1 Corinthians 13

Chin (Mara Bible RV (BSI))

← Chapter 12 Jump to: Chapter 14 →

1Chyhsapa nata vâlyuhchâpazy reih ta bie reih hraw sah la, kyhpachâna ei hnei tlôh leipa khiahta la, dawh paro thlâhthlipa tlyma, paotlâ paro thlâhthlipa tlyma ei châ.

2Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

3Ei hneipa zydua dyhchhiepazy pie khai ha hraw sah la, ei pôhpa mei liata rao awpa ta a pie hraw sah la, kyhpachâna ei hnei tlôh leipa khiahta la, ei châta khâpa hmah phahnai vei.

4Kyhpachâna cha dao thei ta, a nô a pha. Kyhpachâna cha a hiatlia leipa ta, anosasyh ta a reithai vei. Kyhpachâna cha a palai leipa ta,

5a nôchhie vei. Kyhpachâna cha ano phana dei pachâ leipa ta, a hiehâh khoh hra leipa ta, paraopazy a thei thlâh ha vei.

6Kyhpachâna cha sialeina liata a ly leipa ta, bie hmeiseihpa deikua cha â ly tyh.

7Kyhpachâna cha ato pasa tao ta, ato a ngiapâ ta, ato hnabeiseih ta, ato liata riethei a tao lylia tyh.

8Kyhpachâna cha chhâ beih aw vei. Hrohsona biezy chhâpa ta, reihtheileipazy dia aw ta, novâhnazy a lei aw.

9Â ki leipa ta pahno pi ta, â ki leipa ta eima chhochhielie tyh.

10Â kipa a vaw tlô tita deikua cha, a ki leipa cha pahleipa a châ ha aw.

11Ei hawti nota, hawti reih cheih na ta, hawti pahnona ta pahno na ta, hawti pachâna ta ei pachâ tyh. Ei vaw pitloh tawhta deikua cha, hawti taoziezy cha ei bâhsai haw.

12Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

13Ngiapâna zy, hnabeiseihna zy, kyhpachâna zy he khâ ama y thlâh ha aw. Cha miathôhzy hry liata a rônah chaipa cha kyhpachâna he a châ.

← Chapter 12 Jump to: Chapter 14 →