Numbers 33 — Gujarati BSI (GUOV) (પવિત્ર બાઇબલ OV Reference Bible (BSI))

1ઇઝરાયલ પ્રજા પોતાનાં સૈન્યો સહિત મૂસા તથા હારુનની હસ્તક મિસર દેશમાંથી નીકળ્યા ત્યાર પછી તેઓની મુસાફરીઓ આ છે.

2અને મૂસાએ યહોવાની આજ્ઞાથી તેઓની મુસાફરીઓ પ્રમાણે તેઓની કૂચની નોંધ રાખી; અને તેઓની મુસાફરીઓ પ્રમાણે તેઓની કૂચ આ છે:

3અને તેઓ પહેલે માસે, પહેલા માસને પંદરમે દિવસે રામસેસથી નીકળ્યા. પાસ્ખાપર્વ પછીની સવારે ઇઝરાયલી લોકો સર્વ મિસરીઓના જોતાં નીડરપણે નીકળ્યા.

4જે સર્વ પ્રથમજનિતોને યહોવાએ માર્યા હતા તેઓને મિસરીઓ દાટતા હતા તે સમયે તેઓ નીકળ્યા. તેઓના દેવો પર પણ યહોવાએ ન્યાયકૃત્યો કર્યાં.

5અને રામસેસથી નીકળીને ઇઝરાયલીઓએ સુક્કોથમાં છાવણી કરી.

6અને તેઓએ સુક્કોથથી નીકળીને એથામ જે અરણ્યની બાજુએ છે ત્યાં છાવણી કરી.

7અને તેઓ એથામથી નીકળ્યા, ને પાછા ફરીને પી-હાહીરોથ આવ્યા કે, જે બાલ-સફોનની સામે છે. અને તેઓએ મિગ્દોલની સામે છાવણી કરી.

8અને તેઓ હાહીરોથ આગળથી ચાલ્યા, ને સમુદ્રની મધ્યે થઈને અરણ્યમાં ગયા; અને એથામના અરણ્યમાં ત્રણ દિવસની મુસાફરી કરીને તેઓએ મારાહમાં છાવણી કરી.

9અને તેઓ મારાહથી નીકળીને એલીમ આવ્યા; અને એલીમમાં પાણીના બાર ઝરા ને સિત્તેર ખજૂરીઓ હતાં; અને ત્યાં તેઓએ છાવણી કરી.

10અને એલીમથી નીકળીને તેઓએ સૂફ સમુદ્રને કિનારે છાવણી કરી.

11અને સૂફ સમુદ્રથી નીકળીને તેઓએ સીનના અરણ્યમાં છાવણી કરી.

12અને સીનના અરણ્યથી નીકળીને તેઓએ દોફકામાં છાવણી કરી.

13અને દોફકાથી નીકળીને તેઓએ આલુશમાં છાવણી કરી.

14અને આલુશથી નીકળીને તેઓએ રફીદીમમાં છાવણી કરી કે, જ્યાં લોકોને પીવાને માટે પાણી નહોતું.

15અને રફીદીમથી નીકળીને તેઓએ સિનાઈના અરણ્યમાં છાવણી કરી.

16અને સિનાઈના અરણ્યથી નીકળીને તેઓએ કિબ્રોથ-હાત્તાવામાં છાવણી કરી.

17અને કિબ્રોથ-હાત્તાવાથી નીકળીને તેઓએ હસેરોથમાં છાવણી કરી.

18અને હસેરોથી નીકળીને તેઓએ રિથમામાં છાવણી કરી.

19અને રિથમાથી નીકળીને તેઓએ રિમ્મોન-પેરેસથી નીકળીને તેઓએ લિબ્નામાં છાવણી કરી.

20અને રિમ્મોન-પેરેસથી નીકળીને તેઓએ લિબ્નામાં છાવણી કરી.

21અને લિબ્નાથી નીકળીને તેઓએ રિસ્સામાં છાવણી કરી.

22અને રિસ્સાથી નીકળીને તેઓએ કહેલાથામાં છાવણી કરી.

23અને કહેલાથાથી નીકળીને તેઓએ શેફેર પર્વતની તળેટિ આગળ છાવણી કરી.

24અને શેફેર પર્વતથી નીકળીને તેઓએ હારાદામાં છાવણી કરી.

25અને હારાદાથી નીકળીને તેઓએ માકહેલોથમાં છાવણી કરી.

26અને માકહેલોથથી નીકળીને તેઓએ તાહાથમાં છાવણી કરી.

27અને તાહાથથી નીકળીને તેઓએ તેરાહમાં છાવણી કરી.

28અને તેરાહથી નીકળીને તેઓએ મિથકામાં છાવણી કરી.

29અને મિથકાથી નીકળીને તેઓએ હાશ્મોનામાં છાવણી કરી.

30અને હાશ્મોનાથી નીકળીને તેઓએ મોસેરોથમાં છાવણી કરી.

31અને મોસેરોથથી નીકળીને તેઓએ બની-યાકાનમાં છાવણી કરી.

