bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bundeli
/
Bundeli
/
2 Timothy 1
2 Timothy 1
Bundeli
Jump to:
Chapter 1
Chapter 2
Chapter 3
Chapter 4
Chapter 2 →
1
पौलुस ने लिखी जीने यीशु मसीह पै बैकुण्ठ के लाने बिसवास करो और जौन परमेसुर की मरजी से यीशु मसीह के प्रेरित आंय।
2
प्यारे बेटा तीमुथियुस हां लिखी। परमेसुर पिता और हमाए प्रभु यीशु मसीह में तुमें दया और सान्ति मिलत रए।
3
मैं अपने परमेसुर की सेवा अपने बड़े बूढ़न की रीत से साजे विवेक से करत आंव, और उनकी दया से तुमाए काजें बिन्तवारी करत आंव।
4
और तेंने जौन मन से सेवा करी आय, ऊकी याद रात दिना करत आंव और मोरो मन भरो आय।
5
मोहां याद आत आय, कि तोरी नानी लोइस, और तोरी मताई योनीके अपने बिसवास में पक्के हते, और मोहां पता आय, कि तें सोई उन जैसो आय।
6
ऐई से मैं तोहां सोई कैत आंव, कि जौन बरदान तोहां मोरे हाथ धरे से मिलो आय ऊहां और उजयार दे।
7
हम हां डरने नईंयां, कायसे परमेसुर ने हम हां प्रेम और बस भर काम करबे को भय दओ आय।
8
सो परमेसुर की गवाही से, और मोरे से जो उनके नाओं से जेहल में आंव, लजाईयो न, परन्त मोरे संग्गै सेवा में दुख उठाबे हां तईयार रै।
9
जीने हमाओ तरन तारन करो, और हम हां अपनौ बना लओ, जौ हमाए पुण्य के कामन से नईंयां; परन्त परमेसुर की दया से भओ आय।
10
जब से प्रभु यीशु मसीह हमाए हिये में आय तो मानो उजयारो हो आओ, जीने मृत्यु हां खतम करो, और हम हां हमेसा हां बैकुण्डवास पहुंचबे को ज्ञान दओ।
11
ऐई बचन को मैंने परचार करो और उनको भेजो, और सबरे हार उपदेस करो।
12
ऐई से मैं जे दुख उठा रओ आंव, और लजात नईंयां, कायसे मैंने जिन पै बिसवास धरो आय उन हां जानत आंव; और मोहां पक्को आय, कि जौन जीवन मैंने उन हां दे दओ आय ऊहां साजो धरे रै हैं।
13
जौन खरी बातें तेंने मोसे सुनी आंय उन हां पक्को मान के प्रेम से यीशु मसीह की बातन हां मानत जा।
14
पवित्रात्मा जौन हमाए हिये में बल देत आय, जौन काम उन ने दओ आय ऊहां सुतारो धरे रै।
15
तोहां पता आय, कि आसियावारे सबरे जनें मोसे फिर गए आंय, जैसे फूगिलुस और हिरमुगिनेस।
16
उनेसिफुरुस के घर के जनन पे प्रभु दया करें, कायसे ऊने कई बेरा मोरे हिये हां मानो ठण्डो करो, और मैं जेहल में आंव ईसे नईं सरमाओ।
17
परन्त जब बो रोम नगर आओ, तो मुसकल से ढूढ़त भओ मोहां मिलबे आओ।
18
(प्रभु ऊपे अपनी दया बनाए रखे) जौन जौन काज ऊनें इफिसुस में करे उनकी सोई तोहां पता आय।
Jump to:
Chapter 1
Chapter 2
Chapter 3
Chapter 4
Chapter 2 →
All chapters:
1
2
3
4