Numbers 2

Cebuano APSD

← Chapter 1 Jump to: Chapter 3 →

1Miingon ang Ginoo kang Moises ug kang Aaron,

2“Pakampoha ang matag tribo sa Israel ubos sa bandera sa ilang tagsa-tagsa ka tribo, nga mag-atubang sa Tolda nga Tagboanan.”

3Ang grupo magkampo dapit sa sidlakan: Ang dibisyon sa kampo ni Juda ilalom sa bandera sa ilang tribo. Gipangulohan ni Nashon nga anak ni Aminadab.

4Adunay 74,600 ang gidaghanon sa ilang mga sakop.

5Ang tribo ni Isacar magkampo sa tupad nila. Gipangulohan ni Netanel nga anak ni Zuar.

6Adunay 54,400 ang ilang gidaghanon.

7Ang tribo ni Zabulon magkampo sa tupad nila. Gipangulohan ni Eliab nga anak ni Helon.

8Adunay 57,400 ang sakop sa iyang dibisyon.

9Mikabat ug 186,400 ang kinatibuk-ang gidaghanon niining grupo nga gipangulohan ni Juda. Sila mao ang mag-una kon manglakaw ang mga Israelinhon.

10Ang grupo nga magkampo dapit sa habagatan: ang dibisyon sa kampo ni Ruben ilalom sa bandera sa ilang tribo. Gipangulohan ni Elizur nga anak ni Shedeur.

11Adunay 46,500 ang gidaghanon sa iyang dibisyon.

12Ang tribo ni Simeon magkampo sa tupad nila. Gipangulohan ni Shelumiel nga anak ni Zurishadai.

13Ang iyang dibisyon adunay 59,300 ka mga sakop.

14Ang tribo ni Gad maoy sunod. Ang pangulo sa katawhan ni Gad si Eliasaf nga anak ni Deuel.

15Ang iyang dibisyon adunay 45,650 ka mga sakop.

16Mikabat ug 151,450 ang kinatibuk-ang gidaghanon niining grupo nga gipangulohan ni Ruben. Sila mao ang ikaduha nga grupo kon manglakaw ang mga Israelinhon.

17Unya, mosunod ang tribo ni Levi nga magdala sa Tolda nga Tagboanan. Diha sila sa taliwala sa ubang mga grupo sa ilang paglakaw. Ang gitakda nga han-ay alang sa pagkampo sa mga tribo mao gihapon ang ilang sundon sa ilang pagbiya. Ang matag tribo kinahanglang diha gayod sa gitakda nga dapit alang kanila uban sa ilang mga bandera.

18Sa kasadpan mao: ang mga dibisyon sa kampo ni Efraim ilalom sa bandera sa ilang tribo. Gipangulohan kini ni Elishama nga anak ni Amihud.

19Ang iyang dibisyon adunay 40,500 ka mga sakop.

20Ang tribo ni Manases sunod kanila. Gipangulohan ni Gamaliel nga anak ni Pedazur.

21Ang iyang dibisyon adunay 32,200 ka mga sakop.

22Ang tribo ni Benjamin maoy sunod. Gipangulohan ni Abidan nga anak ni Gideoni.

23Ang iyang dibisyon adunay 35,400 ka mga sakop.

24Mikabat ug 108,000 ang kinatibuk-ang gidaghanon niining grupo nga gipangulohan ni Efraim. Sila mao ang nagsunod sa tribo ni Levi kon manglakaw ang mga Israelinhon.

25Ang magkampo dapit sa amihan mao ang: ang mga dibisyon sa kampo ni Dan ubos sa bandera sa ilang tribo. Gipangulohan kini ni Ahiezer nga anak ni Amishadai.

26Ang iyang dibisyon adunay 62,700 ka mga sakop.

27Ang tribo ni Aser ang sunod kanila. Gipangulohan ni Pagiel nga anak ni Ocran.

28Ang iyang dibisyon adunay 41,500 ka mga sakop.

29Ang tribo ni Neftali ang sunod kanila. Gipangulohan ni Ahira nga anak ni Enan.

30Ang iyang dibisyon adunay 53,400 ka mga sakop.

31Mikabat ug 157,600 ang kinatibuk-ang gidaghanon niining grupo nga gipangulohan ni Dan. Sila ang kinaulahian kon manglakaw ang mga Israelinhon ubos sa ilang tagsa-tagsa ka bandera.

32Ang kinatibuk-ang gidaghanon sa mga Israelinhon nga nalista mikabat ug 603,550.

33Apan walay labot sa pag-ihap ang mga kaliwat ni Levi, sumala sa gisugo sa Ginoo kang Moises.

34Busa gisunod sa mga Israelinhon ang tanang gisugo sa Ginoo kang Moises. Ang matag tribo nagkampo ug nanglakaw ubos sa ilang tagsa-tagsa ka bandera sumala sa ilang tagsa-tagsa ka tribo ug pamilya.

← Chapter 1 Jump to: Chapter 3 →