Psalms 115

Edo ((E Baibol Ẹdo) Version 1996)

← Chapter 114 Jump to: Chapter 116 →

1Nọyaẹnmwa, wẹ okpa, awẹ, wẹ okpa kẹkan ọ re a gha rhie uyi na, ighẹ ẹ i re ima, rhunmwuda umamwẹ kevbe ahoẹmwọmwa ruẹn ne ẹ i beghe.

2Vbọzẹ ne avbe uhunmwu ẹvbo gha na gha nọ ima wẹẹ, “Osanobua rua vbọ?”

3Osanobua mwa rre ẹrinmwi, ọ vbe ru emwi ne ọ rhirhi khọn rẹn.

4Esiliva kevbe igoru ọ re a ya ru ẹbọ iran, emwi ne a ya obọ emwa nagbọn ru.

5Iran mwẹ unu, sokpan, iran i sẹtin guan, iran mwẹ aro, sokpan, iran i sẹtin bẹghe.

6Iran mwẹ ehọ, sokpan, iran i họn ẹmwẹ iran mwẹ ihue, sokpan iran i họn ẹwia.

7Iran mwẹ obọ, sokpan iran i mu emwi. iran mwẹ owẹ sokpan iran i khian; iran i sẹtin ta ẹmwẹ rhọkpa.

8Iran ni mannọ iran, kevbe iran ni gho iran, te iran gha vbe gha ye vbe nene amazẹ, ne iran mannọẹn.

9Wa ne ivbi Izrẹl wa mu ẹtin yan e Nọyaẹnmwa rọẹn ọ re ọ ye uwa obọ ne ọ vbe rhie uwa lẹre.

10Wa ne avbe ohẹn Osanobua wa mu ẹtin yan e Nọyaẹnmwa. Rọẹn ọ re ọ ye uwa obọ, ne ọ vbe rhie uwa lẹre.

11Wa hia ni ga Nọyaẹnmwa, wa mu ẹtin yan e Nọyaẹnmwa, rọẹn ọre ọ ye uwa obọ, ne ọ vbe rhie uwa lẹre.

12E Nọyaẹnmwa ye ima rre, ọ gha fiangbe mwa; ọ gha fiangbe ivbi Izrẹl, kevbe avbe ohẹn Osanobua hia.

13Ọ gha fiangbe iran hia ni ye ọghọ ne ẹẹn, ke ne ọ kpolo, kevbe ne ọ kanmwa.

14Te Nọyaẹnmwa gha ye emọ ru uwa ẹse, wa kevbe avbe ivbi uniẹn uwa!

15Te ọ gha fiangbe uwa ighẹ Nọyaẹnmwa, ne ọ yi ẹrinmwi kevbe agbọn!

16E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

17Avbe orinmwi i rho e Nọyaẹnmwa, ra iran hia ni tuorre lao otọe a hunwan hii.

18Sokpan, ma na, ne emwa ni rre agbọn, ma gha rhie ekpọnmwẹ ne ẹẹn, nian kevbe ẹdẹdẹmwẹdẹ. Wa rho e Nọyaẹnmwa.

← Chapter 114 Jump to: Chapter 116 →