bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Guarani
/
Guarani 2015 (Ñanderuete Ñe’ẽ Porã 2015)
/
Psalms 119
Psalms 119
Guarani 2015 (Ñanderuete Ñe’ẽ Porã 2015)
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Ovy’aite umi oguata porãva Ñanderuete rapére ha umi oikóva Ñanderuete rembiapoukapy he’i haichaite.
2
Ovy’aite umi oñongatúva iñe’ẽ ipy’apýpe ojapo hag̃ua hekoitépe umía, ha ipy’aite guive ohekáva hembipota iporãva (añeteguáva);
3
umía ndojapói aña rembiapo, oguata porã hikuái uvei Ñanderuete rapére.
4
Nde voi reme’ẽva’ekue ne rembiapoukapykuéra ore rojapo hag̃ua hekoitépe.
5
Mba’éicha tamora’e che rapekuéra oñemoĩ hekoitépe, añeha’ãmba hag̃ua ajapo hekoitépe ne rembiapoukapy.
6
Natĩmo’ãi, añeha’ãmba ramo ajapo hag̃ua ne rembiapoukapy.
7
Romomba’eguasúta che py’apy potĩ porã reheve, Nde cherekombo’e porã haguére.
8
Ne rembiapoukapy he’i háicha ajapose, anína cherejátei che año.
9
Mba’éichapa peteĩ karia’y oiko porãta (nde resa renondépe); oñeha’ãmba ramo ojapopa hag̃ua ne ñe’ẽ he’i háicha.
10
Che py’aite guive roheka, aníkena cherejátei apia ne rembiapoukapýgui.
11
Che py’apýpe añongatupa ne ñe’ẽ, ani hag̃ua añemohembiapo vai ne renondépe.
12
Toñemomba’eguasu nde réra, ore Ruete, cherekombo’e ne rembiapoukapykuéra rehe.
13
Che juru omombe’u opaite mba’e nde juru he’íva guive.
14
Ajapórõ ne ñe’ẽ avy’ave opaite mba’erepy ahupityrõguágui.
15
Ajepy’amongeta ne rembiapoukapy rehe, ama’ẽ porãta nde rape rehe.
16
Chepy’arory ne rembiapoukapy reheve, ndacheresaráiri ne ñe’ẽgui.
17
Mba’eporã ejapomína ne rembiguáipe g̃uarã, aikove aja tajapo hekoitépe ne ñe’ẽ.
18
Cheresape’amína, tama’ẽ ne mba’e techapyrãva rehe oĩva guive ne rembiapoukapýpe.
19
Mbohupa ramo aiko ko yvy apére, ani reñomítei chehegui ne rembiapoukapykuéra.
20
Che ánga opaite árape ijy’uhéi ne ñe’ẽ arandu rehe.
21
Nde reja’o umi oñembotuichávape, umi tapicha oñemaldecívape, umi opiava’ekue ne rembiapoukapýgui.
22
Emboykéna chehegui ñemotĩ ha ñembohory, añeha’ãmbágui ajapo hag̃ua ne rembiapoukapykuéra.
23
Mburuvichakuéra oñembyaty ramojepe oñe’ẽvai hag̃ua cherehe, ne rembiguái imandu’a ne rembiapoukapy rehe.
24
Ne rembiapoukapy chembopy’arory ha cherekombo’e.
25
Yvýre ho’a che ánga (nachekyre’ỹvéi), chemoingovemi jevýna ne ñe’ẽ rupi.
26
Amombe’upáma ndéve che rapekuéra, ha Nde chembohovái, chembo’emína ne rembiapoukapy rehe.
27
Eikuaauka porãmína chéve ne rembiapoukapy rape, ajepy’amongeta hag̃ua umi ne rembiapo techapyrãva rehe.
28
Añembyasyete ningo, eñangarekomína cherehe ne ñe’ẽ he’i háicha.
29
Emboykéna chehegui pe japu, ha cherekombo’e nde poriahuvereko rupi.
