Ezekiel 20:8 — Compare Translations

Ewe (Agbenya La) 2020

“ ‘Ke wodze aglã ɖe ŋutinye, eye womeɖo tom o; womeɖe asi le aklamakpakpɛ dzodzro siwo dzi woda ŋku ɖo la ŋu o, eye womeɖe asi le woƒe Egipte legbawo hã ŋu o. Ale megblɔ be matrɔ nye dziku akɔ ɖe wo dzi eye magblẽ nye dɔmedzoe ɖe wo ŋu le Egipte.

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Ke wosẽ to ɖe ŋunye, eye wogbe toɖoɖom; wo dometɔa ɖeke meɖe ŋunyɔnuawo ɖa le ŋku ta o, eye womeɖe asi le Egipte-legbawo ŋu o. Tete meɖo be, matrɔ nye dziku aƒo ɖe wo dzi, eye nye dɔmedzoe nabi avɔ ɖe wo ŋu le Egipte-nyigba dzi.

Ewe 2014 (EƲEGBE BIBLIA)

Ke wodze aglã ɖe ŋunye hegbe to ɖoɖom. Wo dome ame aɖeke metsɔ nu siwo melé fui, esiwo ŋu woƒe ŋku le la ƒu gbe loo, alo ɖe asi le Egipte-legbawo ŋu o.” “Tete mebu be matrɔ nye dɔmedzoe akɔ ɖe wo dzi, aɖe dziku ɖe wo ŋu le Egipte-nyigba la dzi.