3 John 1

Chin (Mara Bible RV (BSI))

Jump to:

1Awnanopa chhituhpa ta biehmeiseihpa liata kyh ei pachâpa, kho ngaitapa Kaiâ ei châ naoh.

2Kho ngaitapa y, na thlahpa ta byhnâ a topa hawhta, ato liata byhnâ topa ta, hnatlâna phapa na hnei thei nawpa ta thlah ei cha chhâpa tyh.

3Unawhzy vaw tlô ei ta, biehmeiseihpa châta ngâ nâ chhihzie nata biehmeiseihpa liata na y lymâzie ama vaw reipa ta eina palysa ngaita.

4Ei sawzy bie hmeiseihpa liata ama y tahpa ei theipa hlâta nâ palysa viapa y vei.

5Kho ngaitapa y, unawhzy kha na châta hmia pahno leipa châ hra ei sala, ngâchhih ngaitapa ta ama chô liata hmo vaw tao chi ta,

6âmo chata na kyhpachâna cha Awnanopa ama pahnosa haw. Khazohpa chyhsa ama châpa hawhta ama khitlyna liata deichhy tyh la, na tao pha kaw aw.

7Ano moh vâta a sie tyhpa châ ei ta, Zenitaizy tawhta khâpa hmah la veih ei.

8Chavâta cha hawhpa chyhsazy cha eima deichhy awpa a châ. Chatanachata biehmeiseihpa châta hrialâhpazy eima châ thei aw.

9Awnanopa hnohta châ vaw roh ha na ta, châhrasala ama hry liata chôchai ta y a khohpa Diôtarephe ta eima biehneina a pyh khoh vei.

10Chavâta ei vy khiahta cha, a hmotaopa, eima kyh miah reih ta, thâ miah a pachhiena kyh kha ei pasia aw. Cha chhao cha a daih tah leipa ta, unawhzy a ly khoh leipa ta, a ly khohpazy pakhâ ta, Awnanopa tawhta a papua ei.

11Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.

12Demetia cha chyhsa to palyupalihna hlao ta, biehmeiseihpa chhao ta a palyupalih. Keimo chhao ta palyupalih pi ta, keimo palyupalihna cha â do tahpa na pahno.

13Na hnohta bie hluhpi ro awpa ei hnei. Châhrasala châsôh nata châti ta roh hlei aw va na.

14Cha hmô patoh awpa hnabeiseih na ta, cha tina chata hmiachhypa ta bie eima reih khoh aw.

15Thlalôhna na hnohta y mawh sy. Viasazy ta ama châ naoh. Viasazy kha ama moh reipa ta nâ vaw naohpa chyu mah y.

Jump to: