2 John 1

Chin (Mara Bible RV (BSI))

Jump to:

1Awnanopa chhituhpa ta biehmeiseihpa liata kyh ei pachâpa chanô atlyhpa nata a sawzy ei châ naoh ei. Keima dei châ leipa ta, biehmeiseihpa a pahnopa zydua ta ama châ naoh hra.

2Biehmeiseihpa cha keimo liata y ta, chhâzaw ta eima hnohta a y aw.

3Biehmeiseihpa nata kyhpachâna liata Paw Khazohpa nata Paw Sawchapawpa Zisu Krista tawhta ngiachhiena, zawngiahna nata thlalôhna eima hnohta y mawh sy.

4Paw ta bie miah a piepa hawhta, na saw thokhazy biehmeiseihpa liata ama ypa hmô na ta, eina palysa ngaita.

5Chanô phapa y, na hnohta biepie thiehpa vaw roh leipa na ta, athaohta tawhta eima hneipa biepiepa kha ei vaw roh heih. Kyh a pachâ raihrie suh u.

6He he kyhpachâna cha a châ, a biepiepazy eima zyhpa hih. Kyh a pachâ raihrie awpa cha athaohta tawhta nama theipa nata nama zyh awpa ta biepiepa a châ.

7Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.

8Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.

9Ahy rai Krista pachuna bie liata y leipa ta, ano kho ta a siepa cha Khazohpa a hnei leipa a châ. Krista pachuna bie liata a ypa deikua cha, Paw nata Sawchapawpa a hnei pakaoh.

10Ahy rai Krista pachuna bie a phao leipa ta nâmo lâ â vy khiahta cha, nama o liata patlôsa leipa u la, reikah phapa chhao hlâ khuh vy.

11Reikah phapa a hlâtuhpa maih cha, ano moleina hmotaopazy liata a hlao hrapa a châ.

12Nama hnohta bie hluhpi ro awpa hnei hraw sah la, châhna nata châti hmâpa ta roh hlei aw va na. Eimâ lyna â ki thei nawpa ta, nâmo lâ a vy ta, hmiachhypa ta bie cha chho awpa ei tlao ei chhuah.

13Atlyhpa na narônô sawzy ta ama châ naoh.

Jump to: