bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin TBR17 (Tedim Bible Revision 2017)
/
Mark 5
Mark 5
Chin TBR17 (Tedim Bible Revision 2017)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
1
Tua ciangin Jesu le a nungzuite Galilee Tuili gal khat, Gadara miteʼ gam sung a tung uh hi.
2
Gunkuang tung panin Jesu a kum suk khit phetin, han lak panin a hong pai mi khat in na dawntuah hi.
3
Hih mipa dawivei hi a, han lakah a teeng hi. Kuamah in hih mipa, sikkhau tawh hen zo nawn lo uh hi.
4
Tam veipi tak, a khut le a khe, sikkhau tawh kihen khin ngei a, ahi zongin a kihen simin a sikkhaute botsatin, a khe-a kibulh kolte a sukham gawp hi. Amah hat lua ahih manin kuamah in hih zo lo hi.
5
Sun le zanin han lak le mual tung tengah vak kawikawi a, awng gawpin, suang hiamte tawh amah a kikui liam hi.
6
Hih mipa in Jesu a gal muh ciangin hong delhin ama mai ah khukdin a,
7
nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.
8
(Hih bangin a cihna pen, Jesu in, “Dawi aw, hih mipa sung panin paikhia in,” a cihna hang ahi hi.)
9
Jesu in, “Na min bang ahi hiam?” ci-in a dong hi. Mipa in, “Kote tampi pha ka hih manun ka min pen A Honpi ahi hi,” ci-in a dawng hi.
10
Tua gam panin mun dangah dawite a hawlkhiat loh nadingin tua mipa in a thum lailai hi.
11
Tua laitakin tua nai-a om mualpang ah vok hon tampi gamta-in a om hi.
12
Dawite in, “Hua vokte kiang beek ah hong paisak inla, a sungah hong tumsak in,” ci-in a thum uh hi.
13
Tua ahih manin Jesu in dawite a pai nading uh thu pia a, dawite zong mipa sung panin pai khia-in vokte sungah a lut uh hi. Tua vok honpite a vekpi-in tul nih bang pha hi. Mual tung panin tai suk henhan uh a, tuili sung kidenna-in tui kia mang khin uh hi.
14
Tua ciangin tua vokcingte tai-in khua sung le gam sung tengah hih thupiang a gen uh hi. Tua thupiangte a en dingin mite zong hong pai uh hi.
15
Jesu kiang a tun uh ciangin dawi tampi a vei ngei mipa zong a mu uh hi. Tua mipa hoihtakin om a, a lungsim pilin, puan silhin a om a muh uh ciangin lamdang sa-in lau mahmah uh hi.
16
Hih thupiang a mu mi khempeuh in dawivei pa tunga thupiang le vokte thu, mi khempeuh kiangah a gen kawikawi uh hi.
17
Tua ahih ciangin amau gam panin a paikhiat nadingin mipite in Jesu a sawl khia uh hi.
18
Tua lai panin gunkuang tungah Jesu a kah tohkik ciangin dawi a vei ngei mipa in, “Kei zong hong zuisak in,” ci-in a thum hi.
19
Ahi zongin Jesu in amah zuisak lo a, “Na innkuanpihte kiangah ciahkik inla, Topa in nang a hong hehpihna le nangma tunga a hong bawlnate va gen in,” ci-in a sawl zaw hi.
20
Tua ahih ciangin a mipa ciah a, tua kiim a om Khuapi Sawmte sungah, Jesu in ama adingin a sepnate gen a, tua thu a za mi khempeuh in lamdang a sa uh hi.
21
Jesu, gunkuang tuangin a gal kah khit ciangin, tuili gei ama kiangah mi tampi tak hong kikhawm leuleu uh hi.
22
Tua laitakin kikhopna inn a uk, Jairas a kici mi khat hong pai a, Jesu a muh ciangin a khe phung ah bokin,
23
“Ka tanu si dektak ta hi. Amah a cidam kikin a nuntak theih nadingin hong pai inla, ama tungah na khut hong ngaksak in,” ci-in a thum hi.
24
Jesu zong, tua mipa tawh a paikhia khawm hi. Mi tampi tak in zong zui uh ahih manin Jesu a nehcip uh hi.
25
Tuate lakah, kum sawm le kum nih sung tawntung siluang natna a nei numei khat a om hi.
26
Siavuan tampi in amah bawl a, a sum neih khempeuh zang khin napi-in noptuam zaw loin gim semsem zaw hi.
27
Tua numei in Jesuʼ thu za ahih manin mihonte kawmah Jesuʼ nung a zui hi.
28
Tua nu in, “A puan mong nangawn va lawng kha leng, dam ning,” ci-in a ngaihsun hi.
29
A va lawn khit phetin a siluang khawl pah a, ama sunga a natna a damlam a kiphawk hi.
30
Jesu in ama sung panin a vangliatna a paikhiat lam phawk pah ahih manin mihonpite lakah khuadakin, “Kua in ka puan hong lawng na hi uh hiam?” a ci hi.
31
A nungzuite in, “Mihonpite in nang hong nehcih lam na thei hi. Bang hangin kua in hong lawng na hi uh hiam, ci mawk na hi hiam?” a ci uh hi.
32
Ahi zongin amah a lawngte a theih nadingin Jesu khuadak kawikawi lai hi.
33
Tua numei in ama tunga thupiang thei ahih manin laukawm liingkawmin hong pai-in a khe phung ah hong bok a, a thupiang khempeuh ahi bangbangin a hong gen hi.
34
Jesu in zong tua nu kiangah, “Ka tanu aw, na upna in nang hong damsak zo hi. Cidam suak inla, lungnuam takin va ciah in,” a ci hi.
35
Tua laitakin kikhopna inn ukpaʼ inn panin kamtaite hong tung uh a, “Na tanu si khinta hi. Bang hangin Siapa mawk gimsak nawn ding na hi hiam?” a ci uh hi.
36
Ahi zongin Jesu in amau thu kigen don loin kikhopna inn ukpa kiangah, “Lunghimawh kei in; upna nei peuh in,” a ci hi.
37
Tua lai panin Jesu in Peter le James le a nau Johan longal kuamah dang kizuisak nawn lo hi.
38
Kikhopna inn ukpaʼ inn a tun uh ciangin miteʼ kahna le thumna, a gamlumna uh a mu hi.
39
Amah sung tumin, “Bang hangin hici gamlum na hi uh hiam? Bang hangin kap na hi uh hiam? Numeino a si hi lo hi; a ihmu hi bek hi,” a ci hi.
40
Amaute in Jesu zahpih bawlin nuihsan uh ahih manin Jesu in amaute khempeuh pusuaksak a, numeinoʼ pa le a nu le a nungzui thumte tawh, numeinoʼ lupna inn dei ah a pai uh hi.
41
Tua ciangin numeinoʼ khut lenin, “Numeino aw, tho in,” a cihna, “ Talitha kumi,” a ci hi.
42
Numeino zong thakhatin tho-in lam a pai pah hi. (Amah kum sawm le kum nih pha ta hi.) Tua ciangin amaute in lamdang sa mahmah uh hi.
43
Hih thu, kuama kiangah a gen loh nadingun Jesu in nakpi takin amaute kham a, tua ciangin, “Numeino an pia un,” ci-in a sawl hi.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 6 →
All chapters:
1
2
3
4
5
6
7
8
9
10
11
12
13
14
15
16