Nehemiah 10

Chin TBR17 (Tedim Bible Revision 2017)

← Chapter 9 Jump to: Chapter 11 →

1Tua lai tungah a min a gelh masa mite a masa pen Hilkiahʼ tapa, gam ukpa Nehemiah hi a, tua ciangin Zedekiah in zom hi. Tua ciangin

2Seraiah, Azariah, Jeremiah,

3Pashhur, Amariah, Makhijah,

4Hattush, Shebaniah, Maluk,

5Harim, Meremoth, Obadiah,

6Daniel, Ginnethon, Baruk,

7Meshullam, Abiah, Mijamin,

8Maaziah, Bigai le Shemaiah in gelh uh hi.

9Azaniahʼ tapa Jeshua, Henadad-te beh Binnui, Kadmiel,

10Shebaniah, Hodiah, Kelita, Pelaiah, Hanan,

11Mika, Rehob, Hashabiah,

12Zakkur, Sherebiah, Shebaniah,

13Hodiah, Bani le Beninu ahi uh hi.

14Parosh, Pahathmoab, Elam, Zattu, Bani,

15Bunni, Azgad, Bebai,

16Adonijah, Bigvai, Adin,

17Ater, Hezekiah, Azzur,

18Hodiah, Hashum, Bezai,

19Harif, Anathoth, Nebai,

20Magpiash, Meshullam, Hezir,

21Meshezabel, Zadok, Jaddua,

22Pelatiah, Hanan, Anaiah,

23Hoshea, Hananiah, Hasshub,

24Halohesh, Piha, Shobek,

25Rehum, Hashabnah, Maaseiah,

26Ahiah, Hanan, Anan,

27Maluk, Harim le Baanah-te ahi uh hi.

28A om lai Israel mite, siampite, Levi mite, kongcingte, lasate, biakinn nasemte, a zite a tapate le a tanute, thu tel theihna a nei, Pasianʼ thukham hangin gamdang mite panin a tuam om mi khempeuh in

29a sanggam uh ahi amauʼ makaite pawmin, Pasianʼ nasem Moses in a piak Pasianʼ thukham zui-in, eiteʼ Topa ahi Topaʼ thupiakna khempeuh, ama ngeinate le ama thukhamte a zuih nading uh kiciamna a bawl uh hi.

30Gamdang mite tungah i tanute i kha kei dinga, i tapateʼ zi dingin zong i la kei ding hi.

31Hih mite in Sabbath ni-in van ahi a, an ahi zongin hong zuak leh Sabbath ni le ni siangtho khat peuhpeuh ni-in i lei kei ding hi. Kum sagihna-a an piangte nusia-in tua kumin leiba khempeuh i maisak ding hi.

32Eiteʼ Pasianʼ biakinn ah nasep nading ahi Ompihna Anlum, a manmanin an tawh biakna, a manmanin meihal biakna, Sabbath ni, Khadet ni, a kiseh pawite, biakna letsongte le Israel miteʼ tangin a kibawlsak ahi kilemna bawl nadingin mawhna hanga biaknate le i Pasianʼ biakinn ah sep ding a kisam dangte khempeuh ah zat dingin kum simin shekel khat seh thum ah khat piak ding ka kiciam uh hi.

34Tua ciangin thukham sunga a kigelh bangin a kiseh hunin a kumkumin Topa eiteʼ Pasianʼ biakna tau tungah cih dingin beh a banbanin i Pasianʼ biakinn sungah sing a kitut nadingin siampite, Levi mite le ko mi vekpite in sing pua ding sehna ai ka san uh hi.

35I leitang panin a piang anpalte le singgah kungte panin a gah masa khempeuh a kumkumin Topaʼ biakinn ah puak ding ka kiciam uh hi.

36Thukham sunga kigelh mah bangin i Pasianʼ biakinn ah a om, i Pasianʼ biakinn sungah na a sem siampite kiangah zong tapa upa pente le bawngteʼ tacilte le ganhonteʼ tacilte le tuuhonteʼ tacilte paipih ding,

37le annel lom meek masak pen siampite tungah puak ding le gah nei sing khempeuh panin a gah masa, sathau le leenggahzu thakte khempeuh i Pasianʼ biakinn sung vankoihna ah puak ding le lokhawhna khuaneute khempeuh ah sawm-ah-khat a kaikhawmte pen Levi mite ahih manin leitang panin sawm-ah-khat khempeuh Levi mite kiangah puak ding ka kiciam uh hi.

38Levi mite in sawm-ah-khat a khop uh ciangin Aaronʼ suan siampite tawh hih khawm ding uh hi. Tua ciangin Levi mite in i Pasianʼ biakinn sunga vankoihna a kilawm mun inn deite ah sawm-ah-khat a ngah uh sung pan sawm-ah-khat puak sawn ding uh hi.

39Bang hang hiam cih leh biakinn umlebeelte a kikoihna inn deite le na a sem siampite, kongcingte le lasate a giahna inn deite ah Israel mite le Levi mite in a kipia ante, leenggahzu le sathaute a paipih ding uh ahi hi. Eiteʼ Pasianʼ biakinn kin loin i om kei ding hi.

← Chapter 9 Jump to: Chapter 11 →