30
Aiporavóma pe añetegua rape, amoĩma che renondépe ne rembiapoukapy.
31
Ne ñe’ẽ rehe ajejoko, Nde, che Ruete, ani chemotĩtei.
32
Ne rembiapoukapy rape rehe aguatase, Nde chemoarandu porã che py’apýpe.
33
Ehechaukamína, Nde, che Ruete, ne rembiapoukapy rape, añeha’ãmba aguata porã hag̃ua nde rapére aikove aja.
34
Eme’ẽmína chéve akã porã ha eñangarekomína cherehe ajapo hag̃ua che py’aite guive ne rembiapoukapy.
35
Chesãmbyhymína ne rembiapoukapy rape rehe, upevahína che rembipota.
36
Emboykemína che py’apy ne ñe’ẽ gotýo, ha anítei aguata pe tape rehe, ahupity hag̃ua opaite mba’e chéve g̃uarãnte.
37
Emboyke che resakuéra ani hag̃ua ama’ẽ mba’e výro rei rehe, chemokyre’ỹve uvei aguata hag̃ua nde rapére.
38
Emoañeteve ne ñe’ẽ ne rembiguái rekovépe, che akyhyje ndehegui.
39
Eipe’amína chehegui pe ñembohory akyhyjégui, ne mbojovake katu iporãve.
40
Péina ápe che aguerohoryete ne rembiapoukapy, chemoingovemína nde justícia rupive.
41
Ehechaukamína chéve nde poriahuvereko, Nde, che Ruete, chepytyvõmína Nde ere hagueichaite.
42
Ambohovái porã hag̃ua umi cherehe oñembohorysévape.
43
Ani reipe’átei che jurúgui ne ñe’ẽ añetegua, ne mbojovake porã rehe katu ajerovia.
44
Opaite árape añeha’ãmba ajapo hag̃ua hekoitépe ne rembiapoukapy, tapia g̃uarã ajapóta umía.
45
Sã mbyky rehe aikose, aheka haguére ne rembiapoukapy.
46
Ne rembiapoukapy amombe’úta tetã ruvichakuéra renondépe ha natĩmo’ãi.
47
Chepy’arory ne rembiapoukapykuéra reheve, ahayhúgui ne ñe’ẽ.
48
Upéicha amopu’ã che popytekuéra ne rembiapoukapy ahayhúva gotýo ha ajepy’amongeta’aína ne rembiapoukapy rehe.
49
Nemandu’amína ne ñe’ẽ reme’ẽva’ekue rehe ne rembiguáipe, upévarehe ajerovia’aína nderehe.
50
Ne ñe’ẽ chemoangapyhy ajepy’apy jave, ne ñe’ẽ chemoingove jevy.
51
Umi oñembotuicháva heta oñembohory ramojepe cherehe, ndapiái nde rapégui,
52
chemandu’a katu, Nde, che Ruete, yma rembojovake porã haguére ha péva chemoangapyhy jevy.
53
Che chepochy umi tekove vaíva ndive, ndoikuaaséigui ne rembiapoukapy.
54
Ne rembiapoukapy chembopurahéi aiko ramojepe ambue tetãme.
55
Pyharekuépe jepe chemandu’a nde réra rehe, Nde, che Ruete, ha ajapo voi ningo ne rembiapoukapy.
56
Ko’ã mba’e ko’ãva ojehu che rekovépe ajapo haguére ne rembiapoukapy.
57
Che Ruete, aprometéma ndéve, che ajapova’erã hekoitépe ne rembiapoukapy.
58
Che py’aite guive ajerure Nde cheporiahuvereko hag̃ua ne ñe’ẽ he’i haichaite.
59
Ajepy’amongeta che rapekuéra rehe, ha ambojevy che py ne rembiapoukapy rehe.
60
Añembopya’e pya’e ha nañemombeguéi ajapo hag̃ua ne rembiapoukapykuéra.
