3 John 1

Galacian 1989 (Biblia SEPT)

Jump to:

1Eu, o Presbítero, escríbolle ó benquerido Gaio, a quen amo na verdade.

2Meu amigo, pido para ti saúde e que o éxito en todos os teus asuntos te acompañe sempre.

3Canto me alegrei cando chegaron uns irmáns e nos falaron da túa aceptación da mensaxe, de como vives na verdade!

4Para min non hai alegría meirande ca esta: a de oír que os meus fillos viven de acordo na verdade.

5Meu amigo, estaste comportando conforme a fe en todo o que fas polos irmáns e maiormente polos irmáns forasteiros.

6Eles diante da comunidade falaron ben do teu amor. Farías ben en seguir fornecéndoos para a viaxe, como Deus manda.

7Pois, por mor do Nome marcharon sen recibiren nada dos pagáns.

8Por iso, nós temos a obriga de axudar a homes coma estes, para sermos colaboradores do anuncio da verdade.

9Escribinlle unha carta a esa comunidade, pero o dominante Diotrefes non nos acepta.

10Por iso, cando vos vaia ver, botareille na cara o que fai, as palabras malignas con que nos denigra. Ademais, non satisfeito con isto, nin acepta el os irmáns, nin llelo permite facer ós que os queren aceptar e bótaos fóra da comunidade.

11Meu amigo, non imites o mal senón o ben. Quen obra ben, vén de Deus. Quen obra mal, endexamais non viu a Deus.

12Do Demetrio todos falan ben e falan a verdade. E nós tamén falamos o ben e sabes que o noso testemuño é conforme a verdade.

13Aínda teño moitas cousas que che dicir, pero non o quero facer con tinta e pluma.

14Espero verte moi axiña e falar cara a cara.

15A paz sexa contigo. Mándanche saúdos os teus amigos. Saúda ós meus amigos, un por un.

Jump to: