Daniel 12

Chin SCB2 (Syin Chin Bible)

← Chapter 11 Jump to:

1Puanneal a silh vantunglalang in, “Tua hun laitak na mite a cing, a lian vantunglalang Michael kilangh tu hi. Tua zawkciang minamte hong pianciil pan kipan a om ngeingawl a nasiabel ngim ngana hun theng tu hi. Tua hun a thet ciang Pathian ii laibu sungah a min a ki at, na ngammite theampo kingum tu hi.

2A thisate tam mama nungta kik tu uh hi: pawlkhatte sia tawntung nuntakna nga tu uh a, pawlkhatte in tawntung maimawlna thuak tu uh hi.

3Lampui ciimte sia van ii taanna theampo taw taang tu uh hi. A maan seam tu in mihing tam thu a hilte sia aksi bangin taang tawntung tu uh hi,” ci hi.

4Ama in kei tungah, “Daniel awng, tu in leitung bo dong tua laibu khup in a, a tungah tazeik tum in. Tua hun sungin, mihing tam mama in bang thu piang ziam ci thu a heak nopna taw hanciam thawthong tu uh hi,” hong ci hi.

5Tuaciang keima in ngunvaalbo lang le lang ah a ding mihing nii ka mu hi.

6Amate khat in tuilu sang a khuala zawhiatna ah a ding vantunglalang tungah, “Hi a lamdang thupiangte a bo tu sia bang tanvei ngei tu ziam?” ci in dongh hi.

7Vantunglalang in a khutte nii van sangah laamto a, Tawntung Pathian min taw a ciliap huai kamciamna khat vawt hi. Ama in, “Kum thum le kum lang hi tu hi. Pathian mite a kivawtsiatna a bo ciang hi thute theampo piang siat zo tu hi,” a ci ka za hi.

8Ama thu son ka za hi, ahihang a cinopna ka tel bua hi. Tua ahikom, “Tuale, topa awng, tuasia bangbangin bo tu ziam?” ci in ka dongh hi.

9Ama in, “Daniel awng, tu in na pai kul tu hi, banghang ziam cile hi kammalte sia a tawpna hong thet mateng kiseal in, thuku a koi tu ahi hi.

10Mihing tam mama kithiansua tu hi. Mi seksolte in tel ngawl tu uh a seksol tan tu uh hi; miciimte bekin tel tu uh hi.

11“Ni sim biakpiakna te a kitawpsak hun pan, ahibuale Kiihuai Lauhuaina hun pan kipan ni 1,290 ngei tu hi!

12Ni 1,335 bo dong thumaanin a om zote sia mihing lungdamte hi!

13“Tua ahiciang, Daniel awng nangma, a tawp dongin thumaan in. Tuasia zawkciang na thi tu hi, ahihang a tawpna hun ciang, na minphatna tel saang tu in na tho tu hi,” ci in zo hi.

← Chapter 11 Jump to: