Leviticus 12

Guarani 1996 (Ñandejara Ñe’ẽ ✟)

← Chapter 11 Jump to: Chapter 13 →

1Ñandejára he'i Moiséspe: —Ere Israel guápe ko'ã mba'e: Kuña hye guasu ha imemby ramo ha mitã kuimba'e pe imemby, ojáta hese potĩ'ỹ 7 ára pukukue, ojaháicha avei hese potĩ'ỹ imba'asy guejy aja.

3Pe mitã kuimba'e tojeapi'o yvy ári oiko rire 8 ára haguépe.

4Isy katu oñemopotĩvéta gueteri 33 ára huguykuégui. Ani opoko mba'evére oñemboykéva Ñandejárape guarã térã oike Tekohápe, oñemboty peve umi ára ipotĩ haguã.

5Mitãkuña ramo imemby katu, ojáta isýre potĩ'ỹ 15 ára pukukue, ojaháicha avei hese potĩ'ỹ imba'asy guejy aja. Ha oñemopotĩvéta gueteri 66 ára huguy kuégui.

6Oñemboty vove umi ára oñemopotĩ haguã, taha'e mitã kuimba'égui, taha'e mitã kuñágui, isy togueraha Jotopa Róga rokẽme ovecha ra'y hi'áño peteĩva oikuave'ẽ haguã mymbahapy*f** ramo ha peteĩ pykasu ra'y térã jeruti mymbajuka*f** ramo ojeheja rei haguã angaipa. Umíva tome'ẽ pa'ípe,

7ha pa'i toikuave'ẽ Ñandejárape ojeheja rei haguã chupe, ha ipotĩta huguy tykýgui. Ãva hína tembiapoukapy mitã kuimba'e ha mitãkuña yvy ári oiko ramóva rehegua.

8Isy imboriahúgui ndoguerekói ramo ojogua haguã ovecha ra'y, ikatu oikuave'ẽ mokõi pykasu ra'y térã mokõi jeruti. Peteĩ oñekuave'ẽ haguã mymbahapy ha ambue oñekuave'ẽ haguã mymbajuka ramo ojeheja rei haguã angaipa. Pa'i toikuave'ẽ hese ojeheja rei haguã chupe, ha péicha ipotĩta.

← Chapter 11 Jump to: Chapter 13 →