61
Umi iñañáva sã ningo chejoko, che katu ndacheresaráiri ne rembiapoukapýgui.
62
Pyhare pytépe apu’ã amomba’eguasu hag̃ua ne ñembojovake hekoite peguáva.
63
Opaite umi okyhyjéva ndehegui ha ojapóva ne rembiapoukapy oiko che irũtee ramo.
64
Che Ruete, nde poriahuverekógui henyhẽte ko yvy, chembo’emíkena ne rembiapoukapykuéra rehe.
65
Rejapóma mba’eporãva ne rembiguáipe g̃uarã, che Ruete, ne ñe’ẽ he’i háicha.
66
Chembo’ékena tacheakã porã ha tachearandu, ajeroviágui ne rembiapoukapykuéra rehe.
67
Añemomirĩ mboyve che aiko tuicha jejavýpe ha aiko kañyháme, ko’ág̃a katu ajapo ne ñe’ẽ.
68
Nde ndepy’a porã, rehechauka haguére mba’eporã, chembo’emína ne rembipota rehe.
69
Umi oñembotuicháva ijapu cherehe, ha che katu che py’aite guive añeha’ã ajapo hag̃ua ne rembiapoukapy.
70
Ha’ekuéra oñembopy’a hatã, ku ñandýicha noñandúi mba’eve, che katu chepy’arory ne ñe’ẽ reheve.
71
Mba’e porãite chéve, Nde chemomirĩ haguére, ko’ág̃a aikuaa ne rembiapoukapy.
72
Nde juru pegua tekombo’e chéve g̃uarã iporãve 1.000 pláta térã óro pehẽnguégui.
73
Nde po cheapo ha chemongakuaa chéve, cherekombo’e che aikuaa porã hag̃ua ne rembiapoukapy.
74
Umi ndehegui okyhyjéva cherecha porã ha ovy’a joa hikuái, ajerovia haguére ne ñe’ẽ rehe.
75
Aikuaa, che Ruete, ne ñembojovake iporãha, ha chemomirĩ hague hekoitépe.
76
Cheporiahuverekomína ko’ág̃a tachemoangapyhy, Nde ere hagueichaite ne rembiguáipe.
77
Che rendápe tou nde poriahuvereko, aiko porã jevy hag̃ua ha ne rembiapoukapy tachembopy’arory.
78
Toñemotĩ joa umi oñembotuicháva ha oñe’ẽvaíva cherehe, che ningo ajepy’amongeta’aína ne rembiapoukapy rehe.
79
Og̃uahẽ jevyva’erã che rendápe umi ndehegui okyhyjéva ha oikuaáva ne rembiapoukapy.
80
Che py’a tojejoko ne rembiapoukapy rehe, ani hag̃ua che añemotĩ.
81
Che ánga oha’ãrõite Nde chepytyvõ hag̃ua, che ajeroviágui ne ñe’ẽ rehe.
82
Che resakuéra ikangypa oha’ãrõ reígui ne pytyvõ, ha’évo: Araka’épa Ha’e chemoangapyhy jevýta.
83
Ajogua peteĩ mba’yru vakapiguigua icha’ĩmbávape tatatĩme, ndacheresaráiri katu ne rembiapoukapýgui.
84
Ha araka’e peve piko ne rembiguái oikovéta. Araka’e piko rembojovakéta umi cherehe oñemoĩvape.
85
Umi oñembohorýva cherehe ojo’o peteĩ yvykua che raperãme chemoñuhã hag̃ua, ndoikoséi voi ningo ne rembiapoukapy he’i háicha.
86
Ne rembiapoukapykuéra ningo añetegua memete, reiete oñemoĩ cherehe hikuái, chepytyvõmína.
87
Haimetete chejuka hikuái, che katu ndapoíkuri ne rembiapoukapykuéragui.
