Lamentations 5

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

← Chapter 4 Jump to:

1Yehowa, do ŋu nusi dzo ɖe mía dzi la; ɖo ŋku anyi nakpɔ míaƒe ŋukpe ɖa!

2Míaƒe domenyinu ge ɖe amedzrowo si me, eye míaƒe aƒewo ge ɖe ɖu bubu me tɔwo si me.

3Tsyɔ̃eviwo míenye, tɔ mele mía si o, eye mía nɔwo zu ahosiwo.

4Gae míetsɔna hafi noa míaƒe tsi, eye ɖe míeƒlea míaƒe nakewo.

5Woti mía yome kplikplikpli, ɖeɖi te mía ŋu, ke womena míegbɔ ɖe eme o.

6Míena ta Egipte kple Asur, ne míakpɔ abolo aɖu aɖi ƒo.

7Mia fofowo wɔ nuvɔ̃, eye womegali o, ke míawo míele woƒe vodadawo tsɔm.

8Kluviwo le amegã ɖum ɖe mía nu, ke amea ɖeke mele mía ɖem le wo si me o.

9Míaƒe agbe míetsɔ ɖaɖi aboloe, le yi, si le gbe dzi ta.

10Dɔwuame heliheli na míaƒe ŋutigbalẽ ʋu dzo hẽ abe kpo ene.

11Wogblẽ nyɔnuwo le Zion kple ɖetugbiwo le Yuda-duwo me.

12Wode ke ve na amegãwo, eye womesi amegã ɖeɖiwo ŋku me o.

13Ɖekakpuiwo le te ɖe te, eye ɖeviwo dze anyi ɖe nake te.

14Ame tsitsiwo vɔ le ʋɔnu, eye ɖekakpuiwo megale saŋku ƒom o.

15Míaƒe dzidzɔ nu tso, míaƒe ɣeɖuɖu zu nuxaxa.

16Míaƒe fiakuku ge le mía ta. Baba na mí be, míewɔ nuvɔ̃!

17Eyata míaƒe dzi le nu xam, eye míaƒe ŋkuwo zu vi

18ɖe Zion-to la ŋu, elabena ezu gbegbe, eye abeiwo le edzi tom.

19Ke wò Yehowa, èlí tegbee, eye wò fiazikpui nɔa dzidzimewo katã me.

20Nukaŋuti nèŋlɔ mí be ɖikaa, eye negblẽ mí ɖi eteƒe didi ale?

21Yehowa, trɔ mí ɖe ŋuwò, ne míatrɔ; wɔ míaƒe ŋkekewo yeye abe tsa ene.

22Alo ɖe negbe nu keŋ, eye nèɖo dɔmedzoe ɖe mia ŋu vevie ŋutɔŋutɔa?

← Chapter 4 Jump to: