3 John 1

Gaelic (Scottish) (An Tiomnadh Nuadh anns an Eadar-Theangachadh Ùr Gàidhlig 2017 )

Jump to:

1An t‑èildear, Gu Gaius gràdhach, air a bheil gràdh agam ann am fìrinn.

2Fhir ghràdhaichte, tha mi ag ùrnaigh mun a h‑uile sìon, gu soirbhich thu agus gum bi deagh shlàinte agad, eadhon mar a shoirbhicheas d' anam.

3Rinn mi mòran toileachas nuair a thàinig bràithrean agus a thug iad fianais mun fhìrinn agad, dìreach mar a tha thu a' coiseachd anns an fhìrinn.

4Chan eil toileachadh nas motha na sin agam, gun cluinninn gu bheil mo chlann a' coiseachd anns an fhìrinn.

5Fhir ghràdhaichte, tha thu a' dèanamh gu dìleas na nì thu airson nam bràithrean agus airson nan coigreach,

6thug iadsan fianais air do ghràdh mu choinneamh na h‑eaglaise. Nì thu math le bhith gan cur air adhart ann an dòigh a tha airidh air Dia.

7Oir chaidh iad a‑mach air sgàth an Ainm, gun sìon a ghabhail o na cinnich.

8Mar sin, bu chòir dhuinne gabhail ri an leithidean sin, airson 's gum bi sinn nar co‑luchd‑obrach dhan fhìrinn.

9Sgrìobh mi rudeigin chun na h‑eaglaise, ach cha do ghabh Diotrephes, leis am miann a bhith na cheannard orra, rinne.

10Mar sin, ma thig mi, cuiridh mi an cuimhne na gnìomhan a tha e a' dèanamh, gar càineadh le faclan olca, agus air sgàth 's nach eil sin a' fòghnadh dha, chan eil e fhèin a' gabhail ris na bràithrean agus tha e gam bacadh‑san a tha a' gabhail riutha, agus gan tilgeil a‑mach às an eaglais.

11Fhir ghràdhaichte, na dèan atharrais air na tha olc, ach air na tha math. Tha esan a tha a' dèanamh math o Dhia; chan fhaca esan a tha a' dèanamh an t‑olc Dia.

12Chaidh deagh fhianais a thoirt leis a h‑uile neach air Demetrius, agus leis an fhìrinn fhèin; tha sinne cuideachd a' toirt fianais, agus tha fios agad gu bheil ar fianais fìor.

13Bha mòran rudan agam ri sgrìobhadh thugad, ach chan eil mi ag iarraidh sgrìobhadh thugad le dubh is peann,

14tha mi an dòchas d' fhaicinn a dh'aithghearr agus bruidhinnidh sinn aghaidh ri aghaidh.

15Sìth leat. Tha na càirdean a' cur fàilte thugad. Cuir fàilte air na càirdean air an ainm.

Jump to: