bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Zechariah 4
Zechariah 4
Edo ((E Baibol Ẹdo) Version 1996)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 5 →
1
Odibosa nii ne ọ gha gunmwẹ guan usin keghi rre, ọ keghi huẹn mwẹ kpaegbe vbe ne a miẹn wẹ te I te vbiẹ.
2
Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.
3
Eran oliv eha diake nene erhan ọmukpa, ọkpa vbe obọ na kevbe nọkpa vbe obọ nọkpa.”
4
Ẹrẹ mẹ na ghi nọ odibosa nii wẹẹ, “Dọmọ o, de emwi ne a ya enena kha yi?”
5
Rẹn nọọn mwẹ wẹẹ, “Wẹ ma rẹn ra?” Mẹ keghi wanniẹn wẹẹ, “I ma rẹn enọwanrẹn.”
6
Odibosa nii keghi tama mwẹ ne I ta uhunmwu ne Nọyaẹnmwa gie gie Zerubabẹl na ma rẹn wẹẹ, “U gha khọnmiotọ, sokpan, ẹ i re vbe ekpa ẹtin ivbiyokuo ra ẹtin ọghe obọ ruẹ sokpan, orhiọn mwẹ.
7
Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”
8
A keghi vbe gie uhunmwu ọvbehe ke ehe ne Nọyaẹnmwa ye gunmwẹ.
9
Ọ wẹẹ, “E Zerubabẹl gbe ẹyotọ Ọgua Osa nẹ, te ọ ra bọ ẹe fo. Ọna ghẹghi sunu, emwa mwẹ gha rẹn wẹ mẹ ọ re ọ giọ gie uwẹ bu iran gha dee.
10
Odibosa nii keghi tama mwẹ wẹẹ, “Erhan ọmukpa ihinrọn ni keghi re avbe aro ihinrọn ọghe Nọyaẹnmwa ne ọ bẹghe otọ agbọn hia.” Egbe gha wọ iran rhunmwuda, obọ i kẹe vbe nene iwinna, sokpan, iran gha miẹn vbe Zerubabẹl a gha bọ Ọgua Osa ni khian, iran gha ghọghọ.”
11
Mẹ keghi nọ wẹẹ, “De emwi ne avbe erhan oliv ni rre obọ eveva ọghe erhan ọmukpa ni mudia yi?
12
De emwi ne a vbe ye abọ erhan oliv eva ni rre ọkpẹn uhoro igoru eva ne ofigbọn oliv keghi le ladian kha?”
13
Rẹn keghi nọ. mwẹ wẹẹ, “Wẹ ma rẹn ra?” Mẹ keghi wanniẹn wẹẹ, “I ma rẹn enọwanrẹn.”
14
Ẹre irẹn ghi na kha wẹẹ, “Iran na ọrọre avbe ikpia eva ne Osanobua zẹe, ọ na vbe nọnọ ori ye iran uhunmwu ne iran gha ga irẹn, ne e Nọyaẹnmwa ne ọ yan otọ agbọn hia.”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 5 →
All chapters:
1
2
3
4
5
6
7
8
9
10
11
12
13
14