'ye 'Klae-a' 'nyne dhih-a' 'i 'beh-a' 'nyi, 'an: yeh: ne 'kmo, 'de mor 'an: yeh 'meh.

21'Do 'on bo,: mor 'on: ne 'kmo,: yee' 'on: ne-' 'kmo, 'on 'ye 'Klae: weheh': za, 'de: mor 'on 'meh: ke,: yee' eh po 'o 'on deh.

22:Mor 'on: gwle 'kmo-',: yee' 'an mu: koan: 'jeh: nor: no-eh 'dlu bo: kpa. Eh-a' dhih, 'meh-a'-: 'dekorn: 'kmo: ne-eh-:: yeh 'on 'ye-a 'o: za, 'on se-eh yubo:.

23'On: ne 'o 'kpan-: gban-: 'nyne bo. 'An 'bhorn 'on 'ye 'kmo: daa dih 'tali:, 'de 'on 'ye 'de 'Klae bo: ne. Deh: daa, eh-: mu 'yi dih: nmor 'gabaa 'do 'on bo,: eh 'ye 'o 'kmo-': ne-eh: zi.

24Jorwor: 'do 'for: noror' ken,: mor eh 'dhu, a-a' dhih-',: yee' eh 'kpa deh ken, 'on 'ye 'kmo-': ne,: eh: zi 'o 'on 'ye 'meh.

25:Yee': ka 'on yubo:-a deh: daa 'i deh 'jeh,: yee' 'on yubo-eh',: ka 'an mu-a 'kmo: ne-eh-a' 'dlu bo: kpa.: Yee' 'an mu a-a' klehkpeh bo 'kpa-:, 'de a-a' dhih 'jeh-': po-eh-a' ku-a' 'ye 'dlu bo mu, 'de a 'ye 'mona no, 'de a-a' dhih 'jeh-': po-eh 'di.

26:Yee': mor eh no: ao', 'de 'on 'ye 'o a bo: ne: neheh',: yee' a mu deh 'ble-: a 'ye a-a' 'jeh 'i 'beh-dih:: Yusu' 'Klae-a' dhih, 'do 'an dhih bo.

27:Yee' deh: due' a 'ye-a' no, eh-: 'dhu, 'nyi a-a' 'kmo: ne-eh no-eh, 'de tubo-wlu:⧾: en kor-a 'Klae 'i, en 'ye deh-' 'ye-eh:.: Yee': mor eh no: ao', 'an: yeh beh: or 'yle,: or 'ye a-uh, 'de mor 'on 'ye a-a' 'nyne 'worn, ti 'on se a 'o: ne,: yee' 'an mu-eh yubo:: ka a: nyna-a dih deh 'jeh neh, 'de deh: due' 'di, 'de a vorn-dih-a: dha: due', a 'ye-a' dhih 'jeh-': po-eh:: eh 'wluh-a 'de Nyorsoa-a' tubo-wlu:⧾ 'jeh bo, ken dih zela: deh 'jeh.

28A-a': ple-' nyor⧾: an vorn a bo, an-a': fano. Eh-: mu 'yi: to-dih-deh: no 'do on bo,: ka an mu-a gbe: zie:, 'de a mu-a 'puh-:. Nyorsoa: oo', or-: mu a 'puh-dih:.

29Nyorsoa po a mla bo 'weh. Or-a' mla: dao', or: se 'Klae-a' dhih dhih 'jeh-': po-eh: due', jorwor: 'kle-a' 'ye-a' 'do 'Klae-a' dhih bo, eh no mla: ke.

30:Yee': kana: naa, a-: 'mor-:: a vorn tuh: due', tuh-a' 'jeh: dao',: on a 'ye-a 'on, 'on vorn-a: zai',: on: korn-a 'nyne a 'worn-a: naa, mo-: 'o, 'an vorn 'gboror:.