88
Chemoingovemína nde poriahuvereko rupi, ha añeha’ãmbáta ajapo hag̃ua umi tembiapoukapy nde jurúgui osẽva guive.
89
Ore Ruete, ne ñe’ẽ opytáta tapia g̃uarãva, oñemboguapy hatãma yvágape.
90
Nde reko jeroviaha (fidelidad) opyta yvyariguakuéra oiko guive ko yvy apére iñemoñarenguéra oikove peve. Nde rejapova’ekue ko yvy ha ndérupi opytava’erã (Nde reipotaha peve).
91
Nde reipotágui oĩmba gueteri pe yvága ha pe yvy ko ára kóva peve, opaite mba’e voi oĩ nde poguýpe.
92
Ne rembiapoukapy ndoikói rire che py’apýpe chembovy’a hag̃ua, che jepy’apy chejukava’erãmo’ã.
93
Araka’eve ndacheresaráiri ne rembiapoukapýgui, umíva rupi Nde voi chemoingovéta.
94
Che ningo ne mba’e, chepytyvõmína, tañeha’ãmba ajapo hag̃ua ne rembipota.
95
Umi tekove vai chera’ãrõ chejuka hag̃ua, che katu ahechakuaa porã ne rekombo’e.
96
Opaitépe g̃uarã og̃uahẽta hi’ára paha, ne rembiapoukapy katu ndopamo’ãi araka’eve.
97
Ahayhuete ningo ne rembiapoukapykuéra, umívare ajepy’amongetáva ára pukukue.
98
Ne rembiapoukapykuéra rupi Nde chemoaranduve umi cherehe ija’e’ỹvagui, tapiaite umía oikógui che py’apýpe.
99
Umívante chemoaranduve opaite che mbo’eharakuégui, ne ñe’ẽnguéra voi cherekombo’e porã.
100
Chearanduve umi karai ancianokuéragui, ajapógui ne rembiapoukapykuéra.
101
Ajoko aikóvo che pykuéra opaichagua tape vaígui, ajaposégui ne ñe’ẽ.
102
Nañemboykéi ne ñembojovakégui, Nde chembo’e porãgui.
103
He’ẽ asy ningo ne ñe’ẽ che apekũme g̃uarã, he’ẽve eíragui che jurúpe g̃uarã.
104
Ne rembiapoukapy rupi ahupity arandu, upévagui opaichagua japu rape chembojeguaru.
105
Temiendy ningo ne ñe’ẽ che pykuérape g̃uarã, ha mba’e ohesapéva che rape.
106
Che Ruete, aprometéma che py’apýpe, ndapoimo’ãi ne rembiapoukapýgui.
107
Ajepy’apyete jave, chemokyre’ỹ jevy Nde, che Ruete, ne ñe’ẽ he’i háicha.
108
Ajerure ndéve, che Ruete, to’a porãite ndéve umi me’ẽmby osẽva che jurúgui ha chembo’emíkena ne rembiapoukapykuéra rehe.
109
Che rekove tapiaite oĩ ñemano rokẽme, che katu ndacheresaráiri ne rembiapoukapýgui.
110
Umi tapicha iñañáva chemoñuhã, che katu nañemboykéi ne rembiapoukapýgui.
111
Ne rembiapoukapykuéra opyta che mba’e ramo opaite árape, umívante chembopy’arory.
112
Che añeha’ãmba ajapo hag̃ua hekoitépe ne rembiapoukapy che ára paha peve.
113
Ndache’a’éi umi tapicha hova mokõivare, ahayhu uvei ne rembiapoukapykuéra.
114
Che ajerovia ne ñe’ẽ rehe, Nde chemo’ã ha reñangareko porã haguére cherehe.
115
Pejei che ypýgui, peẽ tekove ñaña, che ajapóta che Ruete rembiapoukapy.
116
Chemombarete ne ñe’ẽ he’i háicha ha taikove, ha aníkena apytátei añemotĩ aha’ãrõ rei ramo umi mba’e ahupityséva ndehegui.
