bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
Hebrews 13
Hebrews 13
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
ଖ୍ରୀଷ୍ଟାନ୍ ବାଇ ବେଣିମ୍ନ୍ ତୁମାର୍ ତୁମାର୍ ବିତ୍ରେ ଲାଡ୍ କ୍ରାକ୍ରି ଅଉତି ରିଆ, ଆର୍ ତୁମାର୍ ଗ୍ରେ ଆସ୍ତା ଲକ୍ମ୍ନ୍କେ କାମ୍କେ ହିମ୍କେ ଦିଆସ୍।
2
ଅନ୍କ୍ରି କାମ୍କ୍ରି କେ କେ ନ୍ଜାଣ୍ତେ ସ୍ର୍ଗ୍ ଦୂତ୍ମ୍ନ୍କାର୍ ହେଁ ସେବା କ୍ଲାଇ ଆତ୍ତି।
3
ଜ୍ଇଲେ ରିଲା ଲକ୍ମ୍ନ୍କେ ନିଜେ ତୁମିମ୍ନ୍ ଜ୍ଇଲେ ଆଚୁ ବ୍ଲି ବାବିକ୍ରି ସେମ୍ନ୍କେ ଲାଡ୍କ୍ରା, ଦୁକ୍କ୍ଷ୍ଟ ବଗ୍ତିରିଲା ଲକ୍ମ୍ନ୍କାର୍ ସ୍ଙ୍ଗ୍ ତୁମିମ୍ନ୍ ହେଁ ଦୁକ୍କ୍ଷ୍ଟ ବଗୁଲୁ ବ୍ଲି ବାବିକ୍ରି ସେମ୍ନ୍କେ ଲାଡ୍କ୍ରା।
4
ସ୍ବୁ ଲକ୍ମ୍ନ୍ ବିବାକେ ସନ୍ମାନ୍ ଦେଅଉତ୍, ଦୁଇ ବୁଡା ବୁଡି ତାକାର୍ ତାକାର୍ ବିତ୍ରେ ଟକାଟକି ନ୍ଉଅତ୍ କାଇତାକ୍ ଇଶ୍ଵର୍ ଦାରିୟା ମ୍ନ୍କେ ଆର୍ କ୍ରାପ୍ କାମ୍ କ୍ର୍ତା ଲକ୍ମ୍ନ୍କାର୍ ବିଚାର୍ କ୍ରେଦ୍।
5
ଦ୍ନ୍ ସ୍ମ୍ପତି କାମାମ୍କେ ଲାଳ୍ସା ଅଉଆନାଇ, ମ୍ତର୍ ତୁମାର୍ ଲ୍ଗେ ଜ୍ତେକ୍ ଆଚେ ସ୍ତେକ୍ ତ୍ଇ ସ୍ର୍ଦା ଅଇକ୍ରି ରିଆ, କାଇତାକ୍ ଇଶ୍ଵର୍ କଇଲା ଆଚେ, “ମୁଇ ତୁମୁକେ ନ୍ଚାଡି, ନାଇ କ୍ବେ ତୁମୁକେ ନ୍ଚାଡି।”
6
ସେତାର୍ଗିନେ ଅମିମ୍ନ୍ ସାହାସାର୍ ସ୍ଙ୍ଗ୍ କ୍ମ୍ ହାରୁନ୍ଦ୍, “ମାପ୍ରୁ ଅମାର୍ ସାହା ବରଷା ମୁଇ ନ୍ଡିରି, କେ ହେଁ ମର୍ କାଇରି କ୍ରୁନାହାରେ।”
7
