2 John 1

Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ)

Jump to:

1مِنْ، يَحَيَ، مَوْطٛ ندٜرْ تٛکُّٻٜ يٜىٰسُ وِنْدَنِ کَوْتَلْ شُٻَاٻٜ اَللَّه طٜرٜوٛلْ نغٛعٛلْ؞ اٜ مِ يِطِعٛنْ اٜ يِدّٜ ندٜ غٛونغَ؞ نَاع مِنْ تَنْ يِطِعٛنْ اَمَّا حَا اٜ فُو اَنْدُٻٜ غٛونغَ؞

2اٜ مِنْ نغِطِعٛنْ نغَمْ غٛونغَ وٛنْکَ ندٜرْ ٻٜرْطٜ مٜىٰطٜنْ، ندٜنْ کَ جٛوطٛدٛتٛ اٜ مٜىٰطٜنْ حَا اَبَدَا؞

3اَللَّه ݧَاکٛ مٛ دٛوْ اٜ يٜىٰسُ اَلْمَسِيحُ ٻِطّٛ مَاکٛ بَرْکِطِنَعٜنْ، يُرْمِنَنَعٜنْ، حٛکَّعٜنْ جَمْ ندٜرْ غٛونغَ اٜ يِدّٜ؞

4مِ نَنِي بٜلْطُمْ نَاع سٜطَّ ندٜ نغِيمِ وٛٻّٜ ندٜرْ ٻِٻّٜ مَاطَ اٜ تٛکَّ غٛونغَ نٛنْ نٛ اَللَّه ݧَاکٛ مٛ دٛوْ وِعِ نغَطٜنْ؞

5جٛونِ اٜ مِ تٛرٛوعٛنْ، اٜنْ نغِطِندِرْ؞ طُعُمْ نَاع طُمْ دٛوکَ کٜسُمْ مبِنْدَنْمِعٛنْ، اَمَّا طُمْ دٛوکَ طُمْ نغٛودُنٛوطٜنْ دَغَ اَرَنْدٜ؞

6يِدّٜ ندٜ غٛونغَ وٛنِ نغَطٜنْ کٛ اَللَّه وِعِ؞ نٛ نَنْطٛنْ دَغَ اَرَنْدٜ، کٛ اَللَّه وِعِ وٛنِ نغِطِندِرٜىٰ؞

7مِ وِعُ نٛنْ نغَمْ يِمْٻٜ طُطْٻٜ مَجِّنٛوٻٜ يِمْٻٜ مبُرْتٛيَکٜ ندٜرْ دُونِيَارُ؞ ٻٜ نجَٻَايِ اَلْمَسِيحُ وَرِي دُونِيَارُ ندٜرْ ٻَنْدُ؞ اِرِ ٻٜنْ طٛنْ يِمْٻٜ ٻٜ مَجِّنٛوٻٜ يِمْٻٜ، ٻٜ وَݧْوَݧْٻٜ اَلْمَسِيحُ؞

8نغَمْ نٛنْ ڤَامَنٜىٰ کٛعٜ مٛوطٛنْ نغَمْ تٛع ندُلّٛنْ کٛ کُوَنْطٛنْ، اَمَّا کٜٻٛنْ مبَرْجَارِ کٜوْندِ مبٛنْدِ؞

9فُو مٛ دَرَاکِ دٛوْ اٜکِّتِنٛلْ اَلْمَسِيحُ، اَمَّا اٛ ٻٜيْدِ وٛنْغٛلْ اٜکِّتِنٛلْ، اَللَّه وٛنْدَا اٜ مَاکٛ؞ اَمَّا دَرِيطٛ دٛوْ اٜکِّتِنٛلْ اَلْمَسِيحُ اٜ مٛ وٛنْدِ اٜ ݧَاکٛ مٛ دٛوْ اٜ ٻِطّٛ مَاکٛ؞

10فُو غَرْطٛ تٛ مٛوطٛنْ، تٛ اٛ جَٻَايِ اٜکِّتِنٛلْ نغٛعٛلْ، تٛع اٛنْ نجَٻُمٛ تٛ غُرٜ مٛوطٛنْ، تٛع اٛنْ کٛوْنِرْ اٜ مَاکٛ؞

11نغَمْ فُو کٛوْنُطٛمٛ حَوْتِي حٛورٜ اٜ مَاکٛ وٛنْ طٛنْ ندٜرْ وَطُکِ کُوطٜ کَلُّطٜ طٜ اٛ وَطَتَ؞

12اٜ مِ وٛودِ فِي طُطُّمْ کٛ نغِطُمِ مِ وِعَعٛنْ، اَمَّا مِ يِطَا مِ وِنْدَطُمْ ندٜرْ طٜرٜوٛلْ؞ سٜيْ نِ اٜ مِ يِطِ مِ وَرَ مِ مٜدَّ اٜ مٛوطٛنْ حٛنْدُکٛ اٜ حٛنْدُکٛ، نغَمْ نَنٜنْ بٜلْطُمْ نَاع سٜطَّ؞

13کَوْتَلْ شُٻَاٻٜ اَللَّه غٛنْٻٜ طٛعٛ اٜ کٛوْنُمَا؞

Jump to:

Recommended Reading

Commentary 2 John Commentaries → Devotional 2 John Devotional Guide → Get This Bible Fulfulde Bible (Caka Nigeria Arabic Script) (اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ) Study Bible →