2 Chronicles 4

Bugis

← Chapter 3 Jump to: Chapter 5 →

1Nassurowanni Arung Salomo mébbu séddi mézba gessa, iya lampénaé sibawa lebba'na tungke-tungke 9 météré, sibawa tanréna 4,5 météré.

2Mébbu towi séddi kullang gessa iya mallébué, sibawa ukkurang makkuwaé: liyunna 2,2 météré, sakkana bawana 4,4 météré, sibawa lébuna 13,2 météré.

3Wiring saliwenna mattulili ribélo-béloiwi sibawa duwabbarisi gambara saping, iya ricuwangngé silaong kullangngéro.

4Iyaro kullangngé ritaroi ri yasé'na lekke'na 12 saping gessa – tellu mangolo ri manorang, tellu ri yattang, tellu ri yajang, sibawa tellu ri alau.

5Umpe'na iyaro kullangngé 75 milli. Wirinna sinrupai wiring cangkiri iya mattékkoé massu maélo pada bunga bakung iya tabbakkaé. Iyaro kullangngé naullé mala kira-kira 60.000 bang.

6Mébbu towi Arung Salomo 10 katowang loppo, lima untu' ritaro ri seddé yattanna Bolana Puwangnge, sibawa lima untu' ri seddé manoranna. Akkégunanna iyaro sining katowangngé untu' bissaiwi sépa'-sépa' olokolo iya maéloé ritunu selaku akkarobangeng. Uwai ri laleng kullang battowaéro ripassadiyangengngi sining imangngé untu' bissaiwi aléna.

7Mébbu towi 10 ajé pajjennangeng situru modélé' iya puraé narancana, sibawa 10 méjang. Sininna ajé pajjennangengngé sibawa méjangngéro ritaroi ri laleng bili' mapongngé ri laleng Bolana Puwangnge – tungke-tungke lima ri seddé abéyo sibawa lima ri seddé ataunna. Mébbu towi 100 mangko ulaweng.

9Mébbu towi Arung Salomo séddi seddé ri laleng untu' sining imangngé sibawa séddi seddé ri saliweng. Tange'na sining gerbangngé ri yelle'na iya duwa seddéro rilapiriwi sibawa gessa.

10Kullangngé ritaroi ri seddé sung alau yattanna Bolana Puwangnge.

11Huram, kapalana tukangngéro, mébbui pamuttu-pamuttu, kénro-kénro sibawa mangko-mangko. Napurana naébbu maneng sininna passakke'-sakke'na Bolana Puwangnge situru sibawa jancinna lao ri Arung Salomo. Iyanaé passakke'-sakke'na iya puraé naébburo: Duwa alliri loppo Duwa ulu alliri pada mangko iya ritaroé ri yasé'na iya duwa alliriéro Anengeng ranté ri tungke ulu allirié 400 dalima gessa iya risusungngé ri laleng duwajjiji ri mattulilinna anengeng ranté ri tungke ulu allirié 10 karéta 10 katowang loppo Kullang gessa 12 saping gessa iya tula'éngngi iyaro kullangngé Pamuttu-pamuttu, kénro-kénro sibawa sondo-sondo Sininna passakke'-sakke'éro naébbui Huram untu' Bolana Puwangnge, riyébbui polé ri gessaé sibawa rigoso gangka lala'. Huram mébbu manengngi iyaro situru paréntana Arung Salomo.

17Arungngé suroi mébbui iyaro barab-barangngé ri accuwangeng bessié ri pallawangenna Sukot sibawa Zeréda ri Lompo Yordan.

18Iyaro barab-barangngé makkuwamani égana, angkanna dé' muwi séddi tau iya missengngéngngi siyaga kilo gessa ripaké.

19Nassurowang towi Salomo mébbu pakkakkasa-pakkakkasa laing polé ri ulaweng tuléngngé untu' Bolana Puwangnge. Iyanaé pakkakkasa-pakkakkasa iya naébbuéro: Mézba Méjang untu' roti ripatalaé Sininna ajé pajjennangengngé sibawa pajjennangeng polé ri ulaweng cowaé untu' ripalluwa ri yolona Bili' Pommapaccingngé, situru sibawa rancanaé Bélo-bélo padaé bungaé Pajjennangeng-pajjennangeng Passipi-sipi Pakkakkasa untu' paccingiwi sumbung pajjennangengngé Mangko-mangko Penné-penné untu' dupa Penné-penné untu' bara Sininna tange muttama'é ri Bolana Puwangnge sibawa tange'na Bili' Pommapaccingngé rilapiriwi sibawa ulaweng.

← Chapter 3 Jump to: Chapter 5 →