ଜୁଇସ୍ବୁ ନେତାମ୍ନ୍ ଆଗ୍ତୁ ତୁମୁକ୍ମ୍ନ୍କେ ଇଶ୍ଵରାର୍ ସୁବ୍କ୍ବର୍ ଶୁଣାଇ ରିଲାଇ ସେମ୍ନ୍କେ ଏତାଉଆ, ସେମ୍ନ୍କାର୍ ଜୀବନ୍ ଆର୍ ମ୍ର୍ନ୍ କ୍ନ୍କାର୍ ରିଲି ସେରି ଏତାଇ କ୍ରି ସେମ୍ନ୍କାର୍ ବିଶ୍ବାସ୍ ହର୍ ତୁମିମ୍ନ୍ ତୁମାର୍ ଜୀବନେ ବିଶ୍ବାସ୍ କ୍ରା।
8
ଯୀଶୁ ଖ୍ରୀଷ୍ଟ କାଲି, ଆଜି, ଆର୍ ସ୍ବୁଦିନ୍ ସ୍ମାନ୍।
9
ନାନା ର୍କମାର୍ ବାମ୍ଳାଉତା ସିକ୍ଯା ତୁମୁକ୍ମ୍ନ୍କେ ସ୍ତ୍ ବାଟେହ୍ଣି ଅଲ୍ଗା ନ୍କେରତ୍, ଇଶ୍ଵରାର୍ ଆଶିର୍ବାଦ୍ କ୍ଲାଲାଗି ହୁର୍ଦୟାର୍ ଆତ୍ମାର୍ ଗିନେ ଶ୍କ୍ତି ମିଳ୍ତାର୍ ବ୍ଲ୍, ମ୍ତର୍ କାଦି କାତାର୍ ଆର୍ ଡୁକ୍ତାର୍ ରିତିନିତିକେ ମାନ୍ଲେକ୍ ସେରି ହାମ୍ନାହାରେ। ଇସ୍ବୁ ବାହାରାର୍ ରିତିନିତି ମାନ୍ତା ଲକ୍ମ୍ନ୍ ସେତିହ୍ଣି କାଇ ହେଁ ଉପ୍କାର୍ ନ୍ହାଇଲାଇ ଆତ୍ତି।
10
ତମ୍ୱୁ ଲ୍ଗେ ହୁଜା କ୍ର୍ତି ରିଲାର୍ ଯିହୁଦି ଜାଜକ୍ମ୍ନ୍ ଇଶ୍ଵରାର୍ ଲ୍ଗେ ଆସିରିଲା ଦାନ୍କେ କାତାର୍ ଅଦିକାର୍ ନାଇ।
11
ଯିହୁଦି ଜାଜକ୍ମ୍ନ୍ ହୁଜା କ୍ର୍ତିରିଲା ଜ୍ତୁର୍ ବ୍ନିକେ ପାପ୍ କେମା ଅଉତାର୍ ଗିନେ ମନ୍ଦିରାର୍ ବ୍ଡ୍ ପବିତର୍ ଟାଣେ ଦ୍ରି ନେତିରିଲାଇ, ମ୍ତର୍ ସେ ଜ୍ତୁର୍ ଗ୍ଗାଳ୍କେ ତମ୍ୱୁ ବାହାରେ ହଡାଉତି ରିଲାଇ।
12
ସେନ୍କ୍ରି ଯୀଶୁ ହେଁ ନିଜାର୍ ବ୍ନି ଦ୍ବାରା ଲକ୍ମ୍ନ୍କେ ପାପେହ୍ଣି ଉଦାର୍ କ୍ରୁକେ ସ୍ହର୍ ବାହାରେ ମ୍ଲା।
13
ସେତାର୍ଗିନେ ଆଶା ଅମିମ୍ନ୍ ସ୍ହର୍ ବାହାରେ ତାର୍ ଲ୍ଗେ ଜୁମା ତାର୍ସ୍ଙ୍ଗ୍ ଲିନ୍ଦା ତାଳ୍ନା ଆର୍ ଦୁକ୍ ବଗ୍ କ୍ରୁମା।
14