32અને બની-યાકાનથી નીકળીને તેઓએ હોર-હાગિદગાદમાં છાવણી કરી.

33અને હોર-હાગિદગાદમાં છાવણી કરી.

34અને યોટબાથાથી નીકળીને તેઓએ આબ્રોનામાં છાવણી કરી.

35અને આબ્રોનાથી નીકળીને તેઓએ એસ્યોન-ગેબેરમાં છાવણી કરી.

36અને એસ્યોન-ગેબેરથી નીકળીને તેઓએ સીનના અરણ્યમાં છાવણી કરી (એ જ કાદેશ છે).

37અને કાદેશથી નીકળીને તેઓએ અદોમ દેશની સરહદમાં હોર પર્વતની તળેટી આગળ છાવણી કરી.

38અને યહોવાની આજ્ઞા પ્રમાણે હારુન યાજક હોર પર્વત પર ચઢ્યો, ને ઇઝરાયલી લોકો મિસર દેશમાંથી નીકળ્યા ત્યાર પછી ચાળીસમાં વર્ષના પાંચમા માસને પહેલે દિવસે તે ત્યાં મરણ પામ્યો.

39અને હારુન હોર પર્વત પર મરણ પામ્યો ત્યારે તે એક સો ને ત્રેવીસ વર્ષનો હતો.

40કનાન દેશના નેગેબમાં રહેનાર અરાદના કનાની રાજાએ ઇઝરાયલી લોકોના આવવા વિષે સાંભળ્યું.

41અને હોર પર્વતથી નીકળીને તેઓએ સાલ્મોનામાં છાવણી કરી.

42અને સાલ્મોનાથી નીકળીને તેઓએ પૂનોનમાં છાવણી કરી.

43અને પૂનોનથી નીકળીને તેઓએ ઓબોથમાં છાવણી કરી.

44અને ઓબોથથી નીકળીને તેઓએ મોઆબની સરહદમાં ઇયેઅબારીમમાં છાવણી કરી.

45અને ઇયીમથી નીકળીને તેઓએ દિબોન-ગાદમાં છાવણી કરી.

46અને દિબોન-ગાદથી નીકળીને તેઓએ આલ્મોન-દિબ્લાઈમમાં છાવણી કરી.

47અને આલ્મોન-દિબ્લાથાઈમથી નીકળીને તેઓએ અબારીમ પર્વતોમાં નબોની સામે છાવણી કરી.

48અને અબારીમ પર્વતોથી નીકળીને તેઓએ મોઆબના મેદાનમાં યર્દનને કાંઠે યરીખો આગળ છાવણી કરી.

49અને તેઓએ યર્દનને કાંઠે, બેથ-યશીમોથથી આબેલ-શિટ્ટીમ સુધી મોઆબના મેદાનમાં છાવણી કરી.

50અને મોઆબના મેદાનમાં યર્દનને કાંઠે યરીખો પાસે યહોવાએ મૂસાને કહ્યું,

51“ઇઝરાયલી લોકોને એમ કહે કે, જ્યારે તમે યર્દન નદી ઊતરીને કનાન દેશમાં જાઓ,

52ત્યારે તમે પોતાની આગળથી દેશના સર્વ રહેવાસીઓને હાંકી કાઢો, ને તેઓના કોતરેલા સર્વ પથ્થરોનો ને તેઓની સર્વ ગાળેલી [ધાતુની] મૂર્તિઓનો નાશ કરો, ને તેઓનાં સર્વ દેવસ્થાનોને તોડી પાડો.

53અને દેશને કબજે કરીને તેમાં વસો; કેમ કે વતનને માટે મેં તે દેશ તમને આપ્યો છે.

54અને તમે ચિઠ્ઠીઓ નાખીને તમારાં કુટુંબો પ્રમાણે દેશનો વારસો વહેંચી લેજો. જે [કુળમાં] વિશેસ માણસો તેને તે પ્રમાણમાં તમારે વિશેષ માણસો તેને તે પ્રમાણમાં તમારે વિશેષ વારસો આપવો, ને જેમાં થોડાં માણસો તેને તારે થોડો વારસો આપવો. ચિઠ્ઠીઓ નાખીને જ્યાં જેનો ભાગ આવે, ત્યાં જ તેને મળે. તમારા પિતૃઓનાં કુળો પ્રમાણે તમને વારસો મળે.

55પણ જો તમે પોતાની સામેથી દેશના રહેવાસીઓને હાંકી કાઢો, તો તેઓમાંના જેઓને તમે રહેવા દેશો તેઓ તમારી આંખોમાં કણીઓરૂપ ને તમારી કૂખોમાં કાંટારૂપ થઈ પડશે, ને જે દેશમાં તમે વસશો ત્યાં તેઓ તમને હેરાન કરશે.

56અને એમ થશે કે તેઓ પર જે વિતાડવાનું હું ધારતો હતો, તે હું તમારા પર વિતાડીશ.”