bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Hebrews 13
Hebrews 13
Edo ((E Baibol Ẹdo) Version 1996)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
Wa gha ho ẹmwẹ egbe zẹ vbe etẹn vbe uwu Kristi.
2
Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.
3
Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.
4
Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.
5
Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”
6
Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”
7
Wa ye avbe ọkaolotu uwa ni karo rre, iran ni kpe orhu Osanobua ma uwa. Wa roro ẹe, vbe ne iran ya yin hẹ, kevbe vbene iran ya wulo hẹ, ne uwa gha ye egbe ta iran vbe ẹmwẹ iyayi.
8
Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.
9
Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.
10
Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.
11
Ogie ohẹn avbe Ju ghi mu esagiẹn aranmwẹ gha die uwu Ehe Ne ọ Huan Sẹẹ Ehia, ne iran do yae zọ ese ye orukhọ, sokpan iran ghi giẹn ikun aranmwẹ nii uan vbe a gha lahin agọ rre nẹ.
12
Ọna ọ si ẹẹ ne Jesu na vbe wu ye vbe a lahin onurho ẹvbo rre nẹ, ne ọ miẹn ehe na ye esagiẹn ọnrẹn, khuẹ orukhọ emwa kua.
13
Rhunmwuda ọnii nian, wa gie ima kpao vbe agọ rre ya vba ẹre, ne ima vbe ya egbe viọ vbe emwi ekhue ẹre.
14
Rhunmwuda ma i mwẹ ẹvbo etẹbitẹ vbe agbọn na, ẹvbo ne ọ dee ọre ima rhie aro yi.
15
Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.
16
Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.
17
Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.
18
Wa ye gha na erhunmwu ne ima. Ma rẹnrẹn wẹ ekhọe ima ma bu abe gbe ima, rhunmwuda, ma ho ne ima ru vbene ọ kere ẹghẹ hia.
19
I rinmwian uwa ne uwa na erhunmwu, ne Osanobua rhe rhe dọlegbe rhie mwẹ bu uwa gha dee.
20
Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.
21
Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.
22
I rinmwian uwa etẹn mwẹ, ne uwa ye i ziengbe danmwehọ ikporhu igiẹdu na, rhunmwuda ebe ne I gbẹn gie uwa na ma tan gbe.
23
I ho ne I gie uwa rẹn ighẹ a fan ọtẹn mwa ighẹ Timoti fua nẹ vbe eghan. A deghẹ ọ rherhe rre, I gha rhie ẹre ba egbe vbe i a ra do miẹn uwa.
24
Wa gie otuẹ avbe ọkaolotu uwa kevbe emwa Osanobua hia. Etẹn mwa ni ke Itali rre we uwa do.
25
Te Ẹsọhẹ Osanobua gha gu uwa gha rrọọ.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13