କାଇତାକ୍ ଅମାର୍ ଗିନେ ଇ ହୁର୍ତିବି ଲ୍ଗେ ସ୍ବୁଦିନ୍ ରେତା ସ୍ହର୍ ନାଇ, କାଇତାକ୍ ଜୁଇ ସ୍ହର୍ ଆଗେ ତିଆର୍ ଅଇଦ୍ ଅମିମ୍ନ୍ ସେ ସ୍ହର୍କେ ଜାଗ୍ଲୁ ଆଚୁ।
15
ଅବେ ଆଶା, ଯୀଶୁ ମ୍ଜାଇ ଅଇଲା ଲାଗି ଅମିମ୍ନ୍ ଇଶ୍ଵର୍କେ ଦନ୍ୟବାଦାର୍ ହୁଜା ଦେମ୍ନ୍ଦ୍, ଯେ ଯୀଶୁକେ ମାପ୍ରୁ ବ୍ଲି ହୁଟାଇକ୍ରି କଇଦ୍ ସେ ହ୍କା ଅନ୍କ୍ରି ହୁଜା କ୍ରେଦ୍।
16
ବିନ୍ସ୍ବୁ ଲକ୍ମ୍ନ୍କେ ଉପ୍କାର୍ କ୍ରୁକେ ଆର୍ ସାଇଜ କ୍ରୁକେ କ୍ବେ ହାସ୍ରା ନାଇ କାଇତାକ୍ ଅନ୍କ୍ରି କାମ୍ ହ୍କା ଇଶ୍ଵରାର୍ ସ୍ର୍ଦାର୍ ହୁଜା ଦେତାହର୍।
17
ତୁମାର୍ ନେତାମ୍ନ୍କାର୍ କ୍ତାକେ ମାନା ଆର୍ ସେମ୍ନ୍କାର୍ ଆଦେଶ୍ ହର୍ କାମ୍କ୍ରା। କାଇତାକ୍ ସେମ୍ନ୍ ଜାଗୁଆଳି ମ୍ନ୍କାର୍ ହର୍ ଅଇ ତୁମାର୍ ଆତ୍ମାକେ ଉଦାର୍ କ୍ରୁକେ ସ୍ବୁଦିନ୍ ଜାଗ୍ଲାଇ ଆତ୍ତି। କାଇତାକ୍ ସେମ୍ନ୍କେ ଇଶ୍ଵରାର୍ ଲ୍ଗେ ତାକାର୍ କାମ୍ କ୍ର୍ତି, ମ୍ତର୍ ଯଦି ସେନ୍କ୍ରି ନ୍କେରାସ୍ ତ୍ବେ ସେମ୍ନ୍ ମ୍ନ୍ଦୁକ୍ ଅଇକ୍ରି ତାକାର୍ କାମ୍ କ୍ର୍ତି ତ୍ବେ ସେରି ତୁମାର୍ ଗିନେ ବ୍ଲ୍ନଇ।
18
ଅମାର୍ ଗିନେ ପାର୍ତେନା କ୍ରା, କାଇତାକ୍ ଅମାର୍ ମ୍ନ୍ ନିର୍ମୁଳ୍ ଆଚେ ଇରି ଅମି ନିଜ୍କ୍ରି ଜାଣୁଲୁ, ଅମିମ୍ନ୍ ସ୍ବୁବ୍ଳ୍ ସ୍ତ୍କାମ୍ କ୍ରୁକେ ଇଚା କ୍ରୁଲୁ।
19
ଇଶ୍ଵର୍ ତୁମାର୍ ଲ୍ଗେ ମକେ ବେଗି ହ୍ଟାନ୍ଦ୍ ବ୍ଲି ମର୍ଗିନେ ପାର୍ତେନା କ୍ରା, ଇରି ମୁଇ ତୁମୁକେ କାନିକ୍ର୍ମ୍ ଅମ୍ଲେ।
20