117
Chejokókena, asẽkuaa hag̃ua che jejopy vaígui, ha chepy’arory reheve ama’ẽse tapiaite ne ñe’ẽ rehe.
118
Nde reitypa umi opoíva ne rembiapoukapýgui, ha’ekuéra voi ningo oñembotavy.
119
Ku ytýicha remombopáta umi iñañáva ko yvy apégui, upévarehe che ahayhu’aína ne rembiapoukapykuéra.
120
Aryryipa akyhyjégui ndehegui, ha akyhyje ne ñembojovakégui.
121
Añeha’ãmba añembojovake ha aiko nde justícia poguýpe, aníkena cherejátei umi chejopýva poguýpe.
122
Eñangarekomína uvei ne rembiguáire osẽ porãmba hag̃ua, ani rehejátei umi heko vaíva chejopy vai hag̃ua.
123
Che resakuéra oma’ẽnte ne ñepytyvõ rehe, Nde rembojovake porã hag̃ua.
124
Ehechaukamína ne rembiguáipe ne mborayhu, ha chembo’emína ne rembiapoukapy rehe.
125
Che ningo ne rembiguái, chemoarandumína aikuaa hag̃ua ne rembipota.
126
Hi’árama Nde rejoko hag̃ua umívape, Nde, che Ruete, ha’ekuéra omboyke haguére ne rembiapoukapy.
127
Upévagui che ahayhuve ne rembiapoukapy óro térã óro potĩ asývagui.
128
Upévare ajapo hekoitépe opaite ne rembiapoukapy, ha añemomombyry opaichagua japu rapégui.
129
Ne rembiapoukapy ningo tembiapo techapyrãva, upévare che ánga oñeha’ãmba ojapopa hag̃ua umi mba’e.
130
Ne ñe’ẽ ohesape ñaneakã porã hag̃ua, ha omoarandu hag̃ua umi itavývape.
131
Ajejurupe’a, ha cheãho ne rembiapoukapy rehe, aipota asýgui.
132
Ema’ẽna cherehe ha ehechaukamína nde poriahuvereko, rejepokuaa háicha nde rehayhúva ndive.
133
Chemboguata hekoitépe ne ñe’ẽ rupive, ani hag̃ua mba’eveichagua tembiapo vai oñembojára cherehe.
134
Chepytyvõmína umi chejopyséva pógui, ha ajapóta ne rembiapoukapy.
135
Eheja tojajái nde rova ne rembiguái ári, ha chembo’e ne rembipotáre.
136
Tesayeta osyry che resakuéragui, ndojapói haguére hikuái ne rembipota porãitéva.
137
Che Ruete, Nde ningo reiko hekópe ha reporombojovake porã.
138
Opaite ne ñe’ẽ, Nde ereva’ekue ojejapopáma avei hekoitépe ha añetehápe.
139
Ne ñe’ẽ rehe cherakate’ỹetereígui aju che py’a ikusuguepa, umi cherehe ija’e’ỹva hesarái haguére ne ñe’ẽgui.
140
Ipotĩeterei ningo ne ñe’ẽ ha upévagui ne rembiguái ohayhu avei ne ñe’ẽ.
141
Che ningo ndaha’éi mba’eve, ñemboykepyréicha aiko, upeichavéramo jepe ndacheresaráiri ne rembiapoukapýgui.
142
Nde reporombojovake hekoitépe ha ne rembiapoukapy omombe’u pe añetegua.
143
Ajepy’apy ha ajejopy vai ramojepe ne rembiapoukapy chembopy’arory jevy.
144
Ne rembiapoukapy oĩ porã tapia g̃uarã ha umía chemoarandu aiko porã hag̃ua.
145
Che rohenói che py’aite guive, chembohovaimína, che Ruete, ha añeha’ãmbáta ajapo hag̃ua ne ñe’ẽ.
146
Che rohenói, Nde cheguenohẽ hag̃ua che jejopy vaígui, ha ajapóta ne rembiapoukapy.
