bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Belarusian
/
Belarusian Bokun
/
3 John 1
3 John 1
Belarusian Bokun
Jump to:
Chapter 1
1
Староста — улюбёнаму Гаю, якога я люблю ў праўдзе.
2
Улюбёны! Малюся, каб ты быў здаровы і пасьпяховы ў-ва ўсім, як пасьпяховая душа твая.
3
Бо я вельмі ўзрадаваўся, калі прыйшлі браты і засьведчылі пра тваю праўду, як ты ходзіш у праўдзе.
4
Для мяне няма большай радасьці, як чуць, што дзеці мае ходзяць у праўдзе.
5
Улюбёны! Ты робіш вернае ў тым, што робіш для братоў і для чужынцаў,
6
якія засьведчылі перад царквою пра тваю любоў. Ты добра зробіш, правёўшы іх, як належыцца перад Богам,
7
бо яны дзеля імя Ягонага пайшлі, нічога ня ўзяўшы ад паганаў.
8
А мы павінны прыймаць гэтакіх, каб стацца супрацоўнікамі праўдзе.
9
Я пісаў царкве, але Дыятрэф, які любіць у іх быць першым, не прызнае нас.
10
Дзеля гэтага, калі я прыйду, нагадаю пра ўчынкі ягоныя, якія ён робіць, абмаўляючы нас злымі словамі; і не задавольваючыся гэтым, і сам не прызнае братоў, і тым, якія хочуць, забараняе, і выганяе з царквы.
11
Улюбёны! Не пераймай ліхое, але добрае. Хто робіць дабро, той ад Бога; а хто робіць ліхое, ня бачыў Бога.
12
Пра Дэмэтрыя засьведчана ўсімі і самой праўдаю, і мы сьведчым, і вы ведаеце, што сьведчаньне нашае праўдзівае.
13
Шмат меў я пісаць, але не хачу пісаць табе атрамантам і трысьцінай,
14
а спадзяюся неўзабаве пабачыць цябе і гаварыць вуснамі ў вусны.
15
Супакой табе! Вітаюць цябе сябры; прывітай сяброў паіменна.
Jump to:
Chapter 1
All chapters:
1