bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin TBR17 (Tedim Bible Revision 2017)
/
Exodus 28
Exodus 28
Chin TBR17 (Tedim Bible Revision 2017)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 29 →
1
“Tua ciangin keima tungah siampi na a sem dingin Israel mite lak panin na sanggampa Aaron le a tapate Nadab le Abihu, Eleazar le Ithamar, nangma kiangah la in.
2
Minthanna le hoihna tawh a kidim nadingin na sanggampa Aaron ading biakna puan siangtho na bawl ding hi.
3
Keima siampi nasepna ah amah a ap theih nadingun amaute in Aaronʼ puante a bawl nading, hih theihna lungsim ka guat sa, siamna a nei mite khempeuh tungah gen in.
4
Amauteʼ bawl ding puante: Awmdal khat, siampi puan khat, puan tualpi khat, sik li nei-a a gial puan tungsilh khat, dialpi khat le kawnggak khat ahi hi. Keima tungah siampi na a sem ding na sanggampa Aaron le ama tapate adingin amaute in biakna puan siangthote bawl ding uh hi.
5
Amaute in kham, a dum, a dupsan, a ausan khaute le a kopin a kikhuk tawh a kigan puan hoihte sang ding uh hi.
6
“Amaute in siampi puan pen, kham, a dum, a dupsan, a ausan tuumul khaute le a kopin a kikhuk a kigan puan hoihte tawh bawl ding uh a, hoihtakin a kibawl hi ding hi.
7
A kizop khawm theih nadingin a mong nihte ah a kimat liangkaihna puan nih nei ding hi.
8
Amah a gak dingin hoihtakin a kigan tua tunga puan om pen, kham, a dum, a dupsan, a ausan tuumul khaute le a kopin a kikhuk puan hoihte tawh kibawlin, a sepna zia le a nate a kibang hi ding hi.
9
Nangmah in onik suang nih la-in tuateʼ tungah Israel tapateʼ min na gelh dinga,
10
amauʼ suahna tawh kizui-in amauʼ min gukte suang khat tungah gelhin, a om lai gukteʼ min a suang dang khat tungah na gelh ding hi.
11
Kizepna a bawlpa in min gelhna a bawl bangin Israel tapa sawm le nihteʼ minte suang nihte tungah na gelh ding hi. Tuate pen kham a zepna tawh na um ding hi.
12
Israel tapate phawkna suang dingin siampi puanʼ liangkaih puan tungah tua suang nihte na bulh ding hi. Aaron in ama liangko nihte tungah phawkphawk dingin Topaʼ mai ah amauteʼ min pua ding hi.
13
Kham tawh kibawl a kiphut kizepna le
14
khau bangin a kihual, kham citak khainiang nih na bawl dinga, a kihual khainiangte pen a kiphutteʼ tungah na bulh ding hi.
15
“Hoihtakin a kibawl thukhenna awmdal khat na bawl ding hi. Siampi puan a kibawl bangmahin na bawl ding hi. Kham, a dum, a dupsan, a ausan tuumul khaute le a kopin a kikhuk puan hoih tawh na bawl ding hi.
16
A ning kikimin thuap nih hi dinga, a dung letmat kua, a vai letmat kua mah hi ding hi.
17
Tua sungah suang gual li-in na bulh ding hi. Sardis suang, topaz suang le karbankal suang gual khat pen a gual masa hi ding hi.
18
A gual nihna ah emerald suang, sapfaia suang le diamond suang hi ding hi.
19
A gual thumna ah jakinth suang, agate suang le amethyst suang hi ding hi.
20
A gual lina ah beryl suang, onik suang le jasper suang hi dinga, kham tawh zepna sungah tuate kibulh ding hi.
21
Israel tapateʼ min tawh kituakin amauteʼ min a omna suang sawm le nih om ding hi. Tuate pen minam sawm le nihte adingin amauʼ min ciat kigelhin, min gelhna tawh kibang ding hi.
22
Awmdal adingin khau tawh a kibang, a kihual kham citak khainiang na bawl ding hi.
23
Awmdal adingin kham kual nih na bawl dinga, awmdal mongah tua kualte na bulh ding hi.