147
Ko’ẽmba mboyve che rohenói, ajeroviaitégui ne ñe’ẽ rehe.
148
Pyhare pukukue ndakéi ajepy’amongeta hag̃ua ne ñe’ẽ rehe.
149
Ehendumína che ñe’ẽ ne mborayhu rehehápe, Nde, che Ruete, chemopu’ã jevýna ne ñembojovake porã rupi.
150
Oñemboja cherehe umi chembotavyséva, oñemomombyry ningo hikuái ne rembiapoukapýgui.
151
Che Ruete, Nde katu reĩ ag̃uiete chehegui, ha opaite ne rembiapoukapy omombe’u pe añetegua.
152
Yma guivéma aikuaa ne ñe’ẽ porãite opytataha tapia g̃uarã.
153
Ema’ẽmína che jepy’apy asy rehe ha chepe’amína ichugui, ne rembiapoukapýgui ndacheresaráirigui.
154
Eñorãirõ cherehehápe ha chejora, chemoingove jevy ne ñe’ẽ rupi, ere haguéicha.
155
Umi tekove vaívape Nde nereipytyvõmo’ãi, ndojaposéigui hikuái ne rembiapoukapy.
156
Tuichaite ningo nde poriahuvereko, Nde, che Ruete, chemoingovemína ne ñembojovake rupi.
157
Hetaite oĩ chemuña ha chejopýva, ne rembiapoukapýgui katu nañemboykéi.
158
Ahecha ramo umi oñemoĩva nderehe, chepochy, noma’ẽséigui ne ñe’ẽ rehe.
159
Ehechamína, Nde, che Ruete, ahayhuha ne rembiapoukapy, chemokyre’ỹmi jevýna nde poriahuvereko rupi.
160
Opaite ne ñe’ẽ ningo añete meme ha ndopamo’ãi araka’eve.
161
Mburuvichakuéra chemuña reiete, che katu akyhyje ne ñe’ẽgui.
162
Ne ñe’ẽ chembovy’a ku kuimba’e ojohu ramoguáicha peteĩ mba’e hepýva.
163
Pe japu rehe ndache’a’éi ha chembojeguaru, ahayhu katu ne rembiapoukapy.
164
Siéte jevy, ára pukukue aja, che romomba’eguasu Nde reporombojovake porã haguére.
165
Ipy’aguapy umi ohayhúva ne rembipota, ha ha’ekuéra noñepysãngamo’ãi.
166
Aha’ãrõnte, Nde, che Ruete chepytyvõ hag̃ua, ajapo haguére ne rembiapoukapy.
167
Che añeha’ãmba ajapo hag̃ua ne ñe’ẽ ha péva chembovy’a.
168
Ajapo’aína ne rembiapoukapy ha ne ñe’ẽ, opaite che rembiapokue oĩmba ne renondépe.
169
Che mba’ejerure tog̃uahẽ ne renondépe, Nde, che Ruete, chemoarandumína ne ñe’ẽ rupi.
170
Che ñembo’e tog̃uahẽ ne renondépe, cheguenohẽmína che jejopy vaígui, Nde ere haguéicha rejaposeha.
171
Che juru nemomba’eguasuete, Nde chembo’e porã haguére ne rembiapoukapykuéra rupi.
172
Che juru topurahéi ne ñe’ẽ porãite, hekoite peguágui opaite ne rembiapoukapy.
173
Nde po tachejoko aiporavo haguére ne rembiapoukapy.
174
Hi’ãite chéve chepytyvõ, Nde, che Ruete, ha ne rembiapoukapy chembopy’arory.
175
Toikove che ánga ha tanemomba’eguasuete, ha tachepytyvõ ne mbojovake.
176
Che añehesatĩna ramo ku ovecha okañývaicha, ehekána ne rembiguáipe, ndacheresaráirigui ne rembiapoukapýgui.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150