Joel 3

Dyula Bible (ALA KA KUMA)

← Chapter 2 Jump to:

1«O tɛmɛnin kɔ, ne bena n ka Nii di bɛɛ ma. Aw dencɛw n'aw denmusow bena kiraya kɛ, aw ka cɛkɔrɔbaw bena sikow kɛ, aw ka kanbelenninw bena yirafɛnw ye.

2O waati la, n bena n ka Nii di hali baarakɛlaw ma, cɛɛw fara musow kan.

3N bena kabakow yira sankolo la, ni dugukolo kan, joli, tasuma, ani sisi.

4Tile bena dibi, kalo bena wulen i ko joli, sanni Masaba ka loon ka se, siranyalon, lonba lo.»

5O tuma na, mɔgɔ o mɔgɔ mana Masaba tɔgɔ wele, o tigi bena kisi. Mɔgɔ tɔɔ minw tora, Masaba bena minw wele, olu bena sɔrɔ Zeruzalɛmu, * Siyɔn kulu kan, i ko Masaba y'a fɔ cogo min na.

← Chapter 2 Jump to: