1 John 1

Chin SCB2 (Syin Chin Bible)

Jump to: Chapter 2 →

1A kipatciil pan a omsa, nuntakna Kammal huvau note tungah lai kong thaak hi. Tua thu ka za zo uh a, ka mit taw ka mu zo uh hi; hi hi, mu zo khu hi, ka khut uh taw tham zo khu hi.

2Hi nuntakna sia a kimu thei in hong kilangh ciang, kote in ka mu uh hi; tua ahikom tua thu ka son uh hi, tuaciang koma hong heaksak ahi, Pa taw a omkhawm, tua tawntung nuntakna thu sia no tung zongh ah kong son uh hi.

3Pa le a Tapa Jesus Christ taw ka kipawlkhopna sungah nong pop thei natu in, ka mu ka zaak uh teng no tungah kong phuang uh hi.

4Kote lungdamna a pawlcin thei natu in tua thu kong at uh hi.

5Tu in a Tapa tung pan ka zaak thu le kong zaaksak uh thu in hi thu ahi hi: Pathian sia khuavak hi a, ama sungah khuazing om ngawl het hi.

6Tua ahikom ama taw a kipawl khawm hi hing ci napi, khuazing sungah ih om veve le ih kampauna le ih ngamtatna ah a leilot ih hi hi.

7Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.

8Mawna nei bua hing ih cile eima le eima kitheam ih hi a, ih sungah thumaan thutak om ngawl ahi hi.

9Ahihang ih mawnate Pathian tungah ih pualaak le ama in a kamciamte keam tu a, tuaciang a maan sia seam hi: ama in ih mawnate hong maisak tu a, ih ngamtat khialna theampo pan hong thiansua tu hi.

10Maw ngei bua hing ih cile Pathian sia a leilot pa ih suaksak a, ama kammal eite sungah a om bua hi.

Jump to: Chapter 2 →