ଯେ ନିଜାର୍ ଜୀବନ୍କେ ମେଣ୍ଢାମ୍ନ୍କାର୍ ଲାଗି ଦ୍ଇଦ୍ ସେ ହ୍କା “ବ୍ଡ୍ ମେଣ୍ଢାଗ୍ଉଳିଆ”। ଅମାର୍, ସେ ମାପ୍ରୁ ଯୀଶୁକେ ଇଶ୍ଵର୍ ମ୍ଲାତ୍ଇହ୍ଣି ଜୀବନ୍ ଦ୍ଇକ୍ରି ଉଟାଇଲା ଆଚେ। ସେ ଯୀଶୁର୍ ଜୀବନ୍ ଦାନ୍ କ୍ଲା ବ୍ନିୟେ ଗଟେକ୍ ସ୍ବୁଦିନାର୍ ନିୟମ୍ ତିଆର୍ ଅଇଲିଆଚେ।
21
ଶାନ୍ତିଦେତା ଇଶ୍ଵର୍ ତାର୍ ଇଚାକେ ହୁରାକ୍ରୁକେ ତୁମୁକ୍ ଲଡାରିଲା ସ୍ବୁ ବିଷୟ୍ ଦାନ୍କ୍ର, ଯୀଶୁ ଖ୍ରୀଷ୍ଟର୍ ଗିନେ ଅମାର୍ ଜୀବନେ ତାର୍ ସ୍ର୍ଦା ଅଉତାର୍ କାମ୍ ହୁରାକ୍ର, ଯୁଗ୍ ଯୁଗ୍ ହ୍ତେକ୍ ଇଶ୍ଵରାର୍ ମଇମା ଅଉଅ। ଆମେନ୍।
22
ଏ ମର୍ ବାଇ ଆର୍ ବେଣିମ୍ନ୍ ମୁଇ ତୁମୁକେ କାନିକ୍ର୍ମ୍ ଅମ୍ଲେ, ତୁମିମ୍ନ୍ ମର୍ ବାକ୍ଯକେ ସ୍ମ୍ବାଳିକ୍ରି ହଡା, ଇବାକ୍ଯ ସ୍ବୁ ତୁମୁକ୍ମ୍ନ୍କେ ବ୍ଡ୍ବପୁ କ୍ରୁକେ ଲେକିଆଚି, ଆର୍ ଇଚିଟି ବେଶି ଡେଙ୍ଗ୍କ୍ରି ଲେକି ନ୍କେରି।
23
ଅମାର୍ ଗିନେ ତୀମଥି ଜ୍ଇଲେ ହ୍ଣି ମୁକ୍ଳି ଆଚେବ୍ଲି ଜାଣା, ଯଦି ସେ ବେଗି ଆସେଦ୍ ତ୍ବେ ମୁଇ ତାକେ ସ୍ଙ୍ଗେ ଦ୍ରିକ୍ରି ତୁମାର୍ ଲ୍ଗେ ଆସିନ୍।
24
ତୁମାର୍ ନେତାମ୍ନ୍କେ ଆର୍ ଖ୍ରୀଷ୍ଟର୍ ବିଶ୍ବାସି ବାଇ ବେଣିକେ ଅମାର୍ ଜୁଆର୍ ଜାଣାଇ ଦେଶ୍। ଇତାଲି ଦେଶେହ୍ଣି ଆସିରିଲା ବାଇମ୍ନ୍ ତୁମୁକ୍ମ୍ନ୍କେ ଜୁଆର୍ ଜାଣାମ୍ଲାଇ।
25
ତୁମି ସ୍ବୁଲକାର୍ ଲ୍ଗେ ଇଶ୍ଵରାର୍ ଆଶିର୍ବାଦ୍ ରେଉଅ।
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13
Recommended Reading
Commentary
Hebrews Commentaries
→
Devotional
Hebrews Devotional Guide
→
Get This Bible
Bodo BDVNT (ବ୍ଡ଼୍ ହ୍ର୍ଜା ବାଇବଲ) Study Bible
→