bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bhilali
/
Bhilali (भगवानेन छाचला बुल)
/
Matthew 2
Matthew 2
Bhilali (भगवानेन छाचला बुल)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
1
जत्यार हेरोदेसेन राजान राज चाल रह्लो, तीनुत दाहड़ा मां यहुदीया जीलान बेतलहम गांव मां ईसु पयदा हयु, ती उगेवणा सी तारा देखीन रासी देखण्या यरुसलेम सहर मां आया।
2
ने पुछ्या की, “यहुदी माणसेन पुर्यु राजु पयदा हयु, चु कां छे? काहाकी हामु उपर उगवणु सी तारु उंगलु देख्या तेरेमां हामु पुछ रया ने तीना काजे हामु पांये पड़ीन आंधणे आवला छे।”
3
जत्यार हेरोदेस राजु जी वात सामळीन घाबराय गुयु, ने तेरे पुठ्ये यरुसलेम सहर मां रहणे वाळा बी आखा घाबराय गुया।
4
तेरेमां हेरोदेस राजु आखा मुख्या पुजारा ने यहुदी नीयम सीकाड़न्या मास्तर्याक भेळा करीन तीनुक पुछ्यु, “की मसी कां पयदा हवसे?”
5
चे कह्या की “यहुदीया जीलान बेतलहम सहर मां हवसे, काहाकी भगवानेन अघी सी आवणे वाळी वात बताड़न्या माणसेन साहरे असो लिखलो छे।
6
“ए बेतलहम सहर, तु यहुदीया देस वाळा, काहना बी मटला सहर नानु नी हय, काहाकी तारे सीत एक असलु राज करन्यु पयदा हवसे, चु मारा ईस्रायेली जातीन माणसेन गुवाळी करसे।”
7
तत्यार हेरोदेस राजु तारा देखीन रासी देखण्याक कळेन बुलायन तीनुक पुछ्यु की तारु तुहुंक काहनी टेमे देखाव पड़लु,
8
अळतेन चु असो कय्न तीनुक बेतलहम सहर मां मकल्यु, “जावु, तीना पुर्यान बारामां पतु करु, ने जत्यार जड़ जाय तत्यार मेसे खबर करु काहाकी मे बी आवीन तेरा पाये पड़ीस।”
9
ने चे राजान वात काजे मानीन चाल पड़्या, ने तीना तारा काजे चे उंगतेलु देखला चु तारु बी तींद्रे अगळ-अगळ चाल पड़्यु, ने चां पुर्यु हतलु, तीनी जागा पर जाय्न चु तारु उबु रय गुयु।
10
ने तीना तारा काजे देखीन चे बेसका खुस हय गुया।
11
चे तीना घर मां जाय्न तीना पुर्या काजे हेरी माय मरीयम साते देख्या, ने उबडा पड़ीन पुर्या काजे आंध्या, ने आपणा-आपणा थयलाम सी तीना काजे सनो, लुभान, ने मंहगलो ईत्तर भेट चड़ाया।
12
बाकुन भगवान सी सपना मां असी खबर जड़ी की, हेरोदेस धड़े पछा घुण जावु, तत्यार चे दीसरे वाट्ये सी आपसान देस मां पछा जाती रया।
13
अळतेन चे तारा देखीन रासी देखण्या चां सी जाती रया ने पछेन मालीक भगवानेन सरग वाळु काहवाळ्यु सपना मां ईसुन बास युसुफ काजे देखायन कह्यु, “उठ, ईना पुर्या काजे ने हेरी माय काजे लीन मीसर देस मां जाती रव; ने जत्यार लग मे तुसे नी कहं, तत्यार लग चांहान रवजी; काहाकी हेरोदेस ईना पुर्या काजे माराड़ने करीन हेरसे।”
14
तत्यार युसुफ उठीन पुर्याक ने हेरी माय काजे रातेत लीन मीसर देस मां जाणे करीन चाल पड़्यु।
15
ने हेरोदेस मरने लग चांहान रयु। काहाकी ज बुल मालीक भगवानेन अघी सी आवणे वाळी वात बताड़न्या माणसेन साहरे कह्लो छे, चो पुरो हवे की, “मे मारा पुर्या काजे मीसर देस सी बाहर बुलायु।”
16
जत्यार हेरोदेस राजा काजे असु पतु चाल्यु की, तारा देखीन रासी देखण्या मारे सी धुकु कर्या, तत्यार चु रीस सी भराय गुयु, ने आपसा माणसे काजे मकल्यु जसा रासी देखाड़न्या जी टेम देखाड़ला तीनी टेमेन अनसारे बेतलहम ने तेरे आड़े-धड़े वाळा आखा जे दुय सालेन ने तींद्रे सी नानला पुर्या हतला तीनु काजे माराड़ देदु।
17
तत्यार ज बुल मालीक भगवानेन अघी सी आवणे वाळी वात बताड़न्या माणसेन यीर्मयाहन साहरे कह्लो हतलो, चो पुरो हय गुयो।
18
“रामा सहर मां सी एक दया आवे तसी अवाज सामळाय, ने रड़नेन ने बेसका कलपणेन बी अवाज सामळाय; राहेल तेरा पुर्या वाटे रड़तेली, ने हुगी राखे तेबी हुगी नी रवतेली, काहाकी तेरा आखा पुर्या मर गुयला।”
19
ने जत्यार हेरोदेस राजु मर गुयु, तत्यार मालीकेन सरग वाळु काहवाळ्यु मीसर देस मां युसुफ काजे सपना मां देखायन कह्यु,
20
“उठ, पुर्याक ने तेरी माय काजे लीन ईस्रायेल देस मां पछु जाती रव, काहाकी चे ईना पुर्या काजे मारने हींडी रवला, चे मर गुया।”
21
तत्यार युसुफ सुयन उठ्यु, ने पुर्याक ने तेरी माय काजे लीन ईस्रायेल देस मां पछु जाणे करीन चाल पड़्यु।
22
बाकुन युसुफ असु सामळ्यु की अखीलु तेरा बास हेरोदेस राजान आवजी पर यहुदीया पर राज कर र्यु, तेरेमां चां जाणे सी बीही गुयु। ने तत्यारुत सपना मां भगवानेन हुकुम सामळीन गलील जीला मां जाती र्यु,
23
ने नासरत नावेन सहर मां जाय्न वसी ज्य, काहाकी च बुल पुरो हवे, ज भगवानेन बुल मालीक भगवानेन अघी सी आवणे वाळी वात बताड़न्या माणसेन साहरे कह्लो हतलो की: “ईसु नासरी कह्वाय्से।”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28