24
Awmdal mong a kual nihte sungah kham khau nihte na khum ding hi.
25
Khau mong nihte zepna tawh na zom dinga, siampi puanʼ liangkaih puan mai lamah tua bangin na zom ding hi.
26
Kham kual nih na bawl dinga, awmdal mong nih, siampi puan tawh a kizom a sung lamah na bulh ding hi.
27
Kham kual nih na bawl dinga, siampi puan liangkaih nihteʼ nuai a mailam, hoihtakin a kigan siampi puan khau a kizopna tung sanah na bulh ding hi.
28
Hoihtakin a kigan siampi puanʼ khau tungah a om theih nading le siampi puan tung panin awmdal a kol theih loh nadingin amaute in siampi puanʼ kual ah khau dum khatin a kual tawh gak khawm ding uh hi.
29
“Tua ahih ciangin Topaʼ mai ah phawk tawntung nadingin amaute a paipih dingin siangtho munah amah a pai ciangin, Aaron in ama lungtang tunga om thukhenna awmdal sungah Israel tapateʼ min pua ding hi.
30
Thukhenna awmdal sungah Urim le Thummim na koih dinga, Topaʼ mai ah a pai ciangin Aaronʼ lungtang tungah tuate om ding hi. Tua bangin Aaron in ama lungtang tungah Israel miteʼ thukhenna Topaʼ mai ah pua tawntung ding hi.
31
“Siampi puan tualpi, puan dum bek tawh na bawl ding hi.
32
Puan ngawng bangin a kikeek loh nadingin a ngawng kimkot ah a kigan tawh a kizim, lutang thawl a vang nei ding hi.
33
A mongah a dum, a dupsan, a ausan khaute tawh a kizem mang kawlsing gah bawlin, a mong kiimah amauteʼ kikalah kham siklong bawlin,
34
puan tualpi mong kimkot ah kham long le mang kawlsing gah, kham long le mang kawlsing gah cih bangin na kihelhsak ding hi.
35
Aaron in biakna na a sep ciangin tua puan silh dinga, amah a sih khak loh nadingin Topaʼ mai a siangtho munah a tum ciang le a pusuah ciangin a gingte kiza ding hi.
36
“Nangmah in kham citak tawh a peek khat na bawl dinga, min gelhna a kibawlte mah bangin tua tungah, ‘ Topa ading siangtho,’ ci-in na gelh ding hi.
37
Tua pen, khau dum khat tawh dialpi tungah na gak dinga, dialpi mai lamah om ding hi.
38
Tua pen Aaronʼ taltang ah om dinga, Israel mite in letsong siangtho a piakna uh ahi, a siangtho biakpiakna ah mawhna a om peuhmah Aaron in ama tungah pua ding hi. Topaʼ mai ah amaute a kisan theih nadingin ama taltang tungah tua a peek om tawntung ding hi.
39
“A puan tungsilh ding pen khau hoih tawh siik li nei, a gialin na gan ding hi. Khau hoih tawh dialpi khat na bawl dinga, phim tawh kikhui-in a kizem kawnggak khat na bawl ding hi.
40
“Aaronʼ tapate adingin puan tungsilhte, kawnggakte le lukhute na bawl dinga, minthanna le hoihna tawh a kidim nadingin tuate na bawl ding hi.
41
Amaute in keima tungah siampi na a sep theih nadingun na sanggampa Aaron le a tapate na silhsak dinga, amaute sathau nilhin, nasem dingin kipsakin, na siangthosak ding hi.
42
A ci guakin a omna uh a tuam dingin amau adingin puan hoihte tawh pheituamte na bawlsak dinga, tuate in kawng panin phei ciang ban ding hi.
43
Kikhopna buk ah amaute a pai ciang uh ahi a, siangtho munah nasem dingin biakna tau nai ah a pai ciang uh ahi zongin, Aaron le ama tapate in tuate a silh ding uh hi. Tua hikeileh amaute in amau tung mahah mawhna a kisuan tawm suakin si ding uh hi. Hih pen amah le ama khit ciangin a suanlekhakte adingin a om tawntung ngeina kip khat hi